Cingthuilawk 17
1 Kâyue kâoun laihoi im dawk yikkawi e pawitonae bu hlakvah karoumcalah lahoi bukaro kam touh ca e ahawihnawn.
| טוב פת חרבה ושלוה בה מבית מלא זבחי ריב׃ |
2 A lungkaang e san ni yeirai ka phawt e capa hah a uk teh, hmaunawnghanaw hoi cungtalah râw a coe han.
| עבד משכיל ימשל בבן מביש ובתוך אחים יחלק נחלה׃ |
3 Ngun sôlêi nahanelah manang, sui sôlêi nahanelah takhuenhmai, hatei BAWIPA ni lungthin a tanouk.
| מצרף לכסף וכור לזהב ובחן לבות יהוה׃ |
4 Thoenae kasaknaw ni teh laithoe dueng a thai ngai awh teh, laithoe kadeinaw ni hai laithoe lawk a thai ngai awh.
| מרע מקשיב על שפת און שקר מזין על לשון הות׃ |
5 Tamimathoe ka dudam e ni kasakkung a dudam teh, ayânaw runae a kâhmo navah a lungkahawi e tami hai hlout mahoeh.
| לעג לרש חרף עשהו שמח לאיד לא ינקה׃ |
6 Mincanaw teh matawngnaw e bawilukhung doeh, camonaw bawilennae teh a napanaw doeh.
| עטרת זקנים בני בנים ותפארת בנים אבותם׃ |
7 Lawkkanem hoi tamipathu kamcu hoeh, laithoe deinae pahni teh bawi hoi hoe kamcu hoeh.
| לא נאוה לנבל שפת יתר אף כי לנדיב שפת שקר׃ |
8 Tadawnghno teh ka dâw e tami koe talung phukaawm hoi a kâvan, a kangvawi tangkuem koe hawinae a hmu.
| אבן חן השחד בעיני בעליו אל כל אשר יפנה ישכיל׃ |
9 Lawkeknae ka ramuk pouh e ni lungpatawnae a tawng, hatei boutbout ka dei pouh e tami ni teh huiko a kapek.
| מכסה פשע מבקש אהבה ושנה בדבר מפריד אלוף׃ |
10 Tamipathu avai cum touh hem e hlak tamilungkaang vai touh yue e aphuohnawn.
| תחת גערה במבין מהכות כסיל מאה׃ |
11 Tamikahawihoeh ni kâtaran nahane dueng doeh a tawng, hatdawkvah patoune kathout hoi a kâhmo han.
| אך מרי יבקש רע ומלאך אכזרי ישלח בו׃ |
12 Tamipathu a pathu lahun nah kâhmo e hlak teh, a ca kahmat e tavom hoi kâhmo pawiteh bet ahawihnawn.
| פגוש דב שכול באיש ואל כסיל באולתו׃ |
13 Hawinae hah thoenae hoi ka pathung e tami teh hnokathout ni a imthung tâcawt takhai mahoeh.
| משיב רעה תחת טובה לא תמיש רעה מביתו׃ |
14 Kâyuenae teh tuiim dawk hoi tui ka yu e patetlah ao, hatdawkvah kâyue hoehnahlan kâounnae hah roun lawih.
| פוטר מים ראשית מדון ולפני התגלע הריב נטוש׃ |
15 Tamikayon a yon ka ngaithoum e tami hoi, tamikalan yon kapen e tami hah BAWIPA ni a panuet
| מצדיק רשע ומרשיע צדיק תועבת יהוה גם שניהם׃ |
16 Tamipathu ni lungangnae a ngai hoeh dawkvah, lungangnae ran nahane hnopai hah bangkongmaw ahni kut dawk poe han vaw.
| למה זה מחיר ביד כסיל לקנות חכמה ולב אין׃ |
17 Hui ni teh nâtuek hai lung na pataw teh, hmaunawngha teh runae kâhmo tueng nahanelah doeh a khe.
| בכל עת אהב הרע ואח לצרה יולד׃ |
18 Thaipanueknae ka tawn hoeh e niteh kuttabei kâtambei hoi a hui hmalah lawk a kam.
| אדם חסר לב תוקע כף ערב ערבה לפני רעהו׃ |
19 Lawkeknae ka ngai e ni teh kâyuenae hai a ngai, a longkha ka rasangsak e ni rawknae hah a tawng.
| אהב פשע אהב מצה מגביה פתחו מבקש שבר׃ |
20 Dumyennae lungthin ka tawn e ni hnokahawi hmawt mahoeh, laithoe ka dei e tami teh runae hoi a kâhmo han.
| עקש לב לא ימצא טוב ונהפך בלשונו יפול ברעה׃ |
21 Tamipathu ka khe e tami teh amahoima a lungmathoe sak, ka pathu e capa ka tawn e tami teh konawmnae tawn hoeh.
| ילד כסיל לתוגה לו ולא ישמח אבי נבל׃ |
22 Lungthin konawm e heh kahawipoung e tâsi hoi a kâvan teh, lungthin reknae ni hru a ke sak.
| לב שמח ייטב גהה ורוח נכאה תיבש גרם׃ |
23 Tamikathout ni lannae lamthung phen hanelah a hnukkhu lahoi hno ouk a lawp.
| שחד מחיק רשע יקח להטות ארחות משפט׃ |
24 Lungangnae teh thaipanueknae katawnkung hmalah ao teh, tamipathu e mit ni teh talai pout totouh ouk a khet.
| את פני מבין חכמה ועיני כסיל בקצה ארץ׃ |
25 Capa pathu e teh na pa lung kamathoutsakkung lah ao teh, kakhekung manu hanelah hai ka khat poung e lah ao.
| כעס לאביו בן כסיל וממר ליולדתו׃ |
26 Tamikalan rek hanelah awm hoeh, ka talue e hai a hawi nahlangva hem hanelah awm hoeh.
| גם ענוש לצדיק לא טוב להכות נדיבים על ישר׃ |
27 Panuenae ka tawn e ni lawk a kâsum teh, thaipanueknae ka tawn e teh roumnae muitha ka tawn e doeh.
| חושך אמריו יודע דעת וקר רוח איש תבונה׃ |
28 Tamipathu hai duem awm pawiteh, tamilungkaang patetlah pouk e lah ao, a pahnicakuep pawiteh thaipanueknae ka tawn patetlah pouk e lah ao.
| גם אויל מחריש חכם יחשב אטם שפתיו נבון׃ |
