< Milu Pareinae 33 >
1 Hetnaw heh Mosi hoi Aron ni hrawi e lahoi IZip ram hoi ahuhu lahoi a tâco awh teh, a ceinae doeh.
2 BAWIPA ni kâ poe e patetlah a tâco pasuek hoiyah, a ceinae naw hah Mosi ni koung a thut. Hetheh kahlawng cei a kamtawngnae koehoi pou a deinae doeh.
3 Thapa ayung pasuek, hnin hlaipanga hin vah Raameses hoi a tâco awh teh ceitakhai pawi hnin a tangtho amom vah Izipnaw e mithmu vah,
4 a caminnaw pueng BAWIPA ni a thei pouh e naw a pakawp awh lahun nah, Isarel catounnaw pueng lungtang lahoi a tâco awh. Bangkongtetpawiteh, BAWIPA ni ahnimae cathut koehai lawk a ceng teh a rek pouh.
5 Hahoi teh Isarel catounnaw teh Raameses hoi a tâco awh teh, Sukkoth vah a roe awh.
6 Sukkoth hoi a tâco awh teh kahrawngum Etham vah a roe awh.
7 Etham hoi a tâco awh teh Baalzephon teng Pihahiroth lah a ban awh teh Migdol vah a roe awh.
8 Pihahiroth hoi a tâco awh teh talî tapoung hoi kahrawngum vah a kâen awh. Hahoi Etham kahrawng dawk hnin thum touh a cei awh teh, Marah vah a roe awh.
9 Marah hoi a cei awh teh, Elim lah a pha awh. Haw vah tuiphuek hlaikahni touh hoi ungkung 70 touh ao teh haw vah a roe awh.
10 Elim hoi a cei awh teh tuipui paling teng vah a roe awh.
11 Tuipui paling koehoi a cei awh teh Sin kahrawngum vah a roe awh.
12 Sin kahrawngum koehoi a cei awh teh, Dophkah vah a roe awh.
13 Dophkah koehoi a cei awh teh Alush vah a roe awh.
14 Alush koehoi a cei awh teh, Rephidim vah a roe awh. Hatei, hawvah tui nei hane awm hoeh.
15 Rephidim koehoi a cei awh teh, Sinai kahrawngum vah a roe awh.
16 Sinai kahrawngum koehoi a cei awh teh, Kiborthhattaavah vah a roe awh.
17 Kiborthhattaavah koehoi a cei awh teh, Hazeroth vah a roe awh.
18 Hazeroth koehoi a cei awh teh, Rithmah vah a roe awh.
19 Rithmah koehoi a cei awh teh Rimmonperez a roe awh.
20 Rimmonperez koehoi a cei awh teh Libnah vah a roe awh.
21 Libnah koehoi a cei awh teh Rissah vah a roe awh.
22 Rissah koehoi a cei awh teh Kehelathah vah a roe awh.
23 Kehelathah koehoi a cei awh teh Shepher mon vah a roe awh.
24 Shepher mon koehoi a cei awh teh Haradah vah a roe awh.
25 Haradah koehoi a cei awh teh Makheloth vah a roe awh.
26 Makheloth koehoi a kampuen awh teh Tahath vah a roe awh.
27 Tahath koehoi a cei awh teh Terah vah a roe awh.
28 Terah koehoi a cei awh teh Mithkah vah a roe awh.
29 Mithkah koehoi a cei awh teh Hashmonah vah a roe awh.
30 Hashmonah koehoi a cei awh teh Moserah vah a roe awh.
31 Moserah koehoi a cei awh teh Benejaakan vah a roe awh.
32 Benejaakan koehoi a cei awh teh Horhagidgad vah a roe awh.
33 Horhagidgad koehoi a cei awh teh Jobathah vah a roe awh.
34 Jobathah koehoi a kampuen awh teh Abronah vah a roe awh.
35 Abronah koehoi a kampuen awh teh Eziongeber vah a roe awh.
36 Eziongeber koehoi a cei awh teh Kadesh e Zin kahrawng vah a roe awh.
37 Kadesh koehoi a cei awh teh Edom ram poutnae Hor mon vah a roe awh.
38 Hor mon vah vaihma Aron hai BAWIPA e lawk patetlah a luen teh, Izip hoi Isarelnaw a tâco awh hoi kum 40, thapa yung panga apasuek hnin, hawvah a due.
39 Aron teh Hor mon dawk a due nah kum 120 touh a pha.
40 Hahoi Kanaannaw, Kanaan ram akalah kaawm e Arad siangpahrang ni Isarelnaw a tho awh e hah a thai.
41 Hor mon koehoi a kampuen awh teh Zalmonah vah a roe awh.
42 Zalmonah koehoi a kampuen awh teh Punon vah a roe awh.
43 Punon koehoi a kampuen awh teh Oboth vah a roe awh.
44 Oboth koehoi a kampuen awh teh Moab ramri Ijeabarim vah a roe awh.
45 Iyim koehoi a kampuen awh teh Gad Dibon vah a roe awh.
46 Gad Dibon koehoi a kampuen awh teh Almondiblathaim vah a roe awh.
47 Almondiblathaim koehoi a kampuen awh teh Nebo hma lae Abarim mon vah a roe awh.
48 Abarim mon koehoi a kampuen awh teh Jeriko tengpam Jordan palang teng Moab tanghling dawk a roe awh.
49 Jordan palang teng Bethjeshimoth koehoi Abelshittim totouh Moab tanghling dawk a roe awh.
50 Hahoi Jeriko tengpam Jordan palang teng Moab tanghling dawk BAWIPA ni Mosi hah a pato teh,
51 Isarel catounnaw hah pato nateh, ahnimouh koe Jordan tui na raka awh teh, Kanaan ram na kâen awh toteh,
52 hote ram dawk kaawmnaw pueng be na pâlei awh han. Ahnimae talung meikaphawknaw pueng be na raphoe pouh han, hmuenrasang hai be na raphoe pouh han.
53 Hahoi ram teh na coe awh vaiteh, hawvah kho na sak awh han, bangkongtetpawiteh, na coe hane ram teh na poe toe.
54 Hahoi a ma miphun lahoi cungpam na rayu awh vaiteh, ram teh na coe awh vaiteh, na kârei awh han, bet kapap e hah ram kakawhnawn na poe awh han. Kayoun e hah kabuenghnawn lah na poe awh han. Cungpam na rayu awh e patetlah kâvan lah na ham awh han. Na mintoenaw e phung patetlah na coe awh han.
55 Hatei, hote ram dawk kaawmnaw hah na pâlei awh hoeh e naw teh, na mit dawk mittanuen hoi na tak dawk pâkhing kaawm vaiteh, na onae ram dawk runae na poe awh han.
56 Hothloilah, ahnimouh koe sak han ka noe e hah namamouh koe letlang ka sak han tet pouh telah a ti.
