Job 25

1 Hahoi Shuhi tami Bildad ni a pathung teh,

2 Uknae hoi takinae teh amae naw doeh. Hmuenrasang dawkvah roumnae naw a sak.

3 A ransanaw hah apinimaw a touk thai han. Apie lathueng maw na angnae hah tâcawt laipalah ao boi.

4 Bangtelamaw Cathut e hmalah tami a lan thai han. Hoeh pawiteh, bangtelamaw napui ni khe e hah a thoung thai han.

5 Thapa patenghai ang laipalah, âsinaw hai amae mithmu vah thoung awh hoeh pawiteh,

6 Pâri hoi tangraet rumram lah kaawm e taminaw natawng teh bangtelamaw hoe thoung thai han vaw, telah ati.