Kamtawngnae 5

1 Adam catounnaw cauk teh a rahim lae patetlah doeh. Cathut ni tami a sak navah amae meikalat lah a sak.

2 Tongpa hoi napui a sak teh yawhawinae a poe. A sak hnin ahnimouh roi teh tami telah min a phung.

3 Adam teh kum 130 touh a pha navah, ama hoi kâlat e ama hoi mei kâvan e ca tongpa a khe teh Seth telah min a phung.

4 Seth a khe hnukkhu, Adam teh kum 800 touh a hring teh ca tongpanaw hoi napuinaw hai bout a khe.

5 Adam teh kum 930 touh akuep navah a due.

6 Seth teh kum 105 touh a pha navah Enosh a khe.

7 Enosh a khe hnukkhu Seth teh kum 807 touh a hring teh ca tongpanaw hoi napuinaw bout a khe.

8 Seth teh a kum 912 touh akuep navah a due.

9 Enosh teh kum 90 touh a pha navah Kenan a khe.

10 Kenan a khe hnukkhu, Enosh teh kum 815 touh a hring teh ca tongpanaw hoi napuinaw khe.

11 Enosh teh kum 905 touh a hring teh a due.

12 Kenan teh kum 70 touh a pha navah Mahalalel a khe.

13 Mahalalel a khe hnukkhu, Kenan teh kum 840 touh a hring teh ca tongpanaw hoi napuinaw bout a khe.

14 Kenan teh kum 910 touh a hring teh a due.

15 Mahalalel teh kum 65 touh a pha navah Jared a khe.

16 Jared a khe hnukkhu, Mahalalel teh kum 830 touh a hring teh ca tongpanaw hoi napuinaw bout a khe.

17 Mahalalel teh kum 895 touh a hring teh a due.

18 Jared teh kum 162 touh a pha navah Enok a khe.

19 Enok a khe hnukkhu Jared teh kum 800 touh a hring teh ca tongpanaw hoi napuinaw bout a khe.

20 Jared teh kum 962 touh a hring teh a due.

21 Enok teh kum 65 touh a pha navah Methuselah a khe.

22 Methuselah a khe hnukkhu Enok teh kum 300 touh thung Cathut hoi rei a ceio teh, ca tongpanaw hoi napuinaw bout a khe.

23 Enok teh kum 365 touh a hring.

24 Enok teh Cathut hoi cungtalah a ceio teh bout awmhoeh toe. Bangkongtetpawiteh, Cathut ni a la toe.

25 Methuselah teh kum 187 touh a pha nah Lamek a khe.

26 Lamek a khe hnukkhu Methuselah teh kum 782 touh a hring teh ca tongpanaw hoi napuinaw bout a khe.

27 Methuselah teh kum 969 touh a hring teh a due.

28 Lamek teh kum 182 touh a pha navah ca tongpa a khe.

29 BAWIPA ni thoebonae talai dawk kut hoi thaw tawk awh teh, patang khangnae dawk hoi lung na pahawi han ati teh, Noah telah min a phung.

30 Noah a khe hnukkhu Lamek teh kum 595 touh a hring teh ca tongpanaw hoi napuinaw bout a khe.

31 Lamek teh kum 777 touh a hring teh a due.

32 Noah teh kum 500 touh a pha nah Shem, Ham hoi Japheth a khe.