Revelation 18
1 Hicheng jouse nung chun keiman vantil chomkhat vana kon'a thuneitah'a ahung kum lhah kamun, chule leiset chu avah in asaljengin ahi.
After these things I saw another angel coming down out of heaven, having great authority; and the earth was lightened with his glory.
2 Ama chun aw gingtah in asam in: “Babylon chu achimtai, Khopi lentah chu achimtai! Ama lhagao phalou chenna ahung hitai. Ama lhagao namse ho kiselna mun ahung hin, muthong namse ho kiselna mun ahung hin chule anamse le kichat umsa-ho umna mun ahitai.
And he cried with a mighty voice, saying, Fallen, fallen is Babylon the great, and is become a habitation of devils, and a hold of every unclean spirit, and a hold of every unclean and hateful bird.
3 Ajeh chu chitin namtin vaipi chu amanu jonthan hoina lung ngaichatnaa chonchatvaina ju'a alhutai. Vannoi lengho amanutoh ajong khomun ahi. Amanu nopsahval a kon'a vannoi leiset sumkol veiho haodoh gam'a ahitauve,” ati.
For by the wine of the wrath of her fornication all the nations are fallen; and the kings of the earth committed fornication with her, and the merchants of the earth waxed rich by the power of her wantonness.
4 Chutah in keiman aw chomkhat vanna konin kajai, “Kamite, amanua konin hungdoh un, amanu chonsetnaho chu kikoppi hih un, achuti louva ahileh amanutoh gimbolna nathoh khom diu ahi.
And I heard another voice from heaven, saying, Come forth, my people, out of her, that ye have no fellowship with her sins, and that ye receive not of her plagues:
5 Ajeh chu amanu chonsetna ho chu van sang in asangin, chule Pathen in amanu thilse bolho chu ageldoh in ahi.
for her sins have reached even unto heaven, and God hath remembered her iniquities.
6 Amanun michunga abolna tobang'in achunga boluvin, athilse bolho jeh in ajatnin lethuh un. Aman midang dingin kichatna ju'a kisem chol jaona chu khon-a ahaltai, hiti chun amadingin chan-ni akisemben ahi.
Render unto her even as she rendered, and double [unto her] the double according to her works: in the cup which she mingled, mingle unto her double.
7 Ama akichoi sanga chule kinom sahtah'a hinkho amanjeh chun, tun atotoh dingin gimthohsahna le lunghemna lhutpeh un. Amanu hin alungsunga kithang atna neitah in, keima kalaltouna a lengnu kahi, keima hi panpibei meithai kahihih in, hitia chu keima kalunghemna ding aumpoi, ati.
How much soever she glorified herself, and waxed wanton, so much give her of torment and mourning: for she saith in her heart, I sit a queen, and am no widow, and shall in no wise see mourning.
8 Hijeh a chu hiche gamna hoise ho hin, nikhat sunga ahinphah ding–thina le lunghemna chule kel'in ahinphah ding ahi. Amanu hi meiyin akahvamhel ding ahi, ijeh ham itileh Pakai Pathen amanu thutanpa chu hatchungnung ahi,” ati.
Therefore in one day shall her plagues come, death, and mourning, and famine; and she shall be utterly burned with fire; for strong is the Lord God which judged her.
9 Chule vannoi lengho amanu jonpiho le ama kinomsahna thanoppi ho chun amanu kigona meikhu kitungdoh chu amu tenguleh alung hempi diu ahi.
And the kings of the earth, who committed fornication and lived wantonly with her, shall weep and wail over her, when they look upon the smoke of her burning,
10 Amaho chu gamlatah a ding'uva amanu thohgim chu tijatah'a avet diu ahi. Amaho chun ahinsapdoh uva, “Iti gimneiya nagimnei hitam! Vo Babylon, khopi lentah nu! Phat khatsung sehseh in Pathen thutanna nachunga alhung jenge,” ati diu ahi.
standing afar off for the fear of her torment, saying, Woe, woe, the great city, Babylon, the strong city! for in one hour is thy judgment come.
11 Vannoiya kiveimiho chu hungkap uva chule alunghem pidiu ahi, ijeh ham itileh athilhou chodinga koima akidalha aumtapoi.
And the merchants of the earth weep and mourn over her, for no man buyeth their merchandise any more;
12 Amanu hin sana, dangka, khisong mantam, twikoh chang, tupatponnem, ponsandup, lungpon, chule ponsanthip, thinga kisem gimnamtwi, saihaa kisem thil ho, thingmantam'a kisem thilho, sum eng, thih, chule songval-a kisem kong le bel hicheng hohi atam'a tam ana choh ahi.
merchandise of gold, and silver, and precious stone, and pearls, and fine linen, and purple, and silk, and scarlet; and all thyine wood, and every vessel of ivory, and every vessel made of most precious wood, and of brass, and iron, and marble;
13 Amanu hin thingthal, amui-al, thingnai, thao anamtui, bego, lengpitwi, olive thao, changbong, suhlouchang, bong le kelngoi, sakol le sakol kangtalai, chule mihem soh'a kivul ho chengse jong hi anachohdoh ahi.
and cinnamon, and spice, and incense, and ointment, and frankincense, and wine, and oil, and fine flour, and wheat, and cattle, and sheep; and [merchandise] of horses and chariots and slaves; and souls of men.
14 “Thil mantam nangman nangailut lheh jengho jong chu amangthah in, na kinomsah na le na loupina ho jong a-itih'a din amangthah tai,” tia asap diu ahi.
And the fruits which thy soul lusted after are gone from thee, and all things that were dainty and sumptuous are perished from thee, and [men] shall find them no more at all.
15 Kivei miho, amanu koma hicheng thil joh ho chu gamlatah a ding diu, athohgimna khoh chungnung chu atijat pilheh jeng diu ahi. Amaho kap uvintin chule ahin sapdoh diu,
The merchants of these things, who were made rich by her, shall stand afar off for the fear of her torment, weeping and mourning;
16 “Chuche khopi lenchungnung dinga tijat iti um hitam! Amanu hin ponsandup le ponsanthip tonjih ponnem hoipen pen akisila, hitia chu sana le songmantama, chule twikohchanga kijem'a ahi.”
saying, Woe, woe, the great city, she that was arrayed in fine linen and purple and scarlet, and decked with gold and precious stone and pearl!
17 “Mitphet kahlouvin khopi haona jouse chu amahthah jenge!” Chule kiveina konglen tol lamkaiho le asunga touho jouse chule atol-a panghole avesuiya pang jouse chu gamlatah a dingdiu ahi.
for in one hour so great riches is made desolate. And every shipmaster, and every one that saileth any whither, and mariners, and as many as gain their living by sea, stood afar off,
18 Amahon avetvetpet uva Meikhu ahung kitundoh phattengleh amahon, “Hiche khopi tobang khopi len chungnung achom dang khat hoiya uma hitam!” ati diu ahi.
and cried out as they looked upon the smoke of her burning, saying, What [city] is like the great city?
19 Chutia amaho kap diu chule alunghemnau vetsahna a aluchunguva vutvai atheuva, chule hung pengdoh jeng diu, “Chuche khopi lenchungnung dinga itobang tah a tijat um hitam! Konglen neiho chu ahaona thil ho twikhanglen'a polea apanjeh uva hung haodoh uva ahin, tun mitphet kahlouvin amahthah jenge,” atiuvin ahi.
And they cast dust on their heads, and cried, weeping and mourning, saying, Woe, woe, the great city, wherein were made rich all that had their ships in the sea by reason of her costliness! for in one hour is she made desolate.
20 Amanu chan chunga khun kipah uvin, Vanin, Pathen miten, solchah hole themgao ho chengsen. Ijeh inem itileh nangho jal in, anunung penah Pathen in amanu chungthu atantai.
Rejoice over her, thou heaven, and ye saints, and ye apostles, and ye prophets; for God hath judged your judgment on her.
21 Chujouchun vantil hattah khat chun songtum khat sumhei tebep alan, hichu twikhanglen'a alehlut in chuin ahinsamin, “Hiche tobang banga hi Babylon khopi chungnung chu hoisetah'a suhchim hung hiding chule kimukit talou ding ahitai,” ati.
And a strong angel took up a stone as it were a great millstone, and cast it into the sea, saying, Thus with a mighty fall shall Babylon, the great city, be cast down, and shall be found no more at all.
22 Selangdah kitumgin, lasaho awgin, theilegin, chule sumkon gin hohi nangmaa kon'a kijadoh kit talouhel ding ahitai. Khut them thilbol hole kiveiho nangmaa kimudoh kit talouhel diu ahi. Sumhei changsuh gin nangmaa kijadohkit talou helding ahitai.
And the voice of harpers and minstrels and flute-players and trumpeters shall be heard no more at all in thee; and no craftsman, of whatsoever craft, shall be found any more at all in thee; and the voice of a millstone shall be heard no more at all in thee;
23 Thaomeivah nangmaa kon'a hungvah doh kit talou helding ahitai. Akicheng ding moulang le mounu kipa awgin kijadoh kit talouhel ding ahi. Ijeh ham itileh akivei miho hi vannoiya athupipen ahitauvin, chule nangman chitin namtin chu doihoa nalheplhah gam ahitai.
and the light of a lamp shall shine no more at all in thee; and the voice of the bridegroom and of the bride shall be heard no more at all in thee: for thy merchants were the princes of the earth; for with thy sorcery were all the nations deceived.
24 Nalamlen lhongpiu ho'ah themgaoho le Pathen mithengte thisan alongin, chule miho kithana thisan chu vannoi muntin'a alonglhan ahi.
And in her was found the blood of prophets and of saints, and of all that have been slain upon the earth.
