La Bu 99

1 Yahweh Pakai hi leng ahi! Chitin namtin kithing thingjeng hen! Ama Cherubim teni kikah a laltouna a atouvin ahi. Vannoi leiset pumpi kithing hen.

The Lord reigneth; people tremble: he sitteth enthroned over the cherubim; the earth is moved.

2 Yahweh Pakai chu Jerusalem ah loupitah'in atouvin ahi. Chitin namtin ho jouse chung vum a dopsang'in aum e.

The Lord is great in Zion; and he is exalted above all the people.

3 Amahon namin gimneitah chu thangvah uhen, naminhi athenge!

They will give thanks to thy name, great, and terrible, [and] holy it is.

4 Lengloupi thudih ngailua, nangin thildih hi nadomsang'in, thudih in kal nasong'in Israel lah-a thudih nachelhah sah'in ahi.

And to the power of the king who loveth justice and righteousness hast thou truly executed in Jacob.

5 Yahweh Pakai iPathen'u Elohim hi dopsangin umhen! A-ang sungah bohkhup un, ajeh chu Amahi atheng ahi.

Exalt ye the Lord our God, and bow yourselves down before his footstool: he is holy.—

6 Mose le Aaron jongchu thempu ahilhon e, Samuel injong Amin anakouve. Amahon Yahweh Pakai kom ah panpi ngaichan anakouvun ahi, chuleh Aman anahouvin ahi.

Moses and Aaron were among his priests, and Samuel among those that call on his name; they called on the Lord, and he answered them.

7 Aman meilom lah a kon in Israel ho lah-a thu anasei in, amahon Yahweh Pakai in apeh-u Dan le thupeh hochu anajui un ahi.

In the pillar of cloud he used to speak unto them: they kept his testimonies, and the statutes which he had given unto them.

8 O Yahweh Pakai ka Pathen'u Elohim! nangin amaho nana donbut in ahi. Nangma hi amaho ding a mi ngaidam jing Elohim Pathen nahi, ahinla amaho achekhel teng uleh nagim boljin ahi.

O Lord, our God, thou didst answer them: thou wast a forgiving God unto them, yet also an avenger for their wrong doings.

9 Yahweh Pakai, iPathen'u Elohim hi domsang'un chuleh Jerusalem a moltheng achun chibai boh'un ajeh chu Yahweh Pakai, iPathen'u Elohim hi atheng ahi.

Exalt the Lord our God, and bow yourselves down before his holy mount; for holy is the Lord our God.