La Bu 84

1 O Yahweh Pakai hatchungnung nahou in hi iti kangailut hitam?

2 Hiche a chu iti kaum nom hitam! Yahweh Pakai Hou inn chu kangaicha lheh jenge, kahina apumpin hingjing Elohim Pathen ah kakipana lan sange.

3 Inva jengin jong abuh akisah in, chuleh pengpalep injong intum akison e. Vo Yahweh Pakai hat chungnung, kalengpa le ka Pathen Elohim! Vachan jong namaicham kom a anou kicholdo nading abuh akisem ahi.

4 Nahou inn' a chenghon ichangei a hinkho nopna anei' u hitam phat tin in nangma vahchoila asauve.

5 Athahatna Yahweh Pakai a kon a kimuho hinkho iti nop a hitam, alungsungun Jerusalem' ah akholjing jengun ahi.

6 Beca phaicham ajot tengu jongle, twisam putna twinah tampi umna bangin abol un, gotwi hunglha masapen in jong twikul tampi ahinsemdoh pehjiuve.

7 Amaho akalson chan uva ahetbe cheh chehjingdiu ahin, amahon Jerusalem a Yahweh Pakai chu amudiu ahi.

8 O Yahweh Pakai, Ka Pathen Elohim hatchungnung kataona neingaipeh' in, O Jacob Elohim Pathen.

9 O Elohim Pathen kalengpauhi phatthei boh' in, amahi kaluum u ahi, nathaonusa nalhen pahi khotona musah jingin.

10 Munchom a ni sangkhat umsangin na Houin a nikhat um aphajoi. Miphalou inna chen sangin ka Pathen Elohim inn' a kotngah a pan aphajoi.

11 Ajeh chu Yahweh Pakai, Elohim Pathen hi eiho dia nisa le umpho ahi. Aman khoto nale loupina eipeuvin ahi. Yahweh Pakai in thildih jeng bol mihoa kon in thilpha alamang pon ahi.

12 Yahweh Pakai hatchungnung nangma tahsan mihohi iti kipa um a hitam?