La Bu 78
1 O kamite ho, kathuhil hi ngaiyun. Kathusei a hin nakol'u hinsungun,
| משכיל לאסף האזינה עמי תורתי הטו אזנכם לאמרי-פי |
2 ajeh chu keiman thulem a nahenga thu kaseiding ahi, keiman achesa thilsoh ho-a kon a kahin hilding nahi,
| אפתחה במשל פי אביעה חידות מני-קדם |
3 eihon thusim ijahsa houleh ihetsahou, thusim ipu ipateuva kon a hung kiseilhapeh ho ahi.
| אשר שמענו ונדעם ואבותינו ספרו-לנו |
4 Eihon hiche thutah hohi icha inaoteu i-impeh loudiu, Yahweh Pakai natoh loupi tahtah hohi, athaneinale akidanna hohi ikhangthah houhi iseipehdiu ahi.
| לא נכחד מבניהם-- לדור אחרון מספרים תהלות יהוה ועזוזו ונפלאתיו אשר עשה |
5 Ajeh chu Aman Jocob kom a Dan anapeh-a, Israel kom a thuhil ho anapeh ahi. Aman ipu ipateu atu achateu ahil diuva thupeh anapeh ahin,
| ויקם עדות ביעקב ותורה שם בישראל אשר צוה את-אבותינו-- להודיעם לבניהם |
6 hitiachu ahunglhung ding khangthah ten ahet nadiuleh ahung pengloulai chapang ho dinga, chuleh aman amaho chapangte ahilsonna diuva ahi.
| למען ידעו דור אחרון--בנים יולדו יקמו ויספרו לבניהם |
7 Hitiachu khangthah ahunglhun channa Elohim Pathen a kinepna thah aneisah nadiu, Yahweh Pakai natoh kidang thil loupi hochu asuhmillou nadiu chuleh athupehho anitjing nadiuva ahiljing diu ahi.
| וישימו באלהים כסלם ולא ישכחו מעללי-אל ומצותיו ינצרו |
8 Hiteng chuleh ipi iputeu tobang talou a lungtahna, kiphinna, kitah louna Elohim Pathen a alungthim'u pehnom louna anei lou diu ahitai.
| ולא יהיו כאבותם-- דור סורר ומרה דור לא-הכין לבו ולא-נאמנה את-אל רוחו |
9 Ephraim galsat hon thalchang akipoh vangun akinung hei un galmun a konin ajam tauve.
| בני-אפרים נושקי רומי-קשת הפכו ביום קרב |
10 Amahon Elohim Pathen toh akitepnau ajuitapouvin ama thuhil dinpi ding anom tapouvin ahi.
| לא שמרו ברית אלהים ובתורתו מאנו ללכת |
11 Elohim Pathen in ipi abolpeh uham thil kidangtah tah anabol hochu,
| וישכחו עלילותיו ונפלאותיו אשר הראם |
12 napu napateu dinga thil kidang anatohdoh ho, Egypt gamsungle Zoan phaicham chunga, atohdohho asumil tauvin ahi.
| נגד אבותם עשה פלא בארץ מצרים שדה-צען |
13 Ajeh chu Aman twikhanglen ana homkhen in twichu bang bangin aki khen in amaho anapui galkaiyun ahi.
| בקע ים ויעבירם ויצב-מים כמו-נד |
14 Sunleh meilhang in anapuijin, janleh meikong in anapuijin ahi.
| וינחם בענן יומם וכל-הלילה באור אש |
15 Aman gamthip gamm a songpia kon in adondiu twi anaputdoh sah-in ahi.
| יבקע צרים במדבר וישק כתהמות רבה |
16 Aman songpia konna twichu vadung bangin analondohsah in ahi.
| ויוצא נוזלים מסלע ויורד כנהרות מים |
17 Ahijeng vangin neldi gam achun amahon chonset anabol'un hatchungnung dounan ana kiphin'un ahi.
| ויוסיפו עוד לחטא-לו-- למרות עליון בציה |
18 Amahon alungsung uchu lungtahna neipumin Elohim Pathen ana patep un nehding anathumun ahi.
| וינסו-אל בלבבם-- לשאל-אכל לנפשם |
19 Amahon Elohim Pathen Amatah dounan thu anaseiyun “Elohim Pathen in gamthip gammah an eipejou pouve” atiuve.
| וידברו באלהים אמרו היוכל אל--לערך שלחן במדבר |
20 “Henge, songchu ajep'un twichu aputdoh nai, ahinla amite changlhah le sa me eipejou pouve” atiuve.
| הן הכה-צור ויזובו מים-- ונחלים ישטפו הגם-לחם יוכל תת אם-יכין שאר לעמו |
21 Elohim Pathen in hichehi ajahdoh phatnin alunghang lheh jengin, Jacob dounan alunghan na mei akoudoh jengin ahi! Hitihin Israel douna alung hanna ahung koudoh jengin ahi,
| לכן שמע יהוה-- ויתעבר ואש נשקה ביעקב וגם-אף עלה בישראל |
22 ajeh chu amahon Elohim Pathen atahsan pouvin chuleh amaho akhoukhah diuvin jong ana tahsan pouvin ahi.
| כי לא האמינו באלהים ולא בטחו בישועתו |
23 Elohim Pathen in chungleng vanthamjol thu apen vankot jouse jong ahongdoh in,
| ויצו שחקים ממעל ודלתי שמים פתח |
24 Aman aneh dingun van a konin Mana gojuh in ahin juhlhah sah in van changlhah chu ahinpen ahi.
| וימטר עליהם מן לאכל ודגן-שמים נתן למו |
25 Amahon vantil buchu aneuvin, Elohim Pathen in alungna chimsetnun apen ahi.
| לחם אבירים אכל איש צידה שלח להם לשבע |
26 Aman solam huichu ahin nunsah in, Athahatnan lhanglang huijong anunsah in ahi.
| יסע קדים בשמים וינהג בעזו תימן |
27 Aman aneh dingun sachu vutdi jat ahin juhlhah sahin, vachaho chu twikhanglen panga neldi jat ahin,
| וימטר עליהם כעפר שאר וכחול ימים עוף כנף |
28 Aman vachaho chu aponbuh sungu leh avel uvah ahin lenlhah sah in ahi.
| ויפל בקרב מחנהו סביב למשכנתיו |
29 Amahon oivasetin aneuvin ahi. Angaichat dungjuitah in apen ahi.
| ויאכלו וישבעו מאד ותאותם יבא להם |
30 Hinla amahon angaichat dungjuija anehva masangu, akam sung uva sa aumpet jeng jong chun,
| לא-זרו מתאותם עוד אכלם בפיהם |
31 Elohim Pathen lunghana achung uvah ahung lhungtan ahileh Aman alah uva ahatpen pen hochu athat tan ahi. Israel khangthah anasapen hochu athat gamtan ahi.
| ואף אלהים עלה בהם ויהרג במשמניהם ובחורי ישראל הכריע |
32 Ahijeng vangin mipiho chun chonset aboljom jingun ahi, thilkidang ijat abol vangin atahsan dehpouvin ahi.
| בכל-זאת חטאו-עוד ולא-האמינו בנפלאותיו |
33 Hiti chun ahinkhou chu lhuhgam na ahitan akum khouchu kichatnan adimtai.
| ויכל-בהבל ימיהם ושנותם בבהלה |
34 Elohim Pathen in amaho ahin thapat phatnun amahon ajona langin Amachu ahin holtauvin ahi. Kisihna ahin neitauvin Elohim Pathen ahin holtauvin ahi.
| אם-הרגם ודרשוהו ושבו ושחרו-אל |
35 Hiti chun Elohim Pathen chu asongpiu ahi chuleh Elohim Pathen chu hat chungnung le ahuhhing pao ahi ahin geldoh tauvin ahi.
| ויזכרו כי-אלהים צורם ואל עליון גאלם |
36 Ahijeng vangin hichu kamnal a anaseijiu ahibouvin alei u mangchan jou anaseiyun ahi.
| ויפתוהו בפיהם ובלשונם יכזבו-לו |
37 Alung sungu chu Elohim Pathen a ana petheng pouvin Elohim Pathen toh anakitep nauva jong ana dingdet pouvin ahi.
| ולבם לא-נכון עמו ולא נאמנו בבריתו |
38 Hinla lungsetna dim Elohim Pathen chun achonsetnau anangai damun amahochu ana sumang deh pouvin ahi. Phat atamjon alunghan na anatuh tangin hiche bangchun ima ana tongdoh pon ahi.
| והוא רחום יכפר עון-- ולא-ישחית והרבה להשיב אפו ולא-יעיר כל-חמתו |
39 Tahsa mihembep ahiuve ti ahejingin, hui anun leh heikhat kahbou ahin ahung kiletapoi ti ageldoh in ahi.
| ויזכר כי-בשר המה רוח הולך ולא ישוב |
40 Gamthip sunga ijatvei Ama douna ana kiphin jengu chuleh alungsung anatsah vangin,
| כמה ימרוהו במדבר יעציבוהו בישימון |
41 Avel vel in Elohim Pathen thohhat nachu apatep jiuvin Israel Pathen Elohim chu asulunghang jiuvin ahi.
| וישובו וינסו אל וקדוש ישראל התוו |
42 Amahon athahatna in agalmi houva kon a anahuhdoh u hi ageldoh joutapouve.
| לא-זכרו את-ידו יום אשר-פדם מני-צר |
43 Egypt gamsunga thil kidang ijat abolu hitam chuleh Zoan phaicham a athil kidang bol hochu ageldoh tapouvin ahi.
| אשר-שם במצרים אתותיו ומופתיו בשדה-צען |
44 Vadungho thisan asosah a don mohella alha, vadung twi donmo hella alha jengchu.
| ויהפך לדם יאריהם ונזליהם בל-ישתיון |
45 Elohim Pathen in amaho lah a thousi vaibong alansah a, uphohte alansah a agam ujong a suh set peh chu ahepha tapouve.
| ישלח בהם ערב ויאכלם וצפרדע ותשחיתם |
46 Aman achang jouseu khongbai aneh gamsah in alousoh jouseu jong khaokhopi anehgam sah e.
| ויתן לחסיל יבולם ויגיעם לארבה |
47 Alengpithei jouseu gel avohlhah sah sohkei in, atheipiu phung jouseu jong daibang athagamsah in ahi.
| יהרג בברד גפנם ושקמותם בחנמל |
48 Agancha jouseu gel lah a dalhah in aumsah in, akelngoi houjong keh alhah lihsah sohtai.
| ויסגר לברד בעירם ומקניהם לרשפים |
49 Achung uva nasatah in alunghangin, alung dammona alung hanna, mi sumang vantil hon tamtah alhahkhum tan ahi.
| ישלח-בם חרון אפו--עברה וזעם וצרה משלחת מלאכי רעים |
50 Aman alunghanna achung uvah achuh sahtan, Egypt mite hinkho anahing hoipon, amangthah gamtan ahi,
| יפלס נתיב לאפו לא-חשך ממות נפשם וחיתם לדבר הסגיר |
51 Egypt insunga achapa tahpen cheh athat in Egypt gamsung pumpia khangdongte pahcha amolsahtai.
| ויך כל-בכור במצרים ראשית אונים באהלי-חם |
52 Hinla Aman amite chu kelngoi honbangin apuiyin gamthip noija bitkei in apui galkai tan ahi.
| ויסע כצאן עמו וינהגם כעדר במדבר |
53 Aman mongtahin apuilen hijeh chun amahon kichatna aneipouve, chujongleh twikhanglen in agalteu alhoh mangpeh gamtai.
| וינחם לבטח ולא פחדו ואת-אויביהם כסה הים |
54 Amaho chu Elohim Pathen in agamtheng abanjetna atundoh, molsang vum achun ahin puilut in,
| ויביאם אל-גבול קדשו הר-זה קנתה ימינו |
55 Amaho masangah namtin vaipi adelmang peh sohkeiyin, abonchauvin achan dingu gam ahoppeh chehin, Israel phung namtin abonchauvin ama ama ponbuh cheh a achensah tai.
| ויגרש מפניהם גוים-- ויפילם בחבל נחלה וישכן באהליהם שבטי ישראל |
56 Ahijeng vangin amahon hatchungnung Elohim Pathen dounan thil abol jingun athupeh ho khatcha anitpeh pouvin ahi.
| וינסו וימרו את-אלהים עליון ועדותיו לא שמרו |
57 Apu apateu bangin avah mang-uvin jou jengin na atonguvin ahi. Amaho chu thalpi janglou bangin akitah pouvin ahi.
| ויסגו ויבגדו כאבותם נהפכו כקשת רמיה |
58 Amahon pathen dangho doiphung aphutdoh un Elohim Pathen alunghan sah uvin, chuleh semthu pathen ahoujeh-un Elohim Pathen athangthip sahtauvin ahi.
| ויכעיסוהו בבמותם ובפסיליהם יקניאוהו |
59 Elohim Pathen in ajahdoh phat in hatah'in alunghangin Israel chu pumpai in apaimangtan ahi.
| שמע אלהים ויתעבר וימאס מאד בישראל |
60 Elohim Pathen in Shiloh achenna mun adalhan mihemte lah a aumna ponbuh chu adalhatai.
| ויטש משכן שלו אהל שכן באדם |
61 Aman aloupina le athaneina hetna kitepna thingkong chu galmiho khutna apehdohtan ahi.
| ויתן לשבי עזו ותפארתו ביד-צר |
62 Ama amite chunga alunghan jeh-in agalmiteu athasah gamtan ahi.
| ויסגר לחרב עמו ובנחלתו התעבר |
63 Gollhangho galah athigam tauvin, nungah ho akichenpidiu aumtapon ahi.
| בחוריו אכלה-אש ובתולתיו לא הוללו |
64 Thempute athat gamtauvin ameithai houvin alhasetpi thei tapouvin ahi.
| כהניו בחרב נפלו ואלמנתיו לא תבכינה |
65 Ajonan Yahweh Pakai chu a-ihmua ahung khangdoh bangin ahung thoudoh in mihatpa hung kiltildoh bangin ahung kitildohin,
| ויקץ כישן אדני כגבור מתרונן מיין |
66 Galmi hochu anungno in a-itih a ding jumna atosah tan ahi.
| ויך-צריו אחור חרפת עולם נתן למו |
67 Ahinla Joseph chilhah hochu apaidohin, chuleh Ephraim phungchu alheng tapon ahi.
| וימאס באהל יוסף ובשבט אפרים לא בחר |
68 Aman akhellin Judah leh angailut Zion molchu alhengin,
| ויבחר את-שבט יהודה את-הר ציון אשר אהב |
69 hichea chun vanho san banga sang, leiset banga chah a-itih a umjing dingin houin khat atungdoh tan ahi.
| ויבן כמו-רמים מקדשו כארץ יסדה לעולם |
70 Aman asohpa David chu akelngoi chinna a konnin anakoudoh'in analheng tan ahi.
| ויבחר בדוד עבדו ויקחהו ממכלאת צאן |
71 Aman kelngoipi le anou achin laijin akoudoh'in amite Israel Jacob chilhah hochu kelngoi chinna ching dingin anapansah tan ahi.
| מאחר עלות הביאו לרעות ביעקב עמו ובישראל נחלתו |
72 David in amaho chu lungtheng tah leh chingtheitah in analamkaiyin ahi.
| וירעם כתם לבבו ובתבונות כפיו ינחם |
