La Bu 72
1 O Elohim Pathen nang'in na ngaisang thutan dihna chu lengpa hinpe jing'in, chule na chonphatna chu lengpa chapa hinpe tan.
天主，求您給君王傳授您的權柄，求您給太子傳授您的公正。
2 Na mite chung'a thu adih in tansah in; genthei lengvaite jong aphalam achan dingdol chang jing u hen.
使他照正義統治您的百姓，使他按公道管理您的平民。
3 Molsang dung hon jong mijouse ding'in haodohna sodohsah hen chule thinglhang in jong gapha sodohsah hen.
願高山給人民帶來和平；願丘嶺為百姓送來公正！
4 Genthei lengvaite panhusah in lang alhasamho chate huhdoh hen chule misugentheite chu sumang jeng hen.
他必衛護百姓中的窮人，救助窮苦人的子孫，蹂躪欺壓人的暴民。
5 Vanlai jol'a nisa le lha avahjing laise'n tonsot in amahon nangma naging jing'u hen.
祂要與日月共存，世世代代無窮盡。
6 Lengpa chu amite lah a go'n leiset chung achapnou bang'in hamdongho tobang amite chapnou hen.
祂降臨如落在草原上的喜雨，又如潤澤田地的甘露。
7 Ahinkho lhumkeijin chonphatna hinkho chepi jing hen. Chule lha'n vah aneilaisen khangtou jing hen.
在祂的歲月中，正義必要興盛，到處國泰民安，直至月亮失明。
8 Alenggam in twikhanglen khat a kon'in twikhanglen langkhat hoppha hen lang chule Euphrate vadung'a kon'in leiset mong langkhat gei hop hen.
祂將統治大地，從這海到那海，由大河的流域，至地極的邊界。
9 Neldigam a ganchaching mite'n chibai aboh diu ahi; amelmate jong amasang a um nen le boh lah a chun lhu cheh unte.
祂的仇敵將向他屈膝跪拜，和祂作對的人要舌舔塵埃。
10 Tarshish le gamlatah a cheng lhumlam lengte'n kai hin peuhen. Sheba le Seba a kon solam lengte'n kipa thilpeh hinchoiju hen.
塔爾史士和群島的眾王要獻上禮品，舍巴和色巴的君王，也都要前來進貢。
11 Leng jouse a ang'a kun'untin namtin vaipi alhacha hung pang di'u ahi.
眾王都要崇拜祂，萬民都要事奉祂。
12 Aman genthei lengvaite chu akom'a atao teng'uleh hin huhdoh intin, min abol genthei panpibeiho chu ahinpanhu ding ahi.
祂必拯救哀號的貧民，祂必扶持無援的窮人。
13 Aman milhasamte neiloute akhoto'a ahin huhdoh ding ahi.
祂將憐恤不幸和貧乏的群眾，祂要救護窮苦貧病者的生命。
14 Pumhat a kibol thohgimna noija umho chu alhatdoh ding ahi, ajeh chu Aman amaho chu alainatpi ding ahi.
祂要救他們脫離殘暴與壓迫，他們的血在祂眼中珍貴無比。
15 Lengpa chu hingsot hen! Sheba sana chu ama kipe hen, amite'n taopeh jing'u hen chule nilhumkei in phatthei boh uhen.
願祂常存！願眾人向祂奉獻舍巴黃金，願眾人時常向祂祈禱，不斷向祂求恩！
16 Agamsung'uva chang-le-mim nengchet hen, thinglhangvum geiyin chang-le-mim kehdoh hen. Thei gana thingphungho jong Lebanon thingphungho bang'in keh dimset'u hen. Chule mipite jong hamphung phat bang'in hinhoi u hen.
田地裏所出產的五穀百果必將豐盈，山嶺上的收成也要富饒有如黎巴嫩，城市的人必要昌盛有如地上的草茵。
17 Tonsot in lengpa minthang hen, nisa asat laisen chejom jing hen. Namtin vaipi amajeh in phatthei chang'u hen.
祂的名號常存，永受讚揚；祂的名號永留，與日爭光。萬邦要因祂而得福，萬民要稱祂為有福。
18 Yahweh Pakai, Israel Pathen Elohim chu thangvah in um hen, Amabouvin thil kidang aboldoh thei ahi.
願上主天主，以色列的天主享受讚頌，因為只有上主作出了奇妙的化工。
19 Amin loupi chu tonsot in thangvah in umhen! Vannoi leiset hi Ama loupina dimset hen, Amen, Amen!
願上主光榮的名號永受讚美，願上主的榮耀充滿整個大地！阿們！阿們！
20 (Hiche hi Jesse chapa David taona achaina ahi).
葉瑟之子達味的祈禱終。
