La Bu 48
1 Yahweh Pakai hi iti loupia hitam, ichangei a pachat dinga lom hitam, i Pathen'u Elohim chu akhopia acheng'in alhangtheng'a atou in ahi!
| שיר מזמור לבני קרח גדול יהוה ומהלל מאד בעיר אלהינו הר קדשו׃ |
2 Hichehi asang'in ahoilamdang'e. Leiset pumpi'n mu ding atup un athanom cheh ui. Lhangtheng Zion molhoi hi leng thupipa chenna khopi ahi!
| יפה נוף משוש כל הארץ הר ציון ירכתי צפון קרית מלך רב׃ |
3 Elohim Pathen amatah chu Jerusalem indan sung'a chun acheng'in ahi Amatah hi avengbit'a pang ahi akilang doh e.
| אלהים בארמנותיה נודע למשגב׃ |
4 Vannoi mite lengho akigom'un hiche khopi dounan ahin nokhum'un ahi.
| כי הנה המלכים נועדו עברו יחדו׃ |
5 Ahinla amahon amuchet phat'un atangchot jeng'un atijauvin ajammang gamtauve.
| המה ראו כן תמהו נבהלו נחפזו׃ |
6 Amaho chu tijatnan numei naonei hon hahsatna atobang'in akithingleu jeng'un ahi.
| רעדה אחזתם שם חיל כיולדה׃ |
7 Ahin nang'in Tarshishte kong thupitah ho solam huijin asuhset bang'in nasuse tan ahi.
| ברוח קדים תשבר אניות תרשיש׃ |
8 Keihon hiche khopi loupina chu kanajaovin tunvang Elohim Pathen hatchungnung khopi chu keiho tah'in kamuchen tauvin ahi. Hiche hi iPathen'u Elohim khopi ahi; Aman tonsot a ahoi doh ding ahi.
| כאשר שמענו כן ראינו בעיר יהוה צבאות בעיר אלהינו אלהים יכוננה עד עולם סלה׃ |
9 O Elohim Pathen, na houin theng sunga nangma kavahchoi lai un nami ngailut na longlou chu kagel jing ui.
| דמינו אלהים חסדך בקרב היכלך׃ |
10 O Elohim Pathen namin ja dia kilom tah ahibang in leiset kolmong geija vahchoiya naum ding ahi. Najet lam ban thahat chu galjona a dimset ahi.
| כשמך אלהים כן תהלתך על קצוי ארץ צדק מלאה ימינך׃ |
11 Zion mol'a mipiho kipah uhen. Judah khopiho nathutan dihjeh hin kipah uhen.
| ישמח הר ציון תגלנה בנות יהודה למען משפטיך׃ |
12 Vo Elohim Pathen mite cheuvin Zion khopi gakholchen'un akimvel'a kijot uvin ainsangho jong gasim'un.
| סבו ציון והקיפוה ספרו מגדליה׃ |
13 Akhopi jouse jong gachon uvin lang akulpi bang nasa tah ho jong melchih'un, chule nang hon nason nachilhah teu naseipeh thei diu ahi.
| שיתו לבכם לחילה פסגו ארמנותיה למען תספרו לדור אחרון׃ |
14 Ajeh chu Amahi hitobang mong Pathen ahi. Amahi tonsot tonsot geija dinga iPathen'u Elohim ahin Aman ithi tokah uva eipui hoi diu ahi.
| כי זה אלהים אלהינו עולם ועד הוא ינהגנו על מות׃ |
