La Bu 47

1 Mijouse hungun! Nakhut benguvin! Elohim Pathen kom a kipah tah in thangvahna sam un!

O clap your hands, all ye people; shout unto Elohim with the voice of triumph.

2 Ajeh chu Yahweh Pakai Hatchungnung chu gimneitah ahi. Amahi leiset chunga leng thupitah ahi.

For YHWH most high is terrible; he is a great King over all the earth.

3 Aman imasang uvah namtin vaipi hi asonkun in eidougalteo jong ikengto noi uvah eikoipeh taove.

He shall subdue the people under us, and the nations under our feet.

4 Gamtep gam chu, angailut Jacob chilhahate, kithang at tah a kijot eiho lodinga alhen ahi.

He shall choose our inheritance for us, the excellency of Jacob whom he loved. (Selah)

5 Elohim Pathen chu gimnei tah in akal tou in, Yahweh Pakai chu sumkon gin kithong pum'in akal tou in ahi.

Elohim is gone up with a shout, YHWH with the sound of a trumpet.

6 Elohim Pathen thangvah la sauvin, thangvah la sauvin; ilengpau thangvah la sauvin, thangvah la sauvin!

Sing praises to Elohim, sing praises: sing praises unto our King, sing praises.

7 Ajeh chu Elohim Pathen hi leiset chung pumpi chunga leng ahi lasah pum'in thangvah un.

For Elohim is the King of all the earth: sing ye praises with understanding.

8 Elohim Pathen alaltouna theng chunga atou in namtin vaipi lah'a vai ahom'e.

Elohim reigneth over the heathen: Elohim sitteth upon the throne of his holiness.

9 Vannoi leiset vaihomte Abraham Pathen Elohim mitetoh atoukhom'un ahi, ajeh chu leiset chunga leng jouse hi Elohim Pathen'a ahi. Amahi vannoi leiset chung muntin a jana achang'in ahi.

The princes of the people are gathered together, even the people of the Elohim of Abraham: for the shields of the earth belong unto Elohim: he is greatly exalted.