La Bu 41

1 Mivaichate khoto ho chu anunnom ahi! Amaho chu Pakai in boin ato nao a kon a ahuhdoh diu ahi.

[For the Chief Musician. A Psalm by David.] Blessed is he who considers the poor and needy. The LORD will deliver him in the day of evil.

2 Pakaiyin amaho chu hoibit in ahinghoi jiu ve. Aman amaho chu gamsung ah phatthei aboh in galmiho akon na ahuhdoh ji e.

The LORD will protect him, and keep him alive. He shall be blessed on the earth, and he will not surrender him to the will of his enemies.

3 Pakai in adam mo naova panpin tin adamdoh sahding ahi.

The LORD will sustain him on his sickbed, and restore him from his bed of illness.

4 “O Pakai”, katao ahi “eilungset in, neidamdoh sah in ajeh chu nangma dounan kachonsetai”.

I said, "LORD, have mercy on me. Heal me, for I have sinned against you."

5 Ahinla kadougal ten keima dounan thilse jeng asei un ahi. “Itih tah le athin suhmil in aum tadem?” atiu ve.

My enemies speak evil against me: "When will he die, and his name perish?"

6 Kagol kapai bang in eihung vil jiuvin, hinla chomloukah in kachungchang guhthim thu asei khom leuvin, eidalhah tengu le muntin in aphonjal ji taove.

If he comes to see me, he speaks falsehood. His heart gathers iniquity to itself. When he goes abroad, he tells it.

7 Eihot bolten keichung chang a thilphalou ngan aseijun, kachung a thilse ahung lhun dingbou adei un ahi.

All who hate me whisper together against me. They imagine the worst for me.

8 “Amahi thina thei hiveija na ahi” atiuve. “Amahi damdoh joulou ding ahitai!” atiuve.

"A wicked thing is poured out on him; and he who lies down will not rise again."

9 Katahsan mong mong kagol phapen an kaneh khom pipa jeng jong keima eidouvin apang tai.

Even my own close friend, in whom I trusted, who ate my bread, has lifted up his heel against me.

10 Pakai neilungset in. Neidamdoh sah kitin amahohi kalethuh jou nadin!

But you, LORD, have mercy on me, and raise me up, that I may repay them.

11 Pakai nangma kachunga nalung lhaije ti kahei ajeh chu nangin kamelmate kachungah gal nalel sahtai.

By this I know that you delight in me, because my enemy doesn't triumph over me.

12 Nangin kahinkho neihing hoipeh tai, ajeh chu keiman lhamonna kaneipoi, chuleh nangin atonsot a din na-angsung a neipui luttai.

As for me, you uphold me in my integrity, and set me in your presence forever.

13 Israel Pathen Pakai chu thangvah in umhen, Tonsot tonsot'a hingjing pachu. Amen chule Amen!

Blessed be the LORD, the God of Israel, from everlasting and to everlasting. Amen and amen.