La Bu 35

1 Yahweh Pakai, eidou ho hi nangin kidoupin, ei kisatpi ho jong nangin kisatpin.

[A Psalm] of David. Plead [my cause], O LORD, with them that strive with me: fight against them that fight against me.

2 Nalum leh naumpho hin kipat in. Galmun a din kigon lang neihung kithopin.

Take hold of shield and buckler, and stand up for my help.

3 Eihin delkhum ho dounan natengcha leh nateng muh chu hin lam tan. “Keiman gal kajopeh ding nahi!” ti neijah sah tan.

Draw out also the spear, and stop [the way] against them that persecute me: say to my soul, I [am] thy salvation.

4 Eithat goho chunga hin jumnale jachatna lhun sah in, eigimbol a eisumang go hohi jumson lang nungno jeng tan.

Let them be confounded and put to shame that seek after my soul: let them be turned back and brought to confusion that devise my hurt.

5 Huilah a changvai alenmang bangin lenmang sah in, Yahweh Pakaija kon a vantil banga hung chu semmang sah in.

Let them be as chaff before the wind: and let the angel of the LORD chase [them].

6 A lam lhah nao thimsah inlang lhonalsah in, Yahweh Pakai vantil chun nungdel peh u hen.

Let their way be dark and slippery: and let the angel of the LORD persecute them.

7 Keiman amaho kabol sepoi, ahin amahon kei matna dingin kotong eilai khum un ahi! Ken amaho kabol sepoi ahin amahon keimat nadin kotong alai uve.

For without cause they have hid for me their net [in] a pit, [which] without cause they have digged for my soul.

8 Hijeh chun amaho chunga hetman louvin mathahna hunglhung hen! Kei ona dia asem u kotong chu amaho manthahna hijo tahen.

Let destruction come upon him at unawares; and let his net that he hath hid catch himself: into that very destruction let him fall.

9 Chuteng keima Yahweh Pakai akakipa ding ahi. Eilhatdoh jeh a keima kipa thanom ding kahi.

And my soul shall be joyful in the LORD: it shall rejoice in his salvation.

10 Katahsa chunga kagu kachang jouse pum a Yahweh Pakai kathangvah ding ahi: “Yahweh Pakai koiham nangtoh kitekah theiding? Koidang ba ham mihatpa thaneina a kona panpi beipa huhdoh a chu?”

All my bones shall say, LORD, who [is] like thee, who deliverest the poor from him that is too strong for him, even the poor and the needy from him that spoileth him?

11 Engbolna dih louvin eithemmo sah un. Kahetphahlou jouthu a monna eikichan e.

False witnesses arose; they laid to my charge [things] that I knew not.

12 Amahon kathil phabol jengjong thilsen eile thuh un lung lhahnan kangui heltai.

They rewarded me evil for good [to] the spoiling of my soul.

13 Ahijeng vangin amahon anat tenguleh keiman amaho kalainatpi jin khaodip pon kakisil in anngol in amaho kataopeh jin ahi. Hinla kataona donbut louvin ahung kinung le jitai.

But as for me, when they were sick, my clothing [was] sackcloth: I humbled my soul with fasting; and my prayer returned into my own bosom.

14 Ka golpha le insung mi monga kagel jeh in kalungkham pin, eihinga kanu kalainatpi bang bangin kalainat pi jin ahi.

I behaved myself as though [he had been] my friend [or] brother: I bowed down heavily, as one that mourneth [for his] mother.

15 Hinlah ken tunia boina katophat in amaho akipah un keidounan thanom tah in akiloi khomun, hiti chun kahetkhahlou miho kisan in tujeng in jong eino khum un; phat tin in eihouse jing jengun ahi.

But in my adversity they rejoiced, and assembled themselves: [yes], the abjects assembled themselves against me, and I knew [it] not; they did tear [me], and ceased not:

16 Amahon einuisat un eitam seovin noise tah in eihagel khum un ahi.

With hypocritical mockers in feasts, they gnashed upon me with their teeth.

17 O Yahweh Pakai itih changei pi neivet a donlouva neikoi ding hitam?

LORD, how long wilt thou look on? rescue my soul from their destructions, my darling from the lions.

18 Chutengleh mipi tamtah ki khom te lah a kipathu kahin seiding ahi. Mipi ho jouse masanga nangma kahin thangvah ding ahi.

I will give thee thanks in the great congregation: I will praise thee among many people.

19 Kajolel nachung a hin eidou te kipa thanop sah hih beh in. Kamuiset nachung in jong ajeh bei a eivetda ho kitai sah hih beh in.

Let not them that are my enemies wrongfully rejoice over me: [neither] let them wink with the eye that hate me without a cause.

20 Amahon chamna thu aseipouvin, amahon thepmona neilou atoh dingdol bep tongho dounan thilse agong jingun ahi.

For they speak not peace: but they devise deceitful matters against [them that are] quiet in the land.

21 “Aha! Aha! ipi bol kigo nahi kamit tah un kamudoh taove!” tin asam uve.

Yes, they opened their mouth wide against me, [and] said, Aha, aha, our eye hath seen [it].

22 O Yahweh Pakai nangin hicheghi namusoh kei in nahesoh e, donlouvin koihih beh in O Yahweh Pakai. neidalha hihbeh in O Yahweh Pakai.

[This] thou hast seen, O LORD: keep not silence: O LORD, be not far from me.

23 Hungthoudoh in! eihuhdoh dingin hung dingdoh jengtan! Yahweh ka Pakai le Elohim ka Pathen kachung thuhi neitan peh in.

Stir up thyself, and awake to my judgment, [even] to my cause, my God and my LORD.

24 O Yahweh Pakai ka Pathen Elohim, kamo louna neiphon doh peh tan, ajeh chu nangma thudih a thutan nahi. Kaboina chung chon a kadougal te nuisat in neium sah hih beh in.

Judge me, O LORD my God, according to thy righteousness; and let them not rejoice over me.

25 “Veovin itup uchu imutaove! Tua hi ahingsan a inehchai diu ahitai!” tisah hihbeb in.

Let them not say in their hearts, Ah, so would we have it: let them not say, We have swallowed him up.

26 Kahahsatna nikhoa kipah ho sujum inlang jachat sah in. Kachunga hanla samhohi jumnaleh minsetnan lhuh khumin.

Let them be ashamed and brought to confusion together that rejoice at my hurt: let them be clothed with shame and dishonor that magnify [themselves] against me.

27 Ahin koi hileh keima ei huhdia hung ho jouse chu kipanalentah pen. “Yahweh Pakai aloupi e aman asoh hi lunglhai tah in phatthei aboh in lungmon na apei!” tin tanglouvin samjingu hen.

Let them shout for joy, and be glad, that favor my righteous cause: yes, let them say continually, Let the LORD be magnified, who hath pleasure in the prosperity of his servant.

28 Chuteng keiman nathutan adihji samphong ingting niseh a nangma kavahchoi ding ahi.

And my tongue shall speak of thy righteousness [and] of thy praise all the day long.