La Bu 33
1 Elohim Pathen mite jousen Yahweh Pakai thangvahna la kipah tahin saohen; milung thenghon Ama athangvah diuhi lomtah ahi.
Rejoice in the LORD, O ye righteous, praise is comely for the upright.
2 Semjang gin ngaitah in Yahweh Pakai thangvah un, tumgin jangsom ngaitah saijin nguiheo vin saovin.
Give thanks unto the LORD with harp, sing praises unto Him with the psaltery of ten strings.
3 Yahweh Pakai thangvahnan lathah saovin; thepna neitah in selangdah saijun lang kipah tah in la saovin.
Sing unto Him a new song; play skilfully amid shouts of joy.
4 Yahweh Pakai thusei jouse chu atah ahin chuleh anatoh athilbol jouse chu tahsan thei cheh ahi.
For the word of the LORD is upright; and all His work is done in faithfulness.
5 Adihleh apha kiti jouse chu Yahweh Pakai deilam ahin, Amingailutna longlou chun vannoi leiset hi adimin ahi.
He loveth righteousness and justice; the earth is full of the lovingkindness of the LORD.
6 Yahweh Pakai thucheng hin bou vanmun hi asem doh in, Ama thucheng haikhum chun ahsi jouse apendoh sah tai.
By the word of the LORD were the heavens made; and all the host of them by the breath of His mouth.
7 Aman twikhanglen jong agamgi asempeh in chule twikhanglen jouse hi munkhat a aveikhom sah in akoidet in ahi.
He gathereth the waters of the sea together as a heap; He layeth up the deeps in storehouses.
8 Vannoi leiset pumpin Yahweh Pakaihi jana peohen, chuleh mijouse a-angsung a kichatah in dingu hen.
Let all the earth fear the LORD; let all the inhabitants of the world stand in awe of Him.
9 Ajeh chu ama thucheng khat in leiset khang akipatsah ahi! Ama thupeh a kitungdoh jeng ahi.
For He spoke, and it was; He commanded, and it stood.
10 Yahweh Pakai in namtin vaipi thil gon houchu asuhboi peh in, chuleh atohgon hou jouse chu asuhmo peh in ahi.
The LORD bringeth the counsel of the nations to nought; He maketh the thoughts of the peoples to be of no effect.
11 Ahinlah Yahweh Pakai thilgon vang tonsot in adet jing e, ama tohgot hochu itih a jong killing lou ahi.
The counsel of the LORD standeth for ever, the thoughts of His heart to all generations.
12 A pakaiju Elohim Pathen hikha nammite chu anunnom ahiuve, Yahweh Pakai in agoulo dinga alhen nammite chu anun nom ahiuve.
Happy is the nation whose God is the LORD; the people whom He hath chosen for His own inheritance.
13 Yahweh Pakai in vanna konnin mihemte jouse ahin ven musoh kei e.
The LORD looketh from heaven; He beholdeth all the sons of men;
14 Alaltouna a konin ahin ven leiset chunga cheng jouse hindan ahesoh keijin ahi.
From the place of His habitation He looketh intently upon all the inhabitants of the earth;
15 Alung thim u sempa ama ahijeh'in alung gellu le athilbol jouseo ahesoh kei e.
He that fashioneth the hearts of them all, that considereth all their doings.
16 Gal manchah phapen in lengpa huhdoh jou pontin, hangta le hansan nan jong gal hat pa ahuh doh jou poi.
A king is not saved by the multitude of a host; a mighty man is not delivered by great strength.
17 Gal satna sakol khatnin jong gal na josah jouding ahipon, thahatna jousen jong nang nahuhdoh jouponte.
A horse is a vain thing for safety; neither doth it afford escape by its great strength.
18 Ahinla Yahweh Pakai in ama gingte, angailut na longlou va ki ngaijing ho avelhi jing e.
Behold, the eye of the LORD is toward them that fear Him, toward them that wait for His mercy;
19 Yahweh Pakai in amaho chu athina diuva kon in ahuhdoh jin athigam nadiuva kon in ahuh dohjin ahi.
To deliver their soul from death, and to keep them alive in famine.
20 Keihon Yahweh Pakaijah kinepna kakoi ui. Ajeh chu amahi eiki thopiu leh eilum uva pang ahi.
Our soul hath waited for the LORD; He is our help and our shield.
21 Ama a hin ilungthimu akipah in, ajeh chu eihon amin thenga tahsan na dettah inei un ahi.
For in Him doth our heart rejoice, because we have trusted in His holy name.
22 Vo Yahweh Pakai nami ngailutna longlou achun eium kimvel u hen, ajeh chu nang jenga bou ka kinepnao aum e.
Let Thy mercy, O LORD, be upon us, according as we have waited for Thee.
