La Bu 32

1 Oh, asei ngailou nahou ki angaidam a achon set nahou kisuhmang peh ho iti thanop um hitam.

罪惡蒙赦免，過犯得遮掩的人，有福的。

2 Yahweh Pakai in ajihlutsa achonset nao athaimang peh a ahinkhou jongkitah tah a mangho chu iti kipa um a hitam!

上主不歸咎，心中無詐欺的人是有福的。

3 Keiman kachonset kaphon nomlou chun katahsa chu amangthah anahin, niseh in kapeng in kamao jinge.

就在我緘默不語的時期內，我的骸因常傷歎而疲衰；

4 Sun le jan in kipui dih na nakhujol chun eidou ve. Nipilai a nichangsat in asuhkang twihu bangin katha asukang hel jengin ahi.

因為你的手晝夜在重壓著我，我的力量像在盛暑中而消耗。（休止）

5 Akhon nan kachon setna nahenga kaphong in, kamo najouse selguh ding golou vin kasei tai “Kalouchal kasetna jouse Yahweh Pakai kom a phongdoh tang e” kati. Hiti chun Yahweh Pakai nangin neingaidam e! Kachonsetna jouse abeisoh tai.

我終於向你承認我的罪過，絲毫也沒有隱瞞我的邪惡，我說：「我要向上主承認我的罪孽，」你立刻便寬赦了我的罪債。（休止）

6 Hijeh chun, phatpha umlai hin Elohim Pathen mite jouse naheng a taocheh uhen, hiche thutanna twilen lah a alhahlut lou nadiuvin.

為此虔敬的人在困厄時，都應向你哀禱，縱使大水氾濫成災，他也不會遭受波濤。

7 Ajeh chu nangma hi kakiselna kulpi nahin; nangin boinana a kon in neihuh doh e. Galjona lan neiumkimvel tai.

你是我的避難所，救我脫離災禍，你以拯救我的喜樂，常環繞著我。（休止）

8 Yahweh Pakai in aseije, “Nahinkho a lampi phapen achu kapui le ding ahi. Keiman kathu mop a kavetsui jing ding nahi.

我教導你，指示你應走的正道，雙眼注視你，親自作你的嚮導。

9 Sakol le Sangan bangin hetna beiyin um hih in, ajo leh kamdal le thihkol bupeh a thunoiya ki koi nabah loding ahi.”

不要像騾馬一般糊塗，需要韁轡來加以管束；不然，不向你眼前趨赴。

10 Miphalou hohi lungkhamna tamtah in abomjin, ahinla Yahweh Pakai tahsan hovang angailutna longlouvin aum kimvel jingin ahi.

邪惡的人必要受許多的痛苦；仰望上主的人，必有慈愛圍護，

11 Hijeh chun ama lungdei a chon ho Yahweh Pakai a kipah thanom jingun! Milung thengho jouse thanom tah in khosam un!

正義的人們！你們應在上主內歡欣喜樂。 心正的人們！你們應在上主內歡呼踴躍。