La Bu 24

1 vannoi leiset le asunga umjouse hi Yahweh Pakai a ahi. Vannoi pumpi le asunga cheng mihemte jousehi Ama a jeng ahi.

David’s. A Melody. To Yahweh, belongeth, The earth and the fulness thereof, The world, and they who dwell therein;

2 Ajeh chu Aman leiset khombul hi twikhanglen chunga atun ahin, twipi thuhlah a aphudet ahi.

For, he, upon the seas, hath founded it, and upon the currents, doth make it firm.

3 Koiham Yahweh Pakai moul chunga kaldoh jouding? Koiham amunthenga dingthei ding?

Who shall ascend the mountain of Yahweh? And who shall stand in his holy place?

4 Akhut le Alungthim thengho bou, chuleh milim semthu houlou le jou seilouho bou hidiu ahi.

The clean of hands, and pure of heart, —who hath not uplifted, to falsehood, his soul, nor sworn deceitfully,

5 Amahon bou Yahweh Pakai malsomna amudiu ahin, chuleh ahuh hingpao Elohim Pathen toh ki guijop na dihtah aneitheidiu ahi.

Shall bear away a blessing from Yahweh, and righteousness, from his delivering God.

6 Hitobang miho hinbou nangma naholthei diu chuleh Jacob Elohim Pathen nangma nachibai theidiu ahi.

This, is the generation of them who inquire of him, who seek thy face, O God of Jacob. (Selah)

7 Khanglui kelkot ho kihonglen un! Khanglui kotpiho kihong len un lang leng loupi chu lutsah un.

Lift up, O ye gates, your heads, and lift yourselves up, ye age-abiding doors, That the king of glory may come in.

8 Koiham lengloupi chu? Yahweh Pakai hattah leh thupi tah, Yahweh Pakai koiman ajojou lou galhattah chu ahi.

Who is the king of glory? Yahweh, strong and mighty, Yahweh, mighty in war.

9 Khanglui kelkot ho kihong lennun, khanglui kotpiho kihong lennun, loupina leng chu lutsah un

Lift up, O ye gates, your heads, yea lift [them] up, ye age-abiding doors, That the king of glory may come in.

10 Koiham lengloupi chu? Van Elohim Pathen sepai, Ama hi leng loupi chu ahi.

Who then is the king of glory? Yahweh of hosts, He, is the king of glory. (Selah)