La Bu 21

1 Nathahatna ahi lengpa iti kipah hitam O Yahweh Pakai! Galjona napehjeh'in aman kipah'in kho asam e.

For the Chief Musician. A Psalm by David. The king rejoices in your strength, LORD! How greatly he rejoices in your salvation!

2 Ajeh chu nangin alungthim'a angaichan napen aman athumho khatcha jong nadapeh poi.

You have given him his heart’s desire, and have not withheld the request of his lips. (Selah)

3 Nangin lolhin naleh houtheinan nalamto jin, aluchungah sana hoipen lallukhuh nakhuhsah'in ahi.

For you meet him with the blessings of goodness. You set a crown of fine gold on his head.

4 Aman ahinkho nahoitup peh din athumjin, chule nangin ataona nasanpeh jie. Ahin nikho jong tonsot a din nasuh saopeh ji e.

He asked life of you and you gave it to him, even length of days forever and ever.

5 Nagaljona chun jabolna lentah achansah in, thupina le loupinan najemhoijin ahi.

His glory is great in your salvation. You lay honor and majesty on him.

6 Nangin tonsot malsomnan naphungvuh in chuleh nangtoh umkhom a nopna kipana achun naphung vuh e.

For you make him most blessed forever. You make him glad with joy in your presence.

7 Ajeh chu lengpa'n Yahweh Pakai atahsan e. Hat chungnung ngailutna longlou chun alhuhna dinga konnin na hoidoh sah jingin ahi.

For the king trusts in the LORD. Through the loving kindness of the Most High, he shall not be moved.

8 Nangin nagalmiho chu namattup sohkei ding, nangma nadouho jouse chu thahattah na banjetna chu na mattup ding ahi.

Your hand will find out all of your enemies. Your right hand will find out those who hate you.

9 Nangma nahung teng amaho chu meikong lah'a naselut ding ahi. Yahweh Pakai in alunghanna a asuhgam ding meikonga ahalgam ding ahi.

You will make them as a fiery furnace in the time of your anger. The LORD will swallow them up in his wrath. The fire shall devour them.

10 Achateu leiset chunga kon a nathaimang ding; amahon sonlepah aneikitlou diu ahi.

You will destroy their descendants from the earth, their posterity from among the children of men.

11 Amahon nangdounan thil gong jongleu, athilse gonhou chu lolhing louding ahi.

For they intended evil against you. They plotted evil against you which cannot succeed.

12 Ajeh chu amahon nathalchang amaho kapna dinga nadoi chu amutenguleh kiheimang untin jammang diu ahitai.

For you will make them turn their back, when you aim drawn bows at their face.

13 O Yahweh Pakai na thahat na nasatah a chun hungthou doh tan. Tumgin le lasah to thoa nahat na natoh chu kakipa pi diu ahi.

Be exalted, LORD, in your strength, so we will sing and praise your power.