La Bu 150

1 Yahweh Pakai chu thangvah na peuvin! Elohim Pathen chu Houin'ah thangvah'un, Avan chung thahatna mun nah thangvah'un!

Praise the LORD! Praise God in his sanctuary! Praise him in his heavens for his acts of power!

2 Athilbol thahatna kidangtah jeh'in amachu thangvah'un, aletna seijoulou jeh'in thangvah'un!

Praise him for his mighty acts! Praise him according to his excellent greatness!

3 Sumkon gin kithong pum'in vahchoijun, theile mut selangdah saito thon thangvah'un!

Praise him with the sounding of the shofar! Praise him with harp and lyre!

4 Khopi ginleh lam pummin vahchoijun, kuli leh tumging theito thon thangvah'un!

Praise him with tambourine and dancing! Praise him with stringed instruments and flute!

5 Khong gintoh thon thangvah'un, Khong gin kithong gimneitah chuto thon vahchoi jun,

Praise him with loud cymbals! Praise him with resounding cymbals!

6 Haina hu neijousen Yahweh Pakai thangvah na la sauvin! Yahweh Pakai chu thangvah'in umhen!

Let everything that has breath praise the LORD! Praise the LORD!