La Bu 15

1 Yahweh Pakai na intheng sunga, kon nangma nahou ding hitam? Koiham nalhang thenga na angsunga hunglut ding?

2 Hitobang mi themmona bei, thil dihjeng bol, lungthim theng pumma thudih jeng seiho.

3 Akam a miseiset ding nomlou chule aheng akom chunga thilse bollou, ahiloule aloi agol chunga thilse seinomlou.

4 Chonset kithang-atpiho theinomlou va, Yahweh Pakai dihtah a juiho ngaisanga, chuleh itobangin hahsa jongleh akitepna nitjingho.

5 Athoi lalouva sumpa homho chuleh setna neilouho, ahethemlou ho lhemlha a phatchomna sum hol lou. Hitobang miho chu ahinkhouva dingdet jingding ahiuve.