La Bu 148
1 Yahweh Pakai chu thangvah'un! Vanhoa kon'in Yahweh Pakai chu thangvah'un! Vanthamjol-a kon'in Amachu thangvah'un!
Praise JAH. Praise Jehovah from the heavens. Praise him in the heights.
2 Avantilte jousen thangvah'un! Van sepaite jousen thangvah'un!
Praise him, all his angels. Praise him, all his army.
3 Nisa le lha-in amachu thangvah'un! Aphelhet lhet ahsi hon Amachu thangvah'un!
Praise him, sun and moon. Praise him, all you shining stars.
4 Achungsang lam'a um vantham jol'in thangvah'un! Meilom chung sangpeh'a um meitwi hon Amachu thangvah'un!
Praise him, you heavens of heavens, You waters that are above the heavens.
5 Thilsemho jousen Yahweh Pakai chu thangvahna peuvin, ajeh chu Aman thu apen ahileh amaho chu ahung kisemdoh jengun ahi.
Let them praise the name of Jehovah, For he commanded, and they were created.
6 Aman tonsot geija dinga anagontohsoh ahitai. Ama Dan semchu itih hijongleh ki khokhel louding ahi.
He has also established them forever and ever. He has made a decree which will not pass away.
7 Leisetna konnin thangvah'un, twikhanglen lailunga thilsemhon thangvah'un,
Praise Jehovah from the earth, you great sea creatures, and all depths.
8 meileh gel hon, buhbang leh meilom hon thangvah'un, huileh adap asatnin Ama thu chu ngaijun.
Lightning and hail, snow and clouds; stormy wind, fulfilling his word;
9 Mol leh lhangho, aga nei thingphung ho le Cedar thinghon,
mountains and all hills; fruit trees and all cedars;
10 gamsa ho le ganhingho jousen, ganhing neochacha ho le vachahon,
wild animals and all livestock; small creatures and flying birds;
11 leiset chunga lengho le mipite jousen, leiset chunga vaihom hole thutanho jousen,
kings of the earth and all peoples; princes and all judges of the earth;
12 pasal khangthah ho le numei khangthah hon, tehse hole chapanghon,
both young men and maidens; old men and children:
13 abonchauvin Yahweh Pakai min thangvah'u hen! Ajeh chu Aminhi aloupi lheh jenge, hiche Amin loupina hi leiset le vanho jouse sanga sangjo ahi.
let them praise the name of Jehovah, for his name alone is exalted. His glory is above the earth and the heavens.
14 Aman amite chu ki khat atundohpeh tan ahi, amadinga kitahna neijouse Aman angailut Israel mipite chu jana apetan ahi. Yahweh Pakai chu thangvah'in umhen!
He has lifted up the horn of his people, the praise of all his faithful ones; even of the children of Israel, a people near to him. Praise JAH.
