La Bu 146

1 Yahweh Pakai vahchoijun! O kalhagao Yahweh Pakai vahchoi jin!

My soul, praise the Lord.

2 Kahin laisea Yahweh Pakai kavahchoi ding, hinna hu kanei laisen ka Pathen Elohim vahchoi la sange.

I will praise the Lord, while I live; I will sing to my God, while I am.

3 Leng chapate chunga natahsan koi hih'in, hichu panpi bei ahibouve.

Put not your trust in princes mortals, in whom is no help.

4 Mihem chate hu abei teng leisetna akilekit-un leivui akisoh jin, hiche nikho lechun athilgon chengseu toh thi thading ahitauve.

When their breath goes out, they go back to the dust: on that very day their purposes perish.

5 Hinlah apanpi dinga Israel Pathen Elohim neiho, chule Yahweh Pakai, Elohim Pathen a kinepna neiho anunnom ahi.

Happy those whose help is the God of Jacob: whose hope is set on the Lord their God,

6 Aman van le leiset twikhanglen leh asunga um jouse anasem in, Aman imatih chan'a akitepna achepi jing ahi.

the Creator of heaven and earth, the sea, and all that is in them. He remains eternally loyal.

7 Aman suhgentheija umho thudih'in achungthu atanpeh in, chule agilkel te an apen ahi. Yahweh Pakai in songkul tangho alhadoh'in, achamlhat sah jin ahi.

For the wronged he executes justice; he gives bread to the hungry; the Lord releases the prisoners.

8 Yahweh Pakai in mitchoho kho amusah'in, alhu ho aphong ding in, michonpha Yahweh Pakai in angailun ahi.

The Lord gives sight to the blind: the Lord raises those who are bowed. The Lord loves the righteous.

9 Yahweh Pakai in gamdang miho ahuhdoh in, Aman meithaiho leh chaga ho akhoton, amavang miphalou ho thilgon asuhbei peh'in ahi.

The Lord preserves the stranger, upholds the widow and orphan, but the wicked he leads to disaster.

10 Yahweh Pakai in tonsotna vai ahomding ahi. O Jerusalem, Amahi akhang akhanga na Pathen hiding ahi. Yahweh Pakai vahchoijun!

The Lord shall reign forever, your God, O Zion, to all generations. Hallelujah.