La Bu 138

1 Ka Pathen Elohim kalungthim pumpin nangma thangvah ingkate, pathen dangho masanga nang vahchoinan la sange.

Of David. I will thank you, O Lord, with all my heart: in the sight of the gods I will sing your praise,

2 Nahou inn theng lang nga'ing ting nami ngailutna tanglou jehleh nakitahna jeh'in namin vahchoi ing kate, ajeh chu nakitepna hi namin loupinan asuhdet ahi.

and prostrate before your holy temple, will praise your name for your constant love, for you have exulted your promise above all.

3 Kataopet petleh nangin neidonbut in nangin thahatna neipen neitilkhou vin ahi.

When I called you, you answered; you gave me strength, you inspired me.

4 Leiset chunga leng jousen nangma nathangvah diu ahi, ajeh chu amahon nathupeh ajauvin ahi.

All the kings of the earth shall praise you, O Lord, when they shall have heard the words you have uttered;

5 Amahon nathilbolho jehleh naloupi behseh jeh'a nangma thangvah la asahdiu ahi.

and they shall sing of the ways of the Lord, and tell of the Lord’s transcendent glory.

6 Vo Yahweh Pakai nangma nalet lheh jeng vangin milham jong nakhohsah thouvin, ahinlah mikiletsah hoa kon in vang nakikhin gamlhan ahi.

For, high though the Lord is, he looks on the lowly, and strikes down the haughty from far away.

7 Keima lungkhamnan eiumkimvel jeng jongleh nangin kagalmite khutna konna neihoidoh ding ahinai. Nangin nakhut hinlhangdoh'in natin nabanjetlang thahatna a neihuhdoh ding ahi.

Though my way be distressful, yet you preserve me: you lay your hand on my angry foes, and your right hand gives me victory.

8 Yahweh Pakai in keima hinkhoa athilgon achelhahsah ding ahi, ajeh chu O Yahweh Pakai na mi ngailutna dihtah chu atonsotna longlou ahi. Kachunga na natoh nahinpat hi subulhit tan.

The Lord will accomplish all that which concerns me. Your kindness, O Lord, endures forever. O do not abandon the work of your hands.