La Bu 138

1 Ka Pathen Elohim kalungthim pumpin nangma thangvah ingkate, pathen dangho masanga nang vahchoinan la sange.

[By David.] I will give you thanks, LORD, with my whole heart. Before the gods I will sing praises to you.

2 Nahou inn theng lang nga' ing ting nami ngailutna tanglou jehleh nakitahna jeh' in namin vahchoi ing kate, ajeh chu nakitepna hi namin loupinan asuhdet ahi.

I will bow down toward your holy temple, and give thanks to your Name for your loving kindness and for your truth; for you have exalted your Name and your word above all.

3 Kataopet petleh nangin neidonbut in nangin thahatna neipen neitilkhou vin ahi.

In the day that I called, you answered me. You encouraged me with strength in my soul.

4 Leiset chunga leng jousen nangma nathangvah diu ahi, ajeh chu amahon nathupeh ajauvin ahi.

All the kings of the earth will give you thanks, LORD, for they have heard the words of your mouth.

5 Amahon nathilbolho jehleh naloupi behseh jeh' a nangma thangvah la asahdiu ahi.

Yes, they will sing of the ways of the LORD; for great is the LORD's glory.

6 Vo Yahweh Pakai nangma nalet lheh jeng vangin milham jong nakhohsah thouvin, ahinlah mikiletsah hoa kon in vang nakikhin gamlhan ahi.

For though the LORD is high, yet he looks after the lowly; but the proud, he knows from afar.

7 Keima lungkhamnan eiumkimvel jeng jongleh nangin kagalmite khutna konna neihoidoh ding ahinai. Nangin nakhut hinlhangdoh' in natin nabanjetlang thahatna a neihuhdoh ding ahi.

Though I walk in the midst of trouble, you will revive me. You will stretch forth your hand against the wrath of my enemies. Your right hand will save me.

8 Yahweh Pakai in keima hinkhoa athilgon achelhahsah ding ahi, ajeh chu O Yahweh Pakai na mi ngailutna dihtah chu atonsotna longlou ahi. Kachunga na natoh nahinpat hi subulhit tan.

The LORD will fulfill that which concerns me; your loving kindness, LORD, endures forever. Do not forsake the works of your own hands.