La Bu 119
1 Yahweh Pakai thupeh dungjui a chonho leh kitahna neiho chu kipah uhen.
| אשרי תמימי-דרך-- ההלכים בתורת יהוה |
2 Koi hileh a Dan thu nit a alungthim pumpia Ama holjing hochu kipah'u hen.
| אשרי נצרי עדתיו בכל-לב ידרשוהו |
3 Amahochun thilphalou achepi pouvin Yahweh Pakai deilampi joh ajui un ahi.
| אף לא-פעלו עולה בדרכיו הלכו |
4 Yahweh Pakai nangin nathupeh hochu phatah'a kanit diuvin neiseipeh'un ahi.
| אתה צויתה פקדיך-- לשמר מאד |
5 O Yahweh Pakai kanitin hinkho Mandan ahin nangman neideipeh hinkho hi kilangdoh jengle kati e.
| אחלי יכנו דרכי-- לשמר חקיך |
6 Chuleh nathupeh leh ka chondan kavetkah teng kajum louding ahi.
| אז לא-אבוש-- בהביטי אל-כל-מצותיך |
7 Keiman nei thuhilna dihtah hochu kahet dungjui a kakimanding dol a kakimanchah theijeh'a nangma chu kathangvah ding ahi.
| אודך בישר לבב-- בלמדי משפטי צדקך |
8 Neidalha hihbeh'in, keiman na Dan chu kanitjing ding ahi.
| את-חקיך אשמר אל-תעזבני עד-מאד |
9 Khangthah khatchu itileh ahinkho atheng theidem? Nangma thu angaileh hitheiding ahi.
| במה יזכה-נער את-ארחו-- לשמר כדברך |
10 Keiman nangma mudoh teiding kagelkhoh'in ahi, nangma thupeh'a kon in neilam vai sahhih'in.
| בכל-לבי דרשתיך אל-תשגני ממצותיך |
11 Nangma douna kachonset louna dingin kalungsung ah nathu chu kachensah jingin ahi.
| בלבי צפנתי אמרתך-- למען לא אחטא-לך |
12 O Yahweh Pakai nangma kathangvah'e nathupeh nitji dan neihil in.
| ברוך אתה יהוה-- למדני חקיך |
13 Ka chonding dan nangin neipeh hochu keiman kasimphongjin ahi.
| בשפתי ספרתי-- כל משפטי-פיך |
14 Nei le gouva housangin na Dan thu chu juiding katha anomjoi.
| בדרך עדותיך ששתי-- כעל כל-הון |
15 Neithupeh na Dan hochu keiman simjing ingting nei deipeh lampia chejing dingin kingaito jing nange.
| בפקודיך אשיחה ואביטה ארחתיך |
16 Na Dan thu hohi kakipapin, juidinga neithupeh hojong sumil ponge.
| בחקתיך אשתעשע לא אשכח דברך |
17 Nasohpa keima hi thilpha neibolpen kahinkhoa hi nathupeh kanit jingna dingin.
| גמל על-עבדך אחיה ואשמרה דברך |
18 Nathupeh hoa thudih kidangtah hohi kamuchet theina dingin kamit hi hadohsah'in.
| גל-עיני ואביטה-- נפלאות מתורתך |
19 Keima hiche leisetna hi kholjin bep kahibouve nathupeh hochu keima nei impeh hihbeh'in.
| גר אנכי בארץ אל-תסתר ממני מצותיך |
20 Phatin in keiman nachondan juiding ngaichatna hin eilonvuhtan ahi.
| גרסה נפשי לתאבה-- אל-משפטיך בכל-עת |
21 Nangin mikiletsah hochu nahousejin, nathupeh a kon a pampet hochu nasamsejin ahi.
| גערת זדים ארורים-- השגים ממצותיך |
22 Na Dan sem hohi kajui jingnai amahohi neinoise sahhih beh'in.
| גל מעלי חרפה ובוז כי עדתיך נצרתי |
23 Leng chapate ho toukhom u henlang keima dounan thu seijongleu keivangin na Dan semhohi juiding geljing nange.
| גם ישבו שרים בי נדברו-- עבדך ישיח בחקיך |
24 Na Dan semho hi kakipapi lheh jenge ajeh chu hiche hohin chihna thu eihil jingin ahi.
| גם-עדתיך שעשעי-- אנשי עצתי |
25 Keima leivui lah'a kijama kahitai nathu chun neisuhal kittan.
| דבקה לעפר נפשי חיני כדברך |
26 Ka chondan, kaumchan nakom ah kaphongdoh tai, tun nadan semchu neisei pehtan.
| דרכי ספרתי ותענני למדני חקיך |
27 Na Dan thupeh chu neithem sah'in, chutengleh keiman natohdoh datmo umtah hochu kalungin geljing nange.
| דרך-פקודיך הבינני ואשיחה בנפלאותיך |
28 Lungkhamnan eibom in kakaptai, nakam changing neihaldoh sahkit tan.
| דלפה נפשי מתוגה קימני כדברך |
29 Mijou milepche hotoh neichom khen in, nathuhil kahetthem theinading thuguh chu neipen.
| דרך-שקר הסר ממני ותורתך חנני |
30 Kitah tah'a hinkho manding hi kakilhen ahitai, nathuhil dungjui a hinkho mandinghi kadinpi ahitai.
| דרך-אמונה בחרתי משפטיך שויתי |
31 Na Dan semhi katuhchah ahitai, O Yahweh Pakai neijumso hihbeh'in!
| דבקתי בעדותיך יהוה אל-תבישני |
32 Nathupeh hohi kajui jingding ahi, ajeh chu nangin hetthem theina neipeh jingding jehin.
| דרך-מצותיך ארוץ כי תרחיב לבי |
33 O Yahweh Pakai nathupeh chu neihillin, keiman achaina gei in juijing ing kate.
| הורני יהוה דרך חקיך ואצרנה עקב |
34 Nathuhil kajuijing theina dingin hetthem theina neipen. Kalungthim pumpin hichu natohman podoh ingkate.
| הבינני ואצרה תורתך ואשמרנה בכל-לב |
35 Nathupeh dungjui in neikalson sah'in hichu kakipanapen ahi.
| הדריכני בנתיב מצותיך כי-בו חפצתי |
36 Sum ngaichatna sangin na Dan thu hetthemding ngaichat theina neipejon.
| הט-לבי אל-עדותיך ואל אל-בצע |
37 Thil phachomlou hoa kon in kamit heimangin lang nathuchengin neihindoh sah'in.
| העבר עיני מראות שוא בדרכך חיני |
38 Nangma ginle jana neiho napeh kitepna chu keima kom ah neisuhdetpeh'in.
| הקם לעבדך אמרתך-- אשר ליראתך |
39 Kajumna hinkho hi neipailhah sah'in ajeh chu na Dan semho hi aphalheh jengin ahi.
| העבר חרפתי אשר יגרתי כי משפטיך טובים |
40 Nathupeh hohi kajuinomlheh jenge naphatna'in kahinkho hi neithah sempeh kittan.
| הנה תאבתי לפקדיך בצדקתך חיני |
41 Yahweh Pakai namingailutna longlou tonsot hinna neiteppeh chu neipetan,
| ויבאני חסדך יהוה תשועתך כאמרתך |
42 Chutileh eitaitom ho donbutje kahetding ahi ajeh chu keiman nathutep chu katahsan in ahi.
| ואענה חרפי דבר כי-בטחתי בדברך |
43 Phat tin in thutah jeng neisei sah'in ajeh chu nangma chondan thupeh a bouhin kinepna kanei in ahi.
| ואל-תצל מפי דבר-אמת עד-מאד כי למשפטך יחלתי |
44 Keiman nathupeh hochu itihchan hijongleh kanit jingding ahi.
| ואשמרה תורתך תמיד-- לעולם ועד |
45 Keiman chamlhatna tahbeh chu kaneitai, ajeh chu nangma thuhil juidinga kigo kahitai.
| ואתהלכה ברחבה כי פקדיך דרשתי |
46 Keiman nathupehho hi jahchalou hella lengte masanga jong kaphondoh ding ahi.
| ואדברה בעדתיך נגד מלכים ולא אבוש |
47 Keiman nang thupeh juidinghi kakipanapen ahitai ajeh chu hicheho hi keiman kadeilheh jengin ahi.
| ואשתעשע במצותיך אשר אהבתי |
48 Keiman na thupeh ho hi kadeilheh jengin chuleh jana jong kaneijin ahi, na Dan thu hohi giltah'in kagellin ahi.
| ואשא-כפי--אל-מצותיך אשר אהבתי ואשיחה בחקיך |
49 Kakom a na kitepna chu geldoh'in hiche bouchu ahi kakinepna.
| זכר-דבר לעבדך-- על אשר יחלתני |
50 Hiche nakitepna hin kahinkho akiledohsah kit'in kalungthim boina hoa kon in jong lungmon na eipen ahi.
| זאת נחמתי בעניי כי אמרתך חיתני |
51 Mikiletsah hon noise tah'in eibol jongleu keivang nangma thuhilhoa kon in kapotdoh pon ahi.
| זדים הליצני עד-מאד מתורתך לא נטיתי |
52 Masanglai peh'a na Dan sem nachepi hochu kangaito leh O Yahweh Pakai hichechun eilhamon sahlheh jenge.
| זכרתי משפטיך מעולם יהוה ואתנחם |
53 Keima miphalou ho chunga kalung ahang'in ahi, ajeh chu amahon nathuhil apompouve.
| זלעפה אחזתני מרשעים-- עזבי תורתך |
54 Hiche kakholjinna munhi hoilai hijongleh na Dan thu semho hi kala ngeipen ahijinge.
| זמרות היו-לי חקיך-- בבית מגורי |
55 O Yahweh Pakai jantengleh nangma nahina hi kalungsung ah akilangjin, hijeh chun nathuhil hohi kajui jingin ahi.
| זכרתי בלילה שמך יהוה ואשמרה תורתך |
56 Nathupeh juijinghi kahinkho mandan hitoh kilhon khoma ahitai.
| זאת היתה-לי כי פקדיך נצרתי |
57 O Yahweh Pakai, kachanding gouchu nangma nahi! Nathupeh juidingin kakiphaldoh jinge!
| חלקי יהוה אמרתי-- לשמר דבריך |
58 Kalungthim pumpi hi namalsomna ngaichajing kahi, Nakitepna bangin neihepi jingtan.
| חליתי פניך בכל-לב חנני כאמרתך |
59 Kahinkho ka lam lhahdan hi kanung gel jin chutengleh na Dan thu juina dingahin ka lutkit ji tai.
| חשבתי דרכי ואשיבה רגלי אל-עדתיך |
60 Nathupeh juina dingahin gangtah'in kipelut jing nange.
| חשתי ולא התמהמהתי-- לשמר מצותיך |
61 Miphalou hon chonsetna a lhohlut teiding eigo jiuvin ahinla keima vang na Dan thuhilna a hin dettah'in kading jingin ahi.
| חבלי רשעים עודני תורתך לא שכחתי |
62 Na Dan thupeh hohi adih jeh'in jankhang jongleh kathoudoh'in nangma ka thangvah jin ahi.
| חצות-לילה--אקום להודות לך על משפטי צדקך |
63 Nangma thupeh juijing holeh nangma ging jingho dingin agolphao kahijinge.
| חבר אני לכל-אשר יראוך ולשמרי פקודיך |
64 O Yahweh Pakai namingailutna tanglou hin leiset chunghi adipmin, na Dan thuhi neihil jingin.
| חסדך יהוה מלאה הארץ חקיך למדני |
65 Yahweh Pakai nangin nakitepna dungjuijin thilpha tamtah neibolpeh tai.
| טוב עשית עם-עבדך-- יהוה כדברך |
66 Nathupeh hoachun kading jinge, hetna thepna leh thu adih'a tantheina thuguh chu neihil in,
| טוב טעם ודעת למדני כי במצותיך האמנתי |
67 Nangin neihilchah masang chun kana lamvaijin, tunvang nathu thun kanungtai.
| טרם אענה אני שגג ועתה אמרתך שמרתי |
68 Nangman naphatna'in thilpha bou na bol jie, na Dan thuchu neihil in.
| טוב-אתה ומטיב למדני חקיך |
69 Miphalou ho jouthu eisei khum jiuvin, ahinla kenvang kalungthim pumpin nathupeh ho dihtah'in kajuijing nai.
| טפלו עלי שקר זדים אני בכל-לב אצר פקודיך |
70 Alungthim u ngol hoitah ahin; keivang nangma thupehho juijing hi kakipana ahijinge.
| טפש כחלב לבם אני תורתך שעשעתי |
71 Ka thohgimna chu keidinga thilphajo anahi, ajeh chu hichehin nathupeh juina ding langa lunglutna eipethei jin ahi.
| טוב-לי כי-עניתי-- למען אלמד חקיך |
72 Nathuhil ho juiding hi sana le dangka simsenlou sangin aman atamjon ahi.
| טוב-לי תורת-פיך-- מאלפי זהב וכסף |
73 Nangin neina gon a neinasemdoh ahin, tunvang nathupeh juina dinga hin hetthem theina neipen.
| ידיך עשוני ויכוננוני הבינני ואלמדה מצותיך |
74 Nangma ging ho jousen kei a konna hin kipa na mu u heuhen, ajeh chu keiman nathupeh ahin kinepna dihtah kanei in ahi.
| יראיך יראוני וישמחו כי לדברך יחלתי |
75 O Yahweh Pakai keiman na Dan semho adihdan hi kahethem tai, neisuhgim ji ding hi keidia thil phachom ahi.
| ידעתי יהוה כי-צדק משפטיך ואמונה עניתני |
76 Tuhin nasohpa neiteppeh bangin namingailutna longlou chun eilungmonsah jin ahi.
| יהי-נא חסדך לנחמני-- כאמרתך לעבדך |
77 Kahintheina dingin namihepina chun neiumkimvel jingin ajeh chu neithuhilna hohi keidinga kipana leh lunglhaina ahi.
| יבאוני רחמיך ואחיה כי-תורתך שעשעי |
78 Keichung changa thujou seiho miphalou hochu jumle jachatna penlang, keivangin nangma thupehho chu kangai jingding ahinai.
| יבשו זדים כי-שקר עותוני אני אשיח בפקודיך |
79 Nangma Dan he themho leh nangma ging jingho chutoh nei ki vopkhom sah jingin.
| ישובו לי יראיך וידעו (וידעי) עדתיך |
80 Na Dan thu kajuina ahin bolkhel kaneilouna dingin neivengin, chutileh jumna leh jachatna kaneilou ding ahi.
| יהי-לבי תמים בחקיך-- למען לא אבוש |
81 Nangma huhdohna ding kangana lamma hin abeipaiding kahitai, ahinlah nathupeh ahin kakinepna adetjinge.
| כלתה לתשועתך נפשי לדברך יחלתי |
82 Nakitepna ahung gulhunna ding vetnan kamit achahleutai, itih tahleh neilhamon dingham?
| כלו עיני לאמרתך-- לאמר מתי תנחמני |
83 Lengpi twipai savun ahun ahulgot bangin kagolhatai ahinlah na Dan thu juiding kasumil dehpon ahi.
| כי-הייתי כנאד בקיטור-- חקיך לא שכחתי |
84 Itihchanpi hi kanga jingding hitam? Keima eibolse hohi itihleh aphu nalah dingham?
| כמה ימי-עבדך מתי תעשה ברדפי משפט |
85 Nangma thuhil nahsahlou mi kiletsah hohin keima kipalna ding ko thuhtah alaijun ahi.
| כרו-לי זדים שיחות-- אשר לא כתורתך |
86 Nathupeh jouse hi tahsan dinga lomtah cheh ahi. Ajeh bei a eidel lele hoa konhin neihuhdoh'in.
| כל-מצותיך אמונה שקר רדפוני עזרני |
87 Amaho hin eichaidohpai got u ahitai, ahinla keiman nathupeh hohi kajuida dehpoi.
| כמעט כלוני בארץ ואני לא-עזבתי פקדיך |
88 Na mi ngailutna longlou chun kahinkho hi huhdoh'in, chutileh na Dan thu kajui theiding ahi.
| כחסדך חיני ואשמרה עדות פיך |
89 O Yahweh Pakai tonsot a dinga nakitepna chu van a dettah'in aumjinge.
| לעולם יהוה-- דברך נצב בשמים |
90 Nangin nanatundoh hiche leiset hi aumjing bangin nakitahna jong akhang khanga umjing ahi.
| לדר ודר אמונתך כוננת ארץ ותעמד |
91 Nathilgon jouse hi nathupeh dungjui in tuni chan geihin aumsohkei un ahi, ajeh chu amahohi aboncha nalhacha ahisoh kei un ahi.
| למשפטיך עמדו היום כי הכל עבדיך |
92 Na Dan thupeh hin kipana hinkho'ah eihin khoukhah hihleh kagenthei lengvaina a kana mol lem ding ahitai.
| לולי תורתך שעשעי-- אז אבדתי בעניי |
93 Na thupeh Dan hohi itihchan hijongleh ka suhmillou helding ahi, ajeh chu hicheho hin eihinghoi ahi.
| לעולם לא-אשכח פקודיך כי בם חייתני |
94 Yahweh Pakai nanga kahi; neihuhdoh'in! Ajeh chu nadan thu nitna a hin ka kihabol lheh jenge.
| לך-אני הושיעני כי פקודיך דרשתי |
95 Mi phalouhon suhmang dingin lampi dungah eichanglhi le jonguleh kei man vang na Dan thuhi kalung sungah thipbeh chan geljing nange.
| לי קוו רשעים לאבדני עדתיך אתבונן |
96 Thiljouse hin akhonna aneisoh keije ahinlah na Dan thupeh hin akhonna aneipoi.
| לכל-תכלה ראיתי קץ רחבה מצותך מאד |
97 Oh, na Dan thupeh hi iti kahin dei hitam! Ni lhumkei kei in hicheho hi kageljin in ahi.
| מה-אהבתי תורתך כל-היום היא שיחתי |
98 Na Dan thupeh hohin kagal mite sangin eichihsah'e, ajeh chu hicheho hin phattin in eiveng jinge.
| מאיבי תחכמני מצותך כי לעולם היא-לי |
99 Na Dan thuhi phattin a ka geljing jeh'in eihilho sangin jong hetgilna ka neijotai.
| מכל-מלמדי השכלתי כי עדותיך שיחה לי |
100 Na thupeh Dan ho kanitjing jeh'in kachunga upa tehse ho sangin jong kachingjo tai.
| מזקנים אתבונן כי פקודיך נצרתי |
101 Nathupeh dettah a kajuijing theina dingin thilse bolna a cheding kanompon ahi.
| מכל-ארח רע כלאתי רגלי-- למען אשמר דברך |
102 Nangin phate keicha neihil ahitah jeh'in na Dan thu juina a konnin ka ki heimang nompon ahi.
| ממשפטיך לא-סרתי כי-אתה הורתני |
103 Na thupeh hi kapatep leh alhum lheh jenge, khoiju sangin alhumjon ahi.
| מה-נמלצו לחכי אמרתך-- מדבש לפי |
104 Na Dan thupeh hohin hetthemna eipen; hiti chun hinkho adihlou lam a cheding hi kathet lheh ji e.
| מפקודיך אתבונן על כן שנאתי כל-ארח שקר |
105 Nathupeh hi kakalsonna a eipuiding thaomei jin apangin, kalampi salvah ding vah'in apangin ahi.
| נר-לרגלי דברך ואור לנתיבתי |
106 Na Dan thupeh dihtah hohi kajuijing ding ahin, hiche dinga hi kitepna kananei ahitan avel a kakitep kitding ahi.
| נשבעתי ואקימה-- לשמר משפטי צדקך |
107 Yahweh Pakai nathutep dungjui in ka hinkho hoidoh sah'in ajeh chu kathohlel behseh jenge.
| נעניתי עד-מאד יהוה חיני כדברך |
108 O Yahweh Pakai ka thangvah nahi kilhaina thilto bangin neisanpeh'in lang chuleh na Dan thupeh ho neihil in.
| נדבות פי רצה-נא יהוה ומשפטיך למדני |
109 Keima ka hinkho hi kilep ditdet in aum e, ahinlah na thuhil hi ka juidadeh pong e.
| נפשי בכפי תמיד ותורתך לא שכחתי |
110 Mi phalou hon ka kipalna dingin thang akam jingun ahi, ahi vangin nathupeh'a kon a ka ki heimang doh louding ahi.
| נתנו רשעים פח לי ומפקודיך לא תעיתי |
111 Na Dan thu hi keidinga gou ahi, hicheho hin ka lungthim akipasah'in ahi.
| נחלתי עדותיך לעולם כי-ששון לבי המה |
112 Ka thini changei a na Dan thu nitding hi ka dinpi ahitai.
| נטיתי לבי לעשות חקיך-- לעולם עקב |
113 Kitahna neiloute hi kathet ahin keivang na thuhil ho jui dinghi katha nopna ahi.
| סעפים שנאתי ותורתך אהבתי |
114 Nangma hi kakiselna leh kalumdal nahi, nathupeh hi kakinepna bulpi ahijinge.
| סתרי ומגני אתה לדברך יחלתי |
115 Milung gilouho keija kon in potdoh'un, ajeh chu keiman ka Yahweh Pakai thupeh hohi kajuinom e.
| סורו-ממני מרעים ואצרה מצות אלהי |
116 Yahweh Pakai, nakitepna bangin kahinjouna dingin tha neipen kakinepna hi neijumso hihbeh'in,
| סמכני כאמרתך ואחיה ואל-תבישני משברי |
117 Nathahatnan neituh'in chutileh kahoidohding ahi, chutengleh nathupeh hi kachepi jingding ahi.
| סעדני ואושעה ואשעה בחקיך תמיד |
118 Nathupeh a kon a potdoh hohi nangin napaidoh gamheltan ahi. Amahohi amahole amaho kijoulhep ahibouve.
| סלית כל-שוגים מחקיך כי-שקר תרמיתם |
119 Nangin mi-engse hochu leiset chunga konnin bohse bangin napaidoh jitan ahi, hijeh chun kei vangin na Dan thuho hi kajui nom e.
| סגים--השבת כל-רשעי-ארץ לכן אהבתי עדתיך |
120 Nangma ginnan ka kithinge, na thutan dihtah ho jeh'in ki chatnan kadim e.
| סמר מפחדך בשרי וממשפטיך יראתי |
121 Keiman thudih tahleh kitahna neitah'in na katonge, kagal mite khut a neidalhahih'in.
| עשיתי משפט וצדק בל-תניחני לעשקי |
122 Phatthei neibohding kinepna neipen, mi kiletsahho neibolsetsah hihbeh'in.
| ערב עבדך לטוב אל-יעשקני זדים |
123 Nathutep dihtah chu asuh bulhit nadinga neihuhdohna dingchu kavet vetnan kamit achah leutan ahi.
| עיני כלו לישועתך ולאמרת צדקך |
124 Nami ngailutna longlou chun nasoh hi neibolpha jingin, chuleh na Dan thuho chu neihil in.
| עשה עם-עבדך כחסדך וחקיך למדני |
125 Na Dan thuhohi kahettheina dingin nasohhi hetthem theina neipen.
| עבדך-אני הבינני ואדעה עדתיך |
126 Yahweh Pakai tu hi nakipatna na tohphat ahitai, ajeh chu miphalouhon na Dan thu apal kehgam tauve.
| עת לעשות ליהוה-- הפרו תורתך |
127 Tahbeh'in nathupeh hohi sana mantampen sangin kadeijon ahi.
| על-כן אהבתי מצותיך-- מזהב ומפז |
128 Na thupeh hohi adihsoh kei in, hijeh'a chu lamdihlou hohi kathet ahi.
| על-כן כל-פקודי כל ישרתי כל-ארח שקר שנאתי |
129 Na Dan semhohi akidang theilheh jengin hijeh'a chu kalungthim pumpia kajui ahi!
| פלאות עדותיך על-כן נצרתם נפשי |
130 Na Dan thuhil'a hin vah akilangin hijeh chun milham minjong ahetheijin ahi.
| פתח דבריך יאיר מבין פתיים |
131 Nathupeh ho kangaichat behseh jeh'in kaki gon chule kakam kah in kangah jinge.
| פי-פערתי ואשאפה כי למצותיך יאבתי |
132 Nangma ngailuho nabolna bangin hung kihei in lang nami khotona neimusah'in.
| פנה-אלי וחנני-- כמשפט לאהבי שמך |
133 Nakitepna dungjuijin kalhuh louna dingin neituh'in, thilse eijosah hihbeh'in.
| פעמי הכן באמרתך ואל-תשלט-בי כל-און |
134 Eisugenthei hoa kon in neihuhdoh'in, hitiachu nathupehho hoitah'a kajuijing theina dingin.
| פדני מעשק אדם ואשמרה פקודיך |
135 Nasohpa kei ahin namaivah chu hin kilan dohsah'in chutengleh na Dan thuchu neihil in.
| פניך האר בעבדך ולמדני את-חקיך |
136 Mi hemten na thuhil ajuitah lou jeh'un kamit na hin mitlhi twi vadung bangin along'e.
| פלגי-מים ירדו עיני-- על לא-שמרו תורתך |
137 O Yahweh Pakai nangma thudihtah nahi, na Dan semho jong adih'e.
| צדיק אתה יהוה וישר משפטיך |
138 Na Dan semhohi nolnabei ahin chuleh tahsanthei mong mong ahi.
| צוית צדק עדתיך ואמונה מאד |
139 Ka galmiten na thupeh hi anahsah loujeh'un ka lunghan hi aki khonhel jengin ahi.
| צמתתני קנאתי כי-שכחו דבריך צרי |
140 Na thutep hohi kapatep sohkei ahitan adih lheh jeng in keiman ka deilheh jenge.
| צרופה אמרתך מאד ועבדך אהבה |
141 Keima hi hetkhamlou leh notthap ka hivang in nathupeh hohi ka sumil dehpoi.
| צעיר אנכי ונבזה פקדיך לא שכחתי |
142 Yahweh Pakai nanga hin tonsotna thudih na aum e, chuleh na thuhil dihtah ho jonghi nolnabei ahi.
| צדקתך צדק לעולם ותורתך אמת |
143 Hahsat na le lung khamna in eilonvuh jeng jongleh nathupeh hohi keidinga kipana tahbeh ahijinge.
| צר-ומצוק מצאוני מצותיך שעשעי |
144 Na Dan semho jouse jonghi adihjing jenge, hinna ka neitheina dingin neihet them sah'in.
| צדק עדותיך לעולם הבינני ואחיה |
145 Kalungthim pumpin kataove O Yahweh Pakai neihouvin, keiman na Dan thuho chu kanit jingding ahi.
| קראתי בכל-לב ענני יהוה חקיך אצרה |
146 Nangma kahin kouve Yahweh Pakai neihuh doh'in, na Dan thuho chu ka juijing thei nadin.
| קראתיך הושיעני ואשמרה עדתיך |
147 Khovah masangin matah'in kathouvin, nathutep na chun kakinem in panpi kathum e.
| קדמתי בנשף ואשועה לדבריך (לדברך) יחלתי |
148 Jan khovah'in kahah'in nathutep chu kagel jinge.
| קדמו עיני אשמרות-- לשיח באמרתך |
149 Nami ngailutna dihtah'a konchun O Yahweh Pakai kataona ngai in lang na Dan thu juina ahin neichoh hing kittan.
| קולי שמעה כחסדך יהוה כמשפטך חיני |
150 Dan neilou miten eihung delkhum un ahi, amahohi nangma thuhilla kon in agamlha lheh'un ahi.
| קרבו רדפי זמה מתורתך רחקו |
151 Ahinlah O Yahweh Pakai nangma naichan naum in ahi, chuleh nangma thupehho jouse adih'in ahi.
| קרוב אתה יהוה וכל-מצותיך אמת |
152 Na Dan semhohi tonsot a ding ahije tihi kaneolai a patna kanahetsa ahitai.
| קדם ידעתי מעדתיך כי לעולם יסדתם |
153 Kathoh gimna hi venlang neihuhdoh'in, ajeh chu keiman na thuhil hochu ka sumil khapoi.
| ראה-עניי וחלצני כי-תורתך לא שכחתי |
154 Keima langa pangin lang ka chung chang thu neiseipeh'in nakitepna bangin neihuh doh'in.
| ריבה ריבי וגאלני לאמרתך חיני |
155 Mi phalou hovang ki huhdoh louding ahiuve. Ajeh chu amahon na Dan thu hi anahsah pouve.
| רחוק מרשעים ישועה כי חקיך לא דרשו |
156 O Yahweh Pakai namihe pina hi anasalheh jenge, na Dan semhohi jui ing kating ka hinkho hi neikile dohsah tan.
| רחמיך רבים יהוה כמשפטיך חיני |
157 Mitamtah'in asugenthei jin eisuboijin ahi, ahinlah na Dan thu juina a kon in kakiheimang dehpoi.
| רבים רדפי וצרי מעדותיך לא נטיתי |
158 Hitobanga mikitahlou hohi ka muting leh ka lungnatpi lhehjin ahi, ajeh chu amaho hin na Dan thu hi anahsah pouvin ahi.
| ראיתי בגדים ואתקוטטה-- אשר אמרתך לא שמרו |
159 Yahweh Pakai ven na thupeh hi ichangei a ka gelkhoh hitam, na mingailut na longlou jal in ka hinkho hi neilepeh kit in.
| ראה כי-פקודיך אהבתי יהוה כחסדך חיני |
160 Na Dan hung kipatna thuguh chu thutah ahi, na Dan thu dihtah hohi tonsot a dingjing ding ahi.
| ראש-דברך אמת ולעולם כל-משפט צדקך |
161 Mi thanei hon dihloutah'in eibol seuve, ahinlah keiman nathupeh hi ka lungthim in ginna kanei jinge.
| שרים רדפוני חנם ומדבריך (ומדברך) פחד לבי |
162 Khat touvin gou nasatah akimudoh bangin nathupeh ahin kakipah'in ahi.
| שש אנכי על-אמרתך-- כמוצא שלל רב |
163 Keiman jou le nal kitihi kathetnin ahinlah nathupeh hohi kagelkhoh'e.
| שקר שנאתי ואתעבה תורתך אהבתי |
164 Na Dan thu hohi adihjeh'in nikhat in sagivei thangvah na penge.
| שבע ביום הללתיך-- על משפטי צדקך |
165 Nang ma Dan thu ho gelkhoh na neiho jousen thahatna anei un ahi chuleh kipalna aneipou vin ahi.
| שלום רב לאהבי תורתך ואין-למו מכשול |
166 Yahweh Pakai nangin neihuhdoh dinghi ka ngaicha lheh jengin ahi, hijeh'a chu nathupeh ho hi ka juijing ahi.
| שברתי לישועתך יהוה ומצותיך עשיתי |
167 Na Dan semhohi kahinjui jinge ajeh chu hicheho hi deium ka salheh jenge.
| שמרה נפשי עדתיך ואהבם מאד |
168 Ahi, keiman nathupeh hole na Dan semhohi kajui jinge ajeh chu nangin ka kiman chahna jouse nahen ahi.
| שמרתי פקודיך ועדתיך כי כל-דרכי נגדך |
169 O Yahweh Pakai kahin kou nahi ngai in nangin neitep pehna bangin het them theina lungthim neipen.
| תקרב רנתי לפניך יהוה כדברך הבינני |
170 Ka taona hi ngai in, nathutep na bangin nei huhdoh tei in.
| תבוא תחנתי לפניך כאמרתך הצילני |
171 Kakam a kon in thangvahna hi hung lengdoh jenghen ajeh chu nangman na Dan thu hohi neihil themtan ahi.
| תבענה שפתי תהלה כי תלמדני חקיך |
172 Kalei in nathupeh hohi thangvah lan sa hen, ajeh chu nathupeh jouse hi adih'in ahi.
| תען לשוני אמרתך כי כל-מצותיך צדק |
173 Nei kithopina khutchu hin lhangdoh'in ajeh chu na thupeh ho juidinga kigotna kanei ahitai.
| תהי-ידך לעזרני כי פקודיך בחרתי |
174 O Yahweh Pakai nangin neihuhdoh dinghi ka ngaichat jing ahi, ajeh chu nangma thuhil hohi kakipana ahijinge.
| תאבתי לישועתך יהוה ותורתך שעשעי |
175 Nangma ka thangvah jing theina dingin nei hing hoi in, chuleh nathupeh hohi eikithopin pangjing hen.
| תחי-נפשי ותהללך ומשפטך יעזרני |
176 Kelngoi banga vahmanga kahitai hungin lang neihung holdoh tan ajeh chu nathupeh hohi keiman kasumil theipoi.
| תעיתי-- כשה אבד בקש עבדך כי מצותיך לא שכחתי |
