La Bu 108
1 O Pathen Elohim kalungthim hi nang ah akinem jinge, ahijeh chun kalungthim pumpia nangma thangvah la kasha theihi datmo ding ahipoi.
| שיר מזמור לדוד נכון לבי אלהים אשירה ואזמרה אף-כבודי |
2 Hungthouvin, katheile leh kasemjang, jingpi ihmuhi kavahchoilan sukhang'ing kate.
| עורה הנבל וכנור אעירה שחר |
3 O Yahweh Pakai mitinlah'a hin nangma hin thangvah ingkate. Keiman chitin namtin lah a hin nangma vahchoila sange.
| אודך בעמים יהוה ואזמרך בלאמים |
4 Nami ngailutna longlouhi vanho sangin asangjon ahi. Nakitahna hin meilomlah ho aphan ahi.
| כי-גדול מעל-שמים חסדך ועד-שחקים אמתך |
5 O Elohim Pathen vanho lah'a asangpen sangin namin hi dopsangin umjo hen. Naloupina leiset pumpi chung vumma hin vahdoh hen.
| רומה על-שמים אלהים ועל כל-הארץ כבודך |
6 Tuhin name ngailut tehi huhdoh tan. Naban thahatnan neidonbutnun lang neihuhdoh tauvin,
| למען יחלצון ידידיך הושיעה ימינך וענני |
7 Elohim Pathen'in athenna a chu hichehi akitepna ahi. “Keiman kipahtah a Sechemhi kabokhen ding, Keiman Succoth phaicham hi katetoh ding ahi.
| אלהים דבר בקדשו--אעלזה אחלקה שכם ועמק סכות אמדד |
8 Gilead hi kei a ahin, Manasseh jong kei a ahi, Ephraim kathih lukhuh ahin, ama a kon a hi kagalsat dingho hungkondoh diu ahi, chuleh Judah hi kaleng tenggol ahin ama a kon a hi kalengte hung kondoh diu ahi.
| לי גלעד לי מנשה ואפרים מעוז ראשי יהודה מחקקי |
9 Hinla Moab hi kakeng silna kong ahin ama a kon a hi kasohte hungkondoh diu ahi, chuleh Keiman Edom chunga hi kakeng kasilding ahi. Philistia chunga galjona kasapkhum ding ahi.”
| מואב סיר רחצי--על-אדום אשליך נעלי עלי-פלשת אתרועע |
10 Koipenham kulpi kikaikhum khopi sunga eipuilut ding ah? Koiham Edom chunga galjona a eipuilut ding ah?
| מי יבלני עיר מבצר מי נחני עד-אדום |
11 O Elohim Pathen nangin neipaidoh hitam? Nangin kasepaite toh galsat'a nakonkhom louding hitam?
| הלא-אלהים זנחתנו ולא-תצא אלהים בצבאתינו |
12 O Yahweh Pakai kagalmite toh kidouna a hi neipanhu louding hitam, ajeh chu mihem kithopina hi aphachom aumpoi.
| הבה-לנו עזרת מצר ושוא תשועת אדם |
13 Elohim Pathen toh pankhom hi thil loupi tahtah tohdoh theina ahi, ajeh chu Aman eikidoupi ho chu akengtoa alhopha ding ahi.
| באלהים נעשה-חיל והוא יבוס צרינו |
