La Bu 107
1 Yahweh Pakai hi aphatjeh'in thangvahna peuvin, Ami ngailutna dihtah hi tonsot'a dettou jing ahi.
Give thanks to the LORD, for he is good, for his loving kindness endures forever.
2 Yahweh Pakai in nalhatdoh hitam? Achutileh phongdoh'in! Aman namelma holah'a kon a nahoidohsahhi miho seipeh'in.
Let the redeemed by the LORD say so, whom he has redeemed from the hand of the adversary,
3 Ajeh chu Aman gam tamtah a kon in solamle lhumlam'a kon in, sahlam le lhanglam a kon in sohchangho ahin puikhom'in ahi.
and gathered out of the lands, from the east and from the west, from the north and from the south.
4 Miloi khat hi gamthip gam mah avah mang'un, in le lou beijin avah mang'un,
They wandered in the wilderness in a desert way. They found no city to live in.
5 Gilkil leh dangchah geovin a thiding konchan aum mun,
Hungry and thirsty, their soul fainted in them.
6 “Yahweh Pakai neipanpin” tin ahahsat nauva Pakai Yahweh akouvun, chuteng Aman agenthei nauva konnin ahuhdoh jin ahi.
Then they cried to the LORD in their trouble, and he delivered them out of their distresses.
7 Aman amaho chu bitkei chan apuijin achenna theiju khopi khatna akoiyin ahi.
He led them also by a straight way, that they might go to a city to live in.
8 Yahweh Pakai chu angailutna thupi tah jehleh thil kidang tahtah abolpeh jeh'un thangvahna peuhen.
Let them praise the LORD for his loving kindness, for his wonderful deeds to the children of men!
9 Ajeh chu Aman adangchah ho adangnou sah'in, agilkil'ho thilpha tamtah tothon a-oiva sahjin ahi.
For he satisfies the longing soul. He fills the hungry soul with good.
10 Miloikhat muthim lah athimlah pen a atouvin, lung gimna thihkhao vin ahen oh'in ahi.
Some sat in darkness and in the shadow of death, being bound in affliction and iron,
11 Amaho Elohim Pathen thu dounan akiphin un, Elohim Pathen thumop chu anelpeh'un ahi.
because they rebelled against the words of God, and condemned the counsel of the Most High.
12 Hijeh chun Aman amaho chu akhut hamtah in avo lhun, amaho alhuh phatnun koima akithopidiu aumpon ahi.
Therefore he brought down their heart with labour. They fell down, and there was no one to help.
13 Ahahsat tenguleh Yahweh Pakai akoujiuvin “Yahweh Pakai neipanpin” atiuve. Hitengle chun Aman athohgim nauva kon in ahuhdohjin ahi.
Then they cried to the LORD in their trouble, and he saved them out of their distresses.
14 Aman amaho chu muthimleh ahahsatnau thimjin banga thimlah a kon in apui galkaijin akihennao asutlhappeh'in ahi.
He brought them out of darkness and the shadow of death, and broke away their chains.
15 Yahweh Pakai chu ami ngailutna thupitah jehleh thil kidangtah tah abolpeh jeh'in thangvah uhen,
Let them praise the LORD for his loving kindness, for his wonderful deeds to the children of men!
16 ajeh chu Aman sum-eng songkul kotpi avohlhahpeh'in chuleh akihennao thihkhao avohtan pehtan ahi.
For he has broken the gates of bronze, and cut through bars of iron.
17 Mingol themkhat chun boina asemuvin achonset jeh'un thohgimna atoh'un ahi.
Fools are afflicted because of their disobedience, and because of their iniquities.
18 An le twi ngaichatnan athohlel lheh'un hiti chun amaho chu athiding kon ahiuve.
Their soul abhors all kinds of food. They draw near to the gates of death.
19 “Yahweh Pakai neikithopin” tin ahahsat tenguleh Yahweh Pakai akoujiuvin Aman athohgim nauva kon in ahuhdohjin ahi.
Then they cry to the LORD in their trouble, and he saves them out of their distresses.
20 Aman thu changkhat agahseijin aboldamjin, thina kotbul a kon in aloidohtan ahi.
He sends his word, and heals them, and delivers them from their graves.
21 Ami lungsetna thupi tah jehleh amaho dinga thil kidang tamtah anabolpeh jeh'in Yahweh Pakai chu thangvahna peuhen.
Let them praise the LORD for his loving kindness, for his wonderful deeds to the children of men!
22 Kilhaina gantha pummin thangvahna peuhen, chuleh athilbol kidangtah ho jeh'in thangvahna peuhen.
Let them offer the sacrifices of thanksgiving, and declare his deeds with singing.
23 Mi phabep chu kong innei mangchan twikhanglen'ah vannoi leiset kiveina lampi ajot un akitollun ahi.
Those who go down to the sea in ships, who do business in great waters,
24 Amaho jonghin twikhanglen athuhlang tah'a Yahweh Pakai thuneitah'a anatoh naleh thil thupi tahtah abolna ho amu'vin ahi.
these see the LORD’s deeds, and his wonders in the deep.
25 Aman thu aseijin hui ahungnung doh'in twikhanglen ahin kinongsah'in ahi.
For he commands, and raises the stormy wind, which lifts up its waves.
26 Kong innei hochu vanlanga anuh touvin chule twi thuhlah'a ahung kilehlut kitjin kongtol hochu kichatnan akileh leuvin ahi.
They mount up to the sky; they go down again to the depths. Their soul melts away because of trouble.
27 Amaho jukham ho bangin a-onle leuvin kichat tijat nan adim'un ahi.
They reel back and forth, and stagger like a drunken man, and are at their wits’ end.
28 “Yahweh Pakai neihuh'un” tin ahahsat phatnun Yahweh Pakai akouvun, Amanjong agimnauva kon in ahuhdohjin ahi.
Then they cry to the LORD in their trouble, and he brings them out of their distress.
29 A-o neochakhat'in hui le guo kithochu athipsah'in chuleh twi kinong jong asutang'in ahi.
He makes the storm a calm, so that its waves are still.
30 Hiche athip theina chu ichan gei a pha a phatthei bohna hitam? Kongchu kong mun'ah bitkeichan apuilut in ahi.
Then they are glad because it is calm, so he brings them to their desired haven.
31 Yahweh Pakai chu angailutna thupitah jehleh thilkidang tamtah abolpeh jeh'un thangvahna peuhen.
Let them praise the LORD for his loving kindness, for his wonderful deeds for the children of men!
32 Nam lamkaiho masangleh, mipi kikhomho masangah japi hetthei doltah'in thangvahna peuhen.
Let them exalt him also in the assembly of the people, and praise him in the seat of the elders.
33 Aman vadung jong neldigam aso sahjin, twisam putna munho jong gamgo leh adang chahna aso sahjin ahi.
He turns rivers into a desert, water springs into a thirsty ground,
34 Aman ga phatah sona gam phatah jong ima sodoh louna chitwi-al gamgo asosah thei in ahi, agam sunga cheng mipite phatmo jeh'a hitiachu abolji ahi.
and a fruitful land into a salt waste, for the wickedness of those who dwell in it.
35 Ahinlah Aman neldigam chu twikul asosah'in, chuleh gamgo jong twi putna mun aso sahjin ahi.
He turns a desert into a pool of water, and a dry land into water springs.
36 Aman gilkel dangchah techu khopi semdoh dinga hiche mun a chu achensah ding ahi.
There he makes the hungry live, that they may prepare a city to live in,
37 Amahon aloulai uva muchi kitheuvin tin lengpigui tu uvintin ga lhingsetna akilodiu ahi.
sow fields, plant vineyards, and reap the fruits of increase.
38 Aman ichan gei a phatthei aboh hitam? Amahon insungmi tamtah atungdoh'un chuleh aganchahou ninglhingset ding ahi.
He blesses them also, so that they are multiplied greatly. He doesn’t allow their livestock to decrease.
39 Ijemtia bolgentheina jalle, boina le hahsatna jalla umho mihem a akemsuh uva avaichat phatnuleh,
Again, they are diminished and bowed down through oppression, trouble, and sorrow.
40 Yahweh Pakai in alengteu hinpaidoh intin amaho gamgo laija pannabei in umsah leleu vintin,
He pours contempt on princes, and causes them to wander in a trackless waste.
41 hinla Yahweh Pakai in mivaichaho ahahsat nauva kon in kelngoihon phatah bangin ainsunga hinpunsah intin,
Yet he lifts the needy out of their affliction, and increases their families like a flock.
42 Miphahon hiche thilsoh hohi hinveu vintin kipahdiu ahinla miphalou hochu suhthipma umdiu ahi.
The upright will see it, and be glad. All the wicked will shut their mouths.
43 Michingho jousen hitia thilsoh hohi lunggiltah'in hinheu vintin, amahon hitobang ikhankhouva kon a hi Yahweh Pakai mingailutna dihtah chu ahin mudohdiu ahi.
Whoever is wise will pay attention to these things. They will consider the loving kindnesses of the LORD.
