La Bu 102
1 Yahweh Pakai kataona ngai in! Ka ngeh nahi neisanpeh in.
| תפלה לעני כי יעטף ולפני יהוה ישפך שיחו יהוה שמעה תפלתי ושועתי אליך תבוא׃ |
2 Kei a kon in kiheimang hih'in, kahahsat phatleh khohsah tah'in neingaipeh in, kangaichat phatleh neihin gelkhoh in,
| אל תסתר פניך ממני ביום צר לי הטה אלי אזנך ביום אקרא מהר ענני׃ |
3 Ajeh chu kahinkho hi meikhu bangin abeipai jitai, kagu kachang hi asadohji tai.
| כי כלו בעשן ימי ועצמותי כמו קד נחרו׃ |
4 Kalungsung hi anadohjin hamhing bangin agolha jitai, chutengle chun kagilkel jong abeipaiji tai.
| הוכה כעשב ויבש לבי כי שכחתי מאכל לחמי׃ |
5 Ajeh chu lunggim a kakhoisat sat jeh'in kavun le kagu hobou kahitai.
| מקול אנחתי דבקה עצמי לבשרי׃ |
6 Keima neldi gam a sumbupi toh kabangtai, gamlatah gamthip gam a sumbupi noutoh kabangtai.
| דמיתי לקאת מדבר הייתי ככוס חרבות׃ |
7 Keima kahah khovahjin, inting vumma vacha changkhat seh lunghel tah-a um kabange.
| שקדתי ואהיה כצפור בודד על גג׃ |
8 Kagal miten sun nilhum in eitaitom jingun, amahon eisamseuvin eitaitom jingun ahi.
| כל היום חרפוני אויבי מהוללי בי נשבעו׃ |
9 Keima buneh jong vutvai jeng ahitai. Kadon na sunga jong kamitlhi alonglut tai.
| כי אפר כלחם אכלתי ושקוי בבכי מסכתי׃ |
10 Nalunghan na le nagimbol nachun eidom sang in eipaidoh tai.
| מפני זעמך וקצפך כי נשאתני ותשליכני׃ |
11 Kahinkho hi nilhah lang nilep bangin achemang loijitai. Keima hampa bangin kagop lhaloi jitai.
| ימי כצל נטוי ואני כעשב איבש׃ |
12 Ahinla Yahweh Pakai nangvang nalaltouna a natoujing ding ahi. Naminthan na akhang khanga chelhajing ding ahi.
| ואתה יהוה לעולם תשב וזכרך לדר ודר׃ |
13 Nangma hung kipat in natin Jerusalem hi nahin khoto ding ahi. Tuahi nangnam na khohsah phat ahin, tuhi na kitepna dungjui a mi kithopi phat ahi.
| אתה תקום תרחם ציון כי עת לחננה כי בא מועד׃ |
14 Ajeh chu namiten bang'a song jouse angailu uvin chuleh lamlenna vutvai hojeng jong angaisang'un ahi.
| כי רצו עבדיך את אבניה ואת עפרה יחננו׃ |
15 Chujouteng leh chitin namtin ten Yahweh Pakai ang-a kithing thingding ahi,
| וייראו גוים את שם יהוה וכל מלכי הארץ את כבודך׃ |
16 Ajeh chu Yahweh Pakai in Jerusalem ahin thahsem kitding chutengle Ama aloupina-a hung kilang ding,
| כי בנה יהוה ציון נראה בכבודו׃ |
17 Aman tahlelte taona ahin sanding Aman angaichat hou asanpehding ahi.
| פנה אל תפלת הערער ולא בזה את תפלתם׃ |
18 Khonunga khangthahho dinga kijihlut pehding hitiachu tua pengloulai hon Yahweh Pakai chu ahin thangvah dingu ahi.
| תכתב זאת לדור אחרון ועם נברא יהלל יה׃ |
19 Yahweh Pakai in van muntheng a kon a ahin vetsuh ding, Aman van a kon a leiset hi ahin vetsuh ding
| כי השקיף ממרום קדשו יהוה משמים אל ארץ הביט׃ |
20 songkul tangte khoisatna ajahding thidinga themmo kichanho alha doh dinga,
| לשמע אנקת אסיר לפתח בני תמותה׃ |
21 hiteng chuleh Yahweh Pakai minthanna chu Zion a lopna umding, chule Jerusalem a kithangvah ding ahi.
| לספר בציון שם יהוה ותהלתו בירושלם׃ |
22 Mihonpi tamtah chu ahung ki khopkhom teng leh leng gam hojouse chu Yahweh Pakai chibai boh a hungdiu ahi.
| בהקבץ עמים יחדו וממלכות לעבד את יהוה׃ |
23 Aman kaban thahat akim laitah avolhun kahinkho asuchomtai.
| ענה בדרך כחו קצר ימי׃ |
24 Hinla keiman Ama kakouvin, Oh Yahweh Pakai tonsot a hingjing kakhandon laitah ahin kahinkho lahih'in.
| אמר אלי אל תעלני בחצי ימי בדור דורים שנותיך׃ |
25 Kum tamtah achetai, nangin hiche leiset leibul nana lhungdoh'in, vanhohi nakhut tah'in nanasemdoh in,
| לפנים הארץ יסדת ומעשה ידיך שמים׃ |
26 hihojouse hung mangthah ding ahinlah nang tonsotna nahinjing ding ahi, amaho ponlui bangin hungvui lhantin, Nangin amaho chu von banga nakhelding chujouteng napai mangdiu ahi.
| המה יאבדו ואתה תעמד וכלם כבגד יבלו כלבוש תחליפם ויחלפו׃ |
27 Hinla Yahweh Pakai nangvang abang chu nahijingin ahi.
| ואתה הוא ושנותיך לא יתמו׃ |
28 Nangma mite chate jouse lungmong a umdiu ahi. Achate chateho chu na-anga hung khanglen diu ahi.
| בני עבדיך ישכונו וזרעם לפניך יכון׃ |
