Thuchihbu 7
1 Kachapa, kathumop hi juijin, kathupeh chengse jong gou chin in ching jing-in.
My son, keep my words. Lay up my commandments within you.
2 Kathupeh chengse hinna nanei thei nadin nit jing in, kathuhil chengse namit chang naki chintup bang in chingtup in.
Keep my commandments and live. Guard my teaching as the apple of your eye.
3 Hichengse chu nasuhmil lou nadin khutjem bun kibun lang, nalungthim gil sunga lekhajem bang in kijih lut in.
Bind them on your fingers. Write them on the tablet of your heart.
4 Chihna hi naso pinu bang in ngailun, chule nagol ngaitah banga nakisem ding ahi.
Tell wisdom, "You are my sister." Call understanding your relative,
5 Hichun numei jong hoa kon navendoh ding, pasal toh jonthanhoi bol numeia kon chu nahoidoh ding ahi.
that they may keep you from the strange woman, from the foreigner who flatters with her words.
6 Kain bang-kot akon kagal vet' a, polam kavet a hileh,
For at the window of my house, I looked out through my lattice.
7 Japi lah' a jong kamun, gollhang ho kititna mun' a jong kamun, lungthim bei gollhang khat aum in ahi.
I saw among the simple ones. I discerned among the youths a young man void of understanding,
8 Amapa chu, numei jong-nu inlam achun avah lejin, hiche numeinu in-jotna lam chu ajon jitai.
passing through the street near her corner, he went the way to her house,
9 Jingkah khovah then then in jong, nilhah lam in jong, jan muthim lah' a jong, hiche lam' a chun ache jitan ahi.
in the twilight, in the evening of the day, in the middle of the night and in the darkness.
10 Chuin numei khat in amudoh tan, amanu chu noti-von a kivon, a-lua pon akikhuh in ahi.
Look, there a woman met him with the attire of a prostitute, and with crafty intent.
11 Hiche nuchu thunung lou khop in, jum le ja jong helouvin, in-a um thim thei louva keng javelvul a um ahi.
She is loud and defiant. Her feet do not stay in her house.
12 Kholaija um' a igel laijin, kailhanga akimun, munthip ningkoi lah jenga mi achang lhih jin ahi.
Now she is in the streets, now in the squares, and lurking at every corner.
13 Gollhangpa chu amu teng angong koi pai ji-in, achop jitan, jum lou tah' in gollhangpa henga chun aseijin
So she caught him, and kissed him. With an impudent face she said to him:
14 “Keiman chamna maicham sem ding tampi kaneijin, tuni hin kakitepna jouse pe tange,
"Sacrifices of peace offerings are with me. This day I have paid my vows.
15 Ajeh chu nangma velhih-a hung potdoh kahin, lunglhai sel' a nangma hol' a kahung chu, hikom-a kamutai.
Therefore I came out to meet you, to diligently seek your face, and I have found you.
16 Kajalkhun jong Egypt gam' a ponnem jemhoi tah' a kapha jolsel ahi.
I have spread my couch with carpets of tapestry, with striped cloths of the yarn of Egypt.
17 Kajalkhun chunga myrrh namtui kathe in, aloes namtui le thingthal namtui tah kahin the ahi.
I have perfumed my bed with myrrh, aloes, and cinnamon.
18 Hungin, jankhovah geijin lungna chimtah in kinou ta hitin, kilungset hitin, jankhovah in kideito hite.
Come, let's take our fill of loving until the morning. Let's solace ourselves with loving.
19 Ajeh chu kajipa inn-a aumpon, kholjin in mun gamla tah' a achen ahi.
For my husband isn't at home. He has gone on a long journey.
20 Asum bom a sum dimset' in akipoh in, lha kichai lam teng hung kile din achetai.”
He has taken a bag of money with him. He will come home at the full moon."
21 Hitichun numeinun thungai tah tah aseijin ajol tan, ajonan athunun in, kamnal hiu hiu cha akihoupi tahjeh in gollhangpa jong anom tan ahi.
With persuasive words, she led him astray. With the flattering of her lips, she seduced him.
22 Alungthou jah' in hichenu chu ajui tan, Bongchal in aki tha nading mun ajot bang le thang a-ohsa sakhi bang in numeinu nung chu ajuitai.
He followed her immediately, as an ox goes to the slaughter, as a stag leaping into a trap,
23 Sakhi golpai thalpin alungchang athil pai bang leh, vacha banga ahinkho beina ding akihet phah tapon ahi.
till an arrow strikes through his liver, as a bird hurries to the snare, and doesn't know that it will cost his life.
24 Hijeh chun ka chapate ho kathusei hohi lunglut tah in ngaijun, chule kakam sunga kon thu kisei hohi ngai phauvin.
Now therefore, son, listen to me. Pay attention to the words of my mouth.
25 Hiche numeinu lam akhun nalungthim lamvai sah hih in, amanu lam lhahna tinchanga jong nache lou hel ding ahi.
Do not let your heart turn to her ways. Do not go astray in her paths,
26 Ajeh chu amanu hin pasal tampi manthahna aso-ahitan, sepai thahat lai jong asuhgam ahitai.
for she has thrown down many wounded. Yes, all her slain are a mighty army.
