Thuchihbu 4
1 Chapate, napauvin nahil chah nau ngai phauvin, giltah'a nahet them uva aphachom nasohdoh theina diuvin lunglut tah'in ngaijun.
| שמעו בנים מוסר אב והקשיבו לדעת בינה׃ |
2 Ajeh chu Keiman Dan phatah kapeh nahiuve. Hiche kathuhil chengse hi pelkeh hihbeh un.
| כי לקח טוב נתתי לכם תורתי אל תעזבו׃ |
3 Keima kapa dinga chapa khatseh kahin, kanu mitvet jenga jong ngailut umtah chapa changkhat kahi.
| כי בן הייתי לאבי רך ויחיד לפני אמי׃ |
4 Kapan hitin eina hil in, “Kathusei ho nalung in chensah jing in, ka thupeh jouse jong tuhdet jing in, hinna'a nanei ding ahi.
| וירני ויאמר לי יתמך דברי לבך שמר מצותי וחיה׃ |
5 Kakam sunga kon potdoh thuchang ho sumil hih in, dalha hih hel in, chule chihna kisan in giltah in hetna neijin.
| קנה חכמה קנה בינה אל תשכח ואל תט מאמרי פי׃ |
6 Chihna hi nungsun hih beh in, chihna hi ngaisang in, chutileh chihna hin nangma na umpi jing ding ahi.
| אל תעזבה ותשמרך אהבה ותצרך׃ |
7 Hitobanga hi chihna bulpi hung kipan ahi. Chihna mutei ding gon, namu chan chu giltah'a hetdoh ding ngaiton.
| ראשית חכמה קנה חכמה ובכל קנינך קנה בינה׃ |
8 Chihna hi mutheijin domsang in, chuteng chihna chu nangma domsanga pang ding ahi. Chihna hi natuh chah jing poule, chihna chun jabolna namusah ding ahi.
| סלסלה ותרוממך תכבדך כי תחבקנה׃ |
9 Chihna hi nalu-changa delkop phatah'a pang ding, Lal-lukhuh hoitah khuh tobang nahi ding ahi.”
| תתן לראשך לוית חן עטרת תפארת תמגנך׃ |
10 Kachapa kasei ngaijin lang, kathua nung in, chutileh na hinkho kijop sau thei ding ahi.
| שמע בני וקח אמרי וירבו לך שנות חיים׃ |
11 Keiman chihna lampi kahilsoh tan, chule chondihna lampi chengsea jong kapui tan ahi.
| בדרך חכמה הרתיך הדרכתיך במעגלי ישר׃ |
12 Nakal son-le teng jongleh nakipal lou ding, nalhai-le teng jongleh nakipal lhuh lou ding ahitai.
| בלכתך לא יצר צעדך ואם תרוץ לא תכשל׃ |
13 Ka thuhilna kisan in tuhchah jing in, hichu chingtup in, nang dinga hinna ahi.
| החזק במוסר אל תרף נצרה כי היא חייך׃ |
14 Milungthim phalou lam lhahna'a che dan, mipapse te lam lhahna'a jong vah-le hih in.
| בארח רשעים אל תבא ואל תאשר בדרך רעים׃ |
15 Hitobang lampia kon chun kihei mang in, vah-lut louvin jotpai jeng in.
| פרעהו אל תעבר בו שטה מעליו ועבור׃ |
16 Ajeh chu thilse bol masa louvin ajan choldo jipouvin, mikhat tou akipalsah kahseu-vin, mu jong a-imu theiji pouvin ahi.
| כי לא ישנו אם לא ירעו ונגזלה שנתם אם לא יכשולו׃ |
17 Amahon phatlouna ga-a bou akivah un, pumtho chang'a anatoh uchu judon banga adon jiu ahi.
| כי לחמו לחם רשע ויין חמסים ישתו׃ |
18 Mi chonpha ho lam lhahna vang chu jing ninou bang in asoh jin, sunlai nisa asat bang in, avah cheh cheh jin ahi.
| וארח צדיקים כאור נגה הולך ואור עד נכון היום׃ |
19 Amavang miphalou ho lam lhah chu muthim lah bang bep ahin, hoilaija kipal diu ham jong ahephaji pouvin ahi.
| דרך רשעים כאפלה לא ידעו במה יכשלו׃ |
20 Kachapa, kathuhil ho ngaiphan, kasei jouse lunglut tah'in ngaijin
| בני לדברי הקשיבה לאמרי הט אזנך׃ |
21 Hichengse hi namit mun mansah hih hel in, nalungthim sunga chensah jing tan.
| אל יליזו מעיניך שמרם בתוך לבבך׃ |
22 Ajeh chu hiche kimu chan chun hinna'a anei ding, atahsa jeng jong adamsah ding ahi.
| כי חיים הם למצאיהם ולכל בשרו מרפא׃ |
23 Khodah in limgeh chan um in, ajeh chu hinna gui hung konna asohjin ahi.
| מכל משמר נצר לבך כי ממנו תוצאות חיים׃ |
24 Thudihlou nasei pai lhan, thuchavei kihoulimna nanei jong dalha tan.
| הסר ממך עקשות פה ולזות שפתים הרחק ממך׃ |
25 Na mitte-nin ching geh in mive phan, namai changa nathilmu jeng jong adih hiding ahi.
| עיניך לנכח יביטו ועפעפיך יישרו נגדך׃ |
26 Nakeng phang tenia nachotna ding vephan, ajeh chu nalam lhahna jouse kicheh ding ahi.
| פלס מעגל רגלך וכל דרכיך יכנו׃ |
27 Jetle vei-a jong kiheile dan, thil dihlou lampia kon chun nakeng phang sepdoh in, kihei mang jeng tan.
| אל תט ימין ושמאול הסר רגלך מרע׃ |
