Thuchihbu 3
1 Kachapa kahilna ho sumil hih beh in, Kathupeh ho na lung sunga chen sah jing in,
My son, do not forget my teaching, but let your heart keep my commandments,
2 Hichengsea kon hin, nakum ajop sau thei ding, chule phatheina bukim nachan theina ding ahi.
for they will add to you length of days, years of life, and peace.
3 Itih chan hi jong leh kitah nale khotona nalha-kang lou ding, hiche teni hi na ngonga khivui oa naki o-ding, hichengse hi na lungthim sunga lekhajem banga naki-jih lut ding ahi.
Do not let kindness and truth forsake you. Bind them around your neck. Write them on the tablet of your heart.
4 Chuteng Elohim Pathen le mipi lungdei lam nahung hi thei ding, minphatna naki-lam doh thei ding ahi.
So you will find favor, and good understanding in the sight of God and man.
5 Nalungthim pumpin Yahweh Pakai bou tahsan in, nangma hetna jenga kisong hih in.
Trust in the LORD with all your heart, and do not lean on your own understanding.
6 Nalam lhah natin chenga Yahweh Pakai jeng naphondoh ding, chuteng Aman na lampi nakomu peh ding ahi.
In all your ways acknowledge him, and he will make your paths straight.
7 Nangma mitvet jenga kichang chihsah boldan, Yahweh Pakai ging pum-in thilse dalhan.
Do not be wise in your own eyes. Fear the LORD, and depart from evil.
8 Chutileh natahsa dinga damna hiding, chule nagu na chang dinga hatdohna hiding ahi.
It will be health to your body, and nourishment to your bones.
9 Nanei nagou chule ga masa jouse Yahweh Pakai jabol pum'in tohdoh in,
Honor the LORD with your substance, with the first fruits of all your increase;
10 Chutileh Aman nachang pang nasuh dimpeh a, nalengpi twi kholna jong aletset'a nasun dim peh ding ahi.
so your barns will be filled with plenty, and your vats will overflow with new wine.
11 Kachapa, Yahweh Pakai in nasuhgim nachu nahsah mon koi dan, chule Aman nasuh dihna chu lungnop mo peh hih in.
My son, do not despise the LORD’s discipline, neither be weary of his correction;
12 Ajeh chu Yahweh Pakai in asuhdih hohi angailut jeh ahin, mipan acha dihtah asuhdihji banga aphosalji ahi.
for whom the LORD loves, he corrects, even as a father reproves the son in whom he delights.
13 Chihna le hetthem theina kimu chu lungmonga kipah ding ahi.
Happy is the man who finds wisdom, the man who gets understanding.
14 Ajeh chu chihna kitihi dangka sanga phachomjo ahin, chule aga chu sana sanga jong phachomjo ahi.
For her good profit is better than getting silver, and her return is better than fine gold.
15 Chihna hi songmantam sanga mantamjo ahin, nangaichat thil ho jeng to jong tekah thei ahipoi.
She is more precious than rubies. None of the things you can desire are to be compared to her.
16 Hinkho sausah thei jong chihna hin akhut jet lam'a atuh chah ahin, haosatna le jabolna jeng jong akhutvei lam'a akituh chah ahi.
Length of days is in her right hand. In her left hand are riches and honor.
17 Chihna hin kipa thanop na lampia napui ding, alampi jouse chu lung chamna jeng ahibouve.
Her ways are ways of pleasantness. All her paths are peace.
18 Chihna kisanlut chan dinga hinna thingphung ahin, chihna tuh chah jing ho chu anunnom ahiuve.
She is a tree of life to those who lay hold of her. Happy is everyone who retains her.
19 Chihna mangchan Yahweh Pakai in vannoi leiset ana tungdoh in, thil hetthemna jal'a vanmun ho asem doh ahitai.
By wisdom the LORD founded the earth. By understanding, he established the heavens.
20 Ama thil hetkhenna jal'a komtong ho kisemdoh a, meilhang pumpi jong gotwi a julhaji ahi.
By his knowledge, the depths were broken up, and the skies drop down the dew.
21 Kachapa, chihna tothon, thil datkhenji dan them in, namit vet in hiche ho jouse hi pannabei sosah hih in.
My son, let them not depart from your eyes. Keep sound wisdom and discretion,
22 Ajeh chu hiche hohin nalhagao asuhnou jing a, nangong chang jenga jong khivui banga kijep thei ahi.
so they will be life to your soul, and grace for your neck.
23 Chuteng lungmonga nalam lhah le ding, nakeng jong kipal talou ding ahi.
Then you shall walk in your way securely. Your foot will not stumble.
24 Kichatna beihel'a jalkhun najot ding, na imut teng jong leh lungmong tah'a na-imut ding ahi.
When you lie down, you will not be afraid. Yes, you will lie down, and your sleep will be sweet.
25 Kiging man louva thiding kicha hihbeh in, migilou hoa kon manthahna hung lhung ding jong nagin louhel ding ahi.
Do not be afraid of sudden fear, neither of the desolation of the wicked, when it comes;
26 Ajeh chu Yahweh Pakai bou na kulpi ahin, Aman nakeng jeng jong thanga ao-sah louhel ding ahi.
for the LORD will be your confidence, and will keep your foot from being taken.
27 Nathahat laisen na kithopi thei chan ding in, thilpha nabol peh ding ahi.
Do not withhold good from those to whom it is due, when it is in the power of your hand to do it.
28 Naheng nakom jenga jong chen lang hung kilen, jing le nale peh nanga tin, hinlah neinasan bol hihbeh in.
Do not say to your neighbor, “Go, and come again; tomorrow I will give it to you,” when you have it by you.
29 Naheng nakom dounan thil gong hih beh in, ajeh chu amahon nakison piuva nakom'a cheng ahiuve.
Do not devise evil against your neighbor, since he dwells securely by you.
30 Nachunga thilse bol-lou chu ajehbei in kinahpi dan,
Do not strive with a man without cause, if he has done you no harm.
31 Chule pumthoa natong mihem chu thangsetpi hih in, alam lhahna tinchenga kon chu nakiven joh ding ahi.
Do not envy the man of violence. Choose none of his ways.
32 Hitobang milung dihlou chu Yahweh Pakai in athet ahin, milungtheng vang chu Yahweh Pakaija kingai jing ahi.
For the perverse is an abomination to the LORD, but his friendship is with the upright.
33 Yahweh Pakai in asapsetna chu miphalou ho inchunga alhung jin, mikitah ho chenna in chu Yahweh Pakai in phatthei aboh ding ahi.
The LORD’s curse is in the house of the wicked, but he blesses the habitation of the righteous.
34 Yahweh Pakai in minoise ho chunga noisena alhunsah jin, akineosahte chunga lunglhaina aneiyin ahi.
Surely he mocks the mockers, but he gives grace to the humble.
35 Miching chun mite a kon jana akimu ding, mingol ho vang muda chang diu ahitai.
The wise will inherit glory, but shame will be the promotion of fools.
