Thuchihbu 24
1 Miphalou ho umchan thangse hih in, chule hitobang miho chu kiloipi din jong ngaicha hih-in.
| אל תקנא באנשי רעה ואל תתאו להיות אתם׃ |
2 Ajeh chu alung thim un thilse jeng agong un, akamdung uva jou le nal jeng aseijun ahi.
| כי שד יהגה לבם ועמל שפתיהם תדברנה׃ |
3 Chihna jeh chun in akisadoh jin, chule hetkhen themna jal-a kitungdet ji ahi.
| בחכמה יבנה בית ובתבונה יתכונן׃ |
4 Hetkhen themna akon insung dann jousea, thil manlutah tah le; lung lhaina thilpha chom haona dimset-ji ahi.
| ובדעת חדרים ימלאו כל הון יקר ונעים׃ |
5 Miching chu mi thahat sang in ahat jon, hetna nei mi jong atha hatpa sang in ahat cheh jin ahi.
| גבר חכם בעוז ואיש דעת מאמץ כח׃ |
6 Ijeh-inem itileh lungthim thepna jal-a gal kisatji ahin, chule gal jona jong thumop them hoa kingam ahi.
| כי בתחבלות תעשה לך מלחמה ותשועה ברב יועץ׃ |
7 Chihna hi mingol ho din meiphah ahipon, thutanna kotpi mai lah'in jong seiding aneiji tapouve.
| ראמות לאויל חכמות בשער לא יפתח פיהו׃ |
8 Koi hileh thilse bol ding ngaito chan chu, jou le nal-a natongpa tia kikou ding ahi.
| מחשב להרע לו בעל מזמות יקראו׃ |
9 Mingol ho thilse gonhi chonset ahin, mi ahilou lam'a tot chaveipa jong mi jousen athet ahibouve.
| זמת אולת חטאת ותועבת לאדם לץ׃ |
10 Kidoupin nahin phah nikho teng jongleh lung lhadai hih in, ajeh chu lhahsamna'a nanei cheh ding ahibouve.
| התרפית ביום צרה צר כחכה׃ |
11 Thina lam jon-a kijot hokhu huhhing loijin, chule min athagamna dinga kipal-lhu ho jong huhdoh loijin.
| הצל לקחים למות ומטים להרג אם תחשוך׃ |
12 Nangman, “vetem in, keihon hiche hi kahe phapouve,” tin nasei in, Ama bouvin mihem lungthim akholchil-a ahet chin ji hilou ham? Nalhagao vea ching jing pan hitobang hi amelchih jing hilou ham? Aman mihem koi hileh atoh dungjui cheh-a lethuhna anei ding hilou ham?
| כי תאמר הן לא ידענו זה הלא תכן לבות הוא יבין ונצר נפשך הוא ידע והשיב לאדם כפעלו׃ |
13 Kachapa, khoiju hi don in atui lheh jeng e, khoi-phanga apat hung pot khoiju hi nele chun alhum'a lhum ahi.
| אכל בני דבש כי טוב ונפת מתוק על חכך׃ |
14 Chihna kiti hi nalhagao dinga hiche tobang chu ahi. Chule chihna hi namu jouva ahileh khonung dinga phachom tah ahi.
| כן דעה חכמה לנפשך אם מצאת ויש אחרית ותקותך לא תכרת׃ |
15 Miphalou bang in mikitah pa chu a-in pang dunga ga chang lhih hih in, mikitah pa in jong chomding gohih hel in.
| אל תארב רשע לנוה צדיק אל תשדד רבצו׃ |
16 Ijeh-inem itileh mikitah kiti hi vel sagi jen lhu jongleh, athoudoh thei jin, hinlah miphalou ho chunga hamsetna ahung lhun teng akhup athal in aleh jitai.
| כי שבע יפול צדיק וקם ורשעים יכשלו ברעה׃ |
17 Namelma akipal lhuh teng kipanan neihih hel in, aman kipal lhuhna ato khah jongleh kipa thanopna'a nanei lou ding ahi.
| בנפל אויביך אל תשמח ובכשלו אל יגל לבך׃ |
18 Ajeh chu Yahweh Pakai in hin mudoh leh, lunghanna'a anei loding ahi. Hijeh chun ama kon chun Yahweh Pakai lunghanna peldoh in.
| פן יראה יהוה ורע בעיניו והשיב מעליו אפו׃ |
19 Thilse bol ho jeh in nang le nang kisih hih in, chule achon chan-u jong thangsetpi dan.
| אל תתחר במרעים אל תקנא ברשעים׃ |
20 Ajeh chu miphalou ding in khonung thua kinepna abeiyin, chule migilou ho thaomei kimut mit peh tei ding ahi.
| כי לא תהיה אחרית לרע נר רשעים ידעך׃ |
21 Kachapa, Yahweh Pakai le lengpa ging in lang, Anitah lhon-a athua nanun ding ahi.
| ירא את יהוה בני ומלך עם שונים אל תתערב׃ |
22 Ajeh chu Amania kon hetman louva hamsetna hung lhung ding, Yahweh Pakai le lengpa'a kon hung lhung ding manthahna chu koiman ahe thei poi.
| כי פתאם יקום אידם ופיד שניהם מי יודע׃ |
23 Hicheho jouse jong hi miching ho thusei ahisoh keijin: Thutan-a langneina nei kiti jong hi thildih ahipoi.
| גם אלה לחכמים הכר פנים במשפט בל טוב׃ |
24 Migiloupa kom'a, “Nangman themmona nanei poi,” tia sei chu, mitin vaipi gaosap chang ding, namtin in athet ding ahi.
| אמר לרשע צדיק אתה יקבהו עמים יזעמוהו לאמים׃ |
25 Miphalou phohsal pa chu kipah thanom'a um ding, chule hitobang mi chunga chu phattheina lhung ding ahi.
| ולמוכיחים ינעם ועליהם תבוא ברכת טוב׃ |
26 Thu kitohdel-a donbutna chu kigolngai kibeng chop avetsah ahi.
| שפתים ישק משיב דברים נכחים׃ |
27 Polam'a natoh ding abonchan kigontoh in lang, chule lou laija natohna ding aboncha naki gonsoh keija; chujou tengleh na chenna ding in sapan tan.
| הכן בחוץ מלאכתך ועתדה בשדה לך אחר ובנית ביתך׃ |
28 Ajeh beijin naheng nakom dounan hettohsah in pang hih in, nakam sunga jouthu jong seitahih in.
| אל תהי עד חנם ברעך והפתית בשפתיך׃ |
29 Mi kom'a “Kachunga anatoh bang banga keiman jong achunga katoh ding ahi; chule anatoh bang banga kalethuh tei ding ahi,” tin jong seidan.
| אל תאמר כאשר עשה לי כן אעשה לו אשיב לאיש כפעלו׃ |
30 Keiman mithase khat loulai kahin jot pan, lungthimbei mikhat lengpilei kaho pan ahi.
| על שדה איש עצל עברתי ועל כרם אדם חסר לב׃ |
31 Hiche loulai chu apum chang in lingle khao akhul lha jeng in, atollham jenga jong ling adimset in, apal jong achimsoh tan ahi.
| והנה עלה כלו קמשנים כסו פניו חרלים וגדר אבניו נהרסה׃ |
32 Hichun keiman kaven kagel in, hichea kon hin kihilna khat kaki mudoh in ahi.
| ואחזה אנכי אשית לבי ראיתי לקחתי מוסר׃ |
33 Jalkhun a imut jengseh, kichol ding bouseh, chule khut teni umthim sah-a kichol ding kati tai.
| מעט שנות מעט תנומות מעט חבק ידים לשכב׃ |
34 Gucha le michom in mi abulhu banga vaichat nan nahin lhun den ding, nahin delkhumpa bang banga kel thoa um ding nahitai.
| ובא מתהלך רישך ומחסריך כאיש מגן׃ |
