Thuchihbu 20
1 Ju kiti hi nuijat le chatvei sosah ahin, khamna thei kiti jong hi kanah le baotamna jeng ahi. Khamna theija lop chu miching ahipoi.
酒能使人褻慢，濃酒使人喧嚷； 凡因酒錯誤的，就無智慧。
2 Lengpa lunghan kigin nahi keipi bahkai ngih tobang ahin, koi hileh lengpa phin lung hang chan chu ahinkhoa tijat umtah ahi.
王的威嚇如同獅子吼叫； 惹動他怒的，是自害己命。
3 Kinah baotamna'a kon kidalse ding hi mijabolna ahin, mingol kiti chu mitoh kina'a baotamji ahi.
遠離紛爭是人的尊榮； 愚妄人都愛爭鬧。
4 Koi hileh nipi laija natong nom lou chun, thaset jeh'a chang-at ding amujou lou ding ahi.
懶惰人因冬寒不肯耕種， 到收割的時候，他必討飯而無所得。
5 Mihem khat in alunggil'a angaito hi twi thuh tah tobang ahin, hinlah thil hetkhen themna nei mihem dingin; hitobang thuh tah chu twi thal'a athal ding ahi.
人心懷藏謀略，好像深水， 惟明哲人才能汲引出來。
6 Mihem tampin ama ama kitahna cheh aphon ding, hinlah mihem kitah mong koiyin amudoh tadem?
人多述說自己的仁慈， 但忠信人誰能遇着呢？
7 Hitobang mi chu lungthim dihtah'a lamlha pa ahin, anungjui-ah achapa te jeng jong phatthei chang ding ahi.
行為純正的義人， 他的子孫是有福的！
8 Athuthanna laltouna'a tou lengpan, ijakai amit tenin aven ase le apha atetoh jin ahi.
王坐在審判的位上， 以眼目驅散諸惡。
9 Mihem koiham, “Kalung thim kasutheng in; kachonsetna kon in katheng tai,” tia sei ngam ding?
誰能說，我潔淨了我的心， 我脫淨了我的罪？
10 Thil tena dihlou le thil tena kitoh lou chu, Yahweh Pakai dinga thet umtah ahi cheh lhon e.
兩樣的法碼，兩樣的升斗， 都為耶和華所憎惡。
11 Naosen jeng jong achaloh aum chan in, itobang mi ahi aphongdoh in; hijeh chun athilbol chu adih ham athenga ham ti aseidoh theijin ahi.
孩童的動作是清潔，是正直， 都顯明他的本性。
12 Kho jahna bikol hihen chule kho muna mit hijongleh, anitah'a Yahweh Pakai in asem ahi.
能聽的耳，能看的眼， 都是耶和華所造的。
13 Imut ding bou gel hih hel'in, ajeh chu vaichatnan nahin phah lo ding ahi; na mit teni hasah inlang vetan, chutileh an neh ding neng jeng junga nanei ding ahi.
不要貪睡，免致貧窮； 眼要睜開，你就吃飽。
14 Thilchoa pang pan, “Man bei ahibouve,” atin, hinlah ama chu ache mang teng hoitho nan adim jitai.
買物的說：不好，不好； 及至買去，他便自誇。
15 Chihna le hetna kamsunga kon thucheng hohi, sana le song mantam sang in aman tamjon ahi.
有金子和許多珍珠， 惟有知識的嘴乃為貴重的珍寶。
16 Hetkhah louhel mi kom'a thilman a kitungsa mipa chu, aponsil aboncha kichom peh a; chule hetphah louhel mite dinga hitobang mihem chu kiman jeng thei ahidem?
誰為生人作保，就拿誰的衣服； 誰為外人作保，誰就要承當。
17 Koitobang khat dingin changlhah kigua kine hi atui chomdan'in angaito in, hinlah phat chomkhat jouteng akamsunga song chang tobang adim jin ahi.
以虛謊而得的食物，人覺甘甜； 但後來，他的口必充滿塵沙。
18 Ki-thu mopto them na jeh'in thilgon ho alolhing thei jin, chingthei tah'a kilam kaina jeh'a galsat'a kikonji ahi.
計謀都憑籌算立定； 打仗要憑智謀。
19 Akam tam le seiding hol'a chun thuguh jouse aseidoh jin, hijeh chun ngol the thua thuseipa chutoh kivop hih in.
往來傳舌的，洩漏密事； 大張嘴的，不可與他結交。
20 Koi hileh anu le apa gaosap chan chu, muthim lah'a athao mei kimut mit peh tei ding ahi.
咒罵父母的，他的燈必滅， 變為漆黑的黑暗。
21 Apatna kino chenga kimuji nei le gou chu, achaina lam tengleh phattheina bei ding ahitai.
起初速得的產業， 終久卻不為福。
22 “Keiman thilse ka lethuh ding ahi,” tin jong seihih in; Yahweh Pakai ngah in chule Aman na kithopi tei ding ahi.
你不要說，我要以惡報惡； 要等候耶和華，他必拯救你。
23 Thil tena adihlouva kimangcha chu, Yahweh Pakai dinga dei-umlou tah ahi; chule thil asao le achom tena adihlou jong chu aphapoi.
兩樣的法碼為耶和華所憎惡； 詭詐的天平也為不善。
24 Yahweh Pakai thusah jal'a bou mihem in akal asonji ahin, achutileh mihem in amacham tah'a akalsonna ding iti ahetkhen thei ding ham?
人的腳步為耶和華所定； 人豈能明白自己的路呢？
25 Ama deidan tah a, “Hiche hi thil theng ahibouve,” tia sei chu; kipal lhuhna dinga thangkol kisong ahin, hiche hin Yahweh Pakaija kitepna le kigahna chu amin mai maija aphondoh ahi.
人冒失說，這是聖物， 許願之後才查問，就是自陷網羅。
26 Lengpa ching thei tah chun migilouho pum'a kijap bangin ajapdoh jin, achunga akol-in akipei lele sah jin ahi.
智慧的王簸散惡人， 用碌碡滾軋他們。
27 Mihem lhagao kiti hi Yahweh Pakai thaomei vah ahin, hijeh chun mihem lunggil hi ahesoh keijin ahi.
人的靈是耶和華的燈， 鑒察人的心腹。
28 Kitahna le tantih neilouva ngailutna chun lengpa ahinso ahin, Alaltouna jeng jong ngailutnan ahendet ahibouve.
王因仁慈和誠實得以保全他的國位， 也因仁慈立穩。
29 Gollhang ho loupina hi athahat jal-u ahin, tehse ho melhoina vang hi asam kan'u hi ahi.
強壯乃少年人的榮耀； 白髮為老年人的尊榮。
30 Thilse doudalna'a tahsa kijepna maha chu damdoi phatah ahin, hitobang kijepna chun mihem lung laigil geija asuhtheng ahi.
鞭傷除淨人的罪惡； 責打能入人的心腹。
