Thuchihbu 18
1 Mihem ama changseh kikhoh sahpa chu ama dei lam jeng-ah akisalal jin, thildih lam ki manchahna jouse adoudal jin ahi.
| לתאוה יבקש נפרד בכל תושיה יתגלע׃ |
2 Mingol in thil hetthem'a lunglhai ding kiti anahsah pon, ama lung ngaichat jeng bou akhoh sah-jin ahi.
| לא יחפץ כסיל בתבונה כי אם בהתגלות לבו׃ |
3 Phatlouna ahung um teng, thangset nan ahin jui in, kijatona abei teng kimudana aum paijin ahi.
| בבוא רשע בא גם בוז ועם קלון חרפה׃ |
4 Miching kamsunga kon hung potdoh thuchang hohi twithuh tobang ahin, chihna jong hi vadung tehliu'a twilong tobang ahi.
| מים עמקים דברי פי איש נחל נבע מקור חכמה׃ |
5 Miphalou maija langnei hi angaina ahipon, mikitah chungthu adih'a tan ding jong suh-noh phah lou ding ahi.
| שאת פני רשע לא טוב להטות צדיק במשפט׃ |
6 Mingol thucheng hin mitoh kinahna ason, akamchenga kon in mol akisei doh bep jitai.
| שפתי כסיל יבאו בריב ופיו למהלמות יקרא׃ |
7 Mingol kamcheng hi ama dinga amanthahna bep ahin, aleigui in ama le ama thangkol'a o-na ding akisemdoh bep ahi.
| פי כסיל מחתה לו ושפתיו מוקש נפשו׃ |
8 Aguh a thu poa pangpa thusei jihi, anneh tuitah tobang ahin, akamcheng sohdoh jouse jong mihem lungsunga alhalut paijin ahi.
| דברי נרגן כמתלהמים והם ירדו חדרי בטן׃ |
9 Atohna chunga mithase hi, mi manthah sahpa toh sopi ahi.
| גם מתרפה במלאכתו אח הוא לבעל משחית׃ |
10 Yahweh Pakai minhi kulpi nasatah tobang ahin, hijeh chun mikitah in abel-jin hoidohnan aneiye.
| מגדל עז שם יהוה בו ירוץ צדיק ונשגב׃ |
11 Mihaopa nei le gou chu ama din kulpi dettah tobang ahin, akihuh hingna dinga pal kikai bep bep ahi.
| הון עשיר קרית עזו וכחומה נשגבה במשכיתו׃ |
12 Mihem amanthah kon leh, kiletsah nan adim jin, koi hileh akineosa masa chan chu jabolna chang ding ahi.
| לפני שבר יגבה לב איש ולפני כבוד ענוה׃ |
13 Thil hetchet masanga donbut jeng chun, ngol-houi tah jumna ato tei ding ahi.
| משיב דבר בטרם ישמע אולת היא לו וכלמה׃ |
14 Mihem lhagao in dam-mona athoh jou in, hinlah lhagao adamlou teng thoh hahsa ding ahi.
| רוח איש יכלכל מחלהו ורוח נכאה מי ישאנה׃ |
15 Chihna lungthim neihon phat tin'in hetbe ding adei-jun, hijeh chun miching hon hetna mube ding ago jing un ahi.
| לב נבון יקנה דעת ואזן חכמים תבקש דעת׃ |
16 Mihem kiti hi athilpeh chun lampi agonpeh-ji ahin, hijeh chun milen milal henga jong apuilut jin ahi.
| מתן אדם ירחיב לו ולפני גדלים ינחנו׃ |
17 Mihem khat'in achung thu akikhol masah teng, adih in akimu nan, akihehpi dingpa ahung lhun'a akikhol chaisoh teng, achung thu kiseipan bep ahi.
| צדיק הראשון בריבו יבא רעהו וחקרו׃ |
18 Vang vetna kiti hin baotamna abeisah jin, akidou teni kah'a jong thutan in apang e.
| מדינים ישבית הגורל ובין עצומים יפריד׃ |
19 Sopi khat in asopi khat apanpi hi, kulpi dettah tobang ahin, hinlah kinahna aso teng khopi kelkot kikam chah kheh tobang ahi.
| אח נפשע מקרית עז ומדונים כבריח ארמון׃ |
20 Mihem in kamngai vang in an-neh ding akimun, koi hileh akamcheng tohga ne chan chu alungkim in ahi.
| מפרי פי איש תשבע בטנו תבואת שפתיו ישבע׃ |
21 Kampao le leiguia kon in thi le hin akingam in, koi hileh adihlou'a thusei chan chun atohga aneh tei ding ahi.
| מות וחיים ביד לשון ואהביה יאכל פריה׃ |
22 Pasal in numei ji-ding akimu teng, amapa chu anunnom ahin, ajeh chu Yahweh Pakaija kon lung lhaina chang ding ahitai.
| מצא אשה מצא טוב ויפק רצון מיהוה׃ |
23 Mivaichan khotona angaichat teng atao jin, hinlah mihao'in kiletsah to thon thu asei-jin ahi.
| תחנונים ידבר רש ועשיר יענה עזות׃ |
24 Gol le pai kiti hi apha-lhem manthahna thei jong aum in, hinlah gol le pai abang chu penpi tahbeh sopi sanga kinaipi jong aum in ahi.
| איש רעים להתרעע ויש אהב דבק מאח׃ |
