Thuchihbu 11
1 Thil adihlouva kite hi Yahweh Pakai in athet ahin, dihta a akilep-toa akite teng Yahweh Pakai ding in kipa aum-jie.
| מאזני מרמה תועבת יהוה ואבן שלמה רצונו |
2 Kiletsahnan ahin phah teng, muda nan ahin lhut paijin, milung neng ho ding in vang chihna aum jing e.
| בא-זדון ויבא קלון ואת-צנועים חכמה |
3 Mikitah ho kamkeh loubeh a aum jiu hi, amasang-diuva lamhil a pang ahin, jou le nal'a thuseija lungthim dihlou hin, ajona leh manthahna aso-sah jitauvin ahi.
| תמת ישרים תנחם וסלף בגדים ושדם (ישדם) |
4 Elohim Pathen lunghan niteng, nei le gou iman apang pon, dihna kiti hi thina dinmun a jong hoidohna a pang ahi.
| לא-יועיל הון ביום עברה וצדקה תציל ממות |
5 Chamdel a um mikitah chu alampi a-jang in, mikitahlou vang chu aphatlouna in alhup denji ahi.
| צדקת תמים תישר דרכו וברשעתו יפל רשע |
6 Mikitah te chu adihna in ahuhdoh jin, jou le nal a thuseina vang chun soh-a apanlo sah ahibouve.
| צדקת ישרים תצילם ובהות בגדים ילכדו |
7 Miphalou chu athiteng akinepna jong pannabei ahin, Elohim Pathen sumilte dinga kinepna jong pannabei ahi.
| במות אדם רשע תאבד תקוה ותוחלת אונים אבדה |
8 Mikitah chu gim le hesohna kon in akihuhdoh jin, miphalou vang chu gim le hesohna'a alhalut jitai.
| צדיק מצרה נחלץ ויבא רשע תחתיו |
9 Elohim Pathen sumil mi chun aheng akom manthana ding jeng asei jin, hinlah hetkhen na thahat nei jeh in mikitah te huhdoh in aum-jin ahi.
| בפה--חנף ישחת רעהו ובדעת צדיקים יחלצו |
10 Mikitah hon aphalam amano teng, khopi sunga mihemte akipah un, mikitah lou ho chunga manthahna alhun teng, mi akipah jin ahi.
| בטוב צדיקים תעלץ קריה ובאבד רשעים רנה |
11 Mikitah ho chunga phattheina jal in, khopi sung mite dopsang in aum un, hinlah mikitah lou ho thumot sei jeh'in khopi amangthah bep jin ahi.
| בברכת ישרים תרום קרת ובפי רשעים תהרס |
12 Aheng akom hebol lou-pa chu milungthim bei ahin, thil hetkhenna neipa vang chu thipbeh chan aum jin ahi.
| בז-לרעהו חסר-לב ואיש תבונות יחריש |
13 Muntinna thu seilepa chun thuguh jeng jong aseidoh jin, hinlah tahsan theitah mi vang chun thuguh kiti a-im jon ahi.
| הולך רכיל מגלה-סוד ונאמן-רוח מכסה דבר |
14 Kilamhilna aum louteng mipi kipal tei ding, guhthim cha kithuhilna achun bitna aum teijin ahi.
| באין תחבלות יפל-עם ותשועה ברב יועץ |
15 Hetlou miho batsah na dia athil tung chun atohga amu tei ding, thil tun ding deiloupa vang chu hoidoh tei ding ahi.
| רע-ירוע כי-ערב זר ושנא תקעים בוטח |
16 Mi ngailuthem numei chu jana chang tei ding, gitlouna vang chun noisena dimset akimu ding ahi.
| אשת-חן תתמך כבוד ועריצים יתמכו-עשר |
17 Mi ngailuthem chun phatchomna atoh doh ahin, mi kilose vang chun maha akilam doh-ji ahi.
| גמל נפשו איש חסד ועכר שארו אכזרי |
18 Miphalou in jou le nal in tohman amujin, mikitah vang chun muchi pha atun aga alou jitan ahi.
| רשע--עשה פעלת-שקר וזרע צדקה שכר אמת |
19 Thildih tuhchah a ngailu chun hinna anei tei ding, aphalou lam jenga chepa chu thi tei ding ahi.
| כן-צדקה לחיים ומרדף רעה למותו |
20 Alungthim a thildih lou puho Yahweh Pakai in athet in, achena lam lam'a chamdel'a umte chunga Yahweh Pakai akipah jing in ahi.
| תועבת יהוה עקשי-לב ורצונו תמימי דרך |
21 Hechen soh keijun, mi koihile engsetna nei chun talen amat ding, mikitah te vang huhdoh-a um tei diu ahi.
| יד ליד לא-ינקה רע וזרע צדיקים נמלט |
22 Limgeh a um lou numei kitihi vohpi nahko sunga sana chao kiba bep kheh ahi.
| נזם זהב באף חזיר-- אשה יפה וסרת טעם |
23 Mikitah ho dei le ngai chu, apha cha cha jeng ahin, mikitah lou ho kinepna vang chu lungsatna jeng ahibouve.
| תאות צדיקים אך-טוב תקות רשעים עברה |
24 Itcha louhel'a hongphal mi chu ahao cheh cheh jin, mihem koi hileh apeh ding kisan nunglah achu lhasam cheh cheh ding ahi.
| יש מפזר ונוסף עוד וחשך מישר אך-למחסור |
25 Mi hongphal chun anei be cheh cheh ding, mi dang dinga twi chap chan chu ama chunga jong kichap ding ahi.
| נפש-ברכה תדשן ומרוה גם-הוא יורא |
26 Chang hom-lou a koitup chah khehpa chu mipi sapset chang ding, hinlah kiphal tah'a chang homdohpa chunga vang phattheina lhung ding ahi.
| מנע בר יקבהו לאום וברכה לראש משביר |
27 Giltah'a thilpha ngaito pan, lungkimna aneiyin, thilpha lou jong chu aphaloupa chunga aga chu-jitan ahi.
| שחר טוב יבקש רצון ודרש רעה תבואנו |
28 Nei le gou'a kisongpa chu ahomkeuva um tei ding, mikitah te vang thingna banga nou jing diu ahi.
| בוטח בעשרו הוא יפול וכעלה צדיקים יפרחו |
29 Mi koi hileh a-insung vai hom tup lou chu huija leng le tobang bep ahin, chule mingol chun miching ho jenlea pang tei ding ahi.
| עכר ביתו ינחל-רוח ועבד אויל לחכם-לב |
30 Mikitah natoh chu hinna thingphung ga tobang asoh jin, pannabeija kichih sahna hin hinkho manthahna alhut jin ahi.
| פרי-צדיק עץ חיים ולקח נפשות חכם |
31 Leiset'a mikitah jeng bon akile thuh theileh, miphalou chunga ichan geija lhung ding hitam chule achonsete chunga ichan gei lhung ding hitam!
| הן צדיק בארץ ישלם אף כי-רשע וחוטא |
