Thuchihbu 1
1 Hiche hi Israel leng David chapa Solomon thuchih ho ahi.
| משלי שלמה בן-דוד-- מלך ישראל |
2 Hiche hi mihemten chihna le kigah chahna, thuchih kiseiho hi ipi kiseina ham, ti ahetdoh theina diu ahi.
| לדעת חכמה ומוסר להבין אמרי בינה |
3 Chule ahoi-apha adihlam'a kihilna kisan them'a adih le thudih agom'a kisanlut ding,
| לקחת מוסר השכל צדק ומשפט ומשרים |
4 Chuteng milham ho dinga lunglim-geh'a hinna, chule khangdong hon hetna le thil detkhen themna anei diu ahi.
| לתת לפתאים ערמה לנער דעת ומזמה |
5 Miching jeng jong khodah'a thepna alambe ding, hetkhenna nei mihem in jong kihilchahna alambe ding ahi.
| ישמע חכם ויוסף לקח ונבון תחבלות יקנה |
6 Hiche thuchih kiseiho le thil umdan hetthemna anei ding, miching hon thu asei teng, thulem aseidoh jouseu hettheina tha anei ding ahi.
| להבין משל ומליצה דברי חכמים וחידתם |
7 Yahweh Pakai ginna hi hetna dinga abulpi ahin, mingol hon vang chihna le hilchah nan asang thei poi.
| יראת יהוה ראשית דעת חכמה ומוסר אוילים בזו |
8 Kachapa, napan nahilna ngaijin lang, nanun nahilna jong sang teijin,
| שמע בני מוסר אביך ואל-תטש תורת אמך |
9 Ijeh inem itileh, amanin nahilna jouse khotona lallukhuh'a nakikhuh ding, chule jana na ngong changa khivui oa naki'o ding ahi.
| כי לוית חן הם לראשך וענקים לגרגרתך |
10 Kachapa michonseten jol lhah ding nago jong leu, athu'u nangai lou hel ding ahi.
| בני-- אם-יפתוך חטאים אל-תבא |
11 Amahon na henga ahin seidiu, “Hung'in cheu hitin mihem thadin ngah-ute; suhkhel neilou ho jong chu inop chabep uva ibol diuvin nga lhih tau hite.
| אם-יאמרו לכה אתנו נארבה לדם נצפנה לנקי חנם |
12 Ahing changa lhankhuh in aval lhum'a abah gam bang in, eihon jong ahing in bahgam-u hitin, thina kokhuh'a lhalutsa bang in, apum chang in val lhum gam tau hite. (Sheol h7585)
| נבלעם כשאול חיים ותמימים כיורדי בור (Sheol h7585) |
13 Chuteng thil thupi tahtah imu diu, mi thil lelo ichomdoh hou chu in dimset'a isit diu ahi.
| כל-הון יקר נמצא נמלא בתינו שלל |
14 Keiho kom'a chan hung neijin lang, sumdip kikhong in sum khol khom u-hite, tia ahinsei diu ahi.”
| גורלך תפיל בתוכנו כיס אחד יהיה לכלנו |
15 Hinlah kachapa, amaho toh kilhon khom hih hel'in, amaho lam lhahna akon chun kidalse jon,
| בני--אל-תלך בדרך אתם מנע רגלך מנתיבתם |
16 Ajeh chu amaho thilpha lou bolnan akeng-u ajangkhai in, gangtah in thisan aso jiuve.
| כי רגליהם לרע ירוצו וימהרו לשפך-דם |
17 Hijeh chun vachan ao nading thang kikam amu teng, pannabei asoh jitai.
| כי-חנם מזרה הרשת-- בעיני כל-בעל כנף |
18 Hitobang miho hin ama hole amaho thisan sodohna dinga midang achan lhih jiu ahin, amaho thina ding jenga bou mi achan jiu ahi.
| והם לדמם יארבו יצפנו לנפשתם |
19 Koi hileh hitobang pumtho changa ama phatchomna ding ngaito bang bep ahiuvin, thil lelo neipa ahivang in thina atoh jitan ahi.
| כן--ארחות כל-בצע בצע את-נפש בעליו יקח |
20 Chihna hin lamlen lah'a kho asamjin, japi lah jenga jong ogin kithong tah'in apeng jin ahi.
| חכמות בחוץ תרנה ברחבות תתן קולה |
21 Chihna hi lamlen dunga jong apeng jah jeng in, khopi kelkot mai'a jong thu aphong doh jin ahi.
| בראש המיות תקרא בפתחי שערים בעיר--אמריה תאמר |
22 “Vo mihemte, itih chanpi mihem mei meija hin ding nagot u-ham, anop nop'a paohon itih chanpi michunga nanop pao diu ham? Angol hon itih chanpi hetna nathet diu hitam?
| עד-מתי פתים-- תאהבו-פתי ולצים--לצון חמדו להם וכסילים ישנאו-דעת |
23 Kathumop nahi ngai phau vin, ajeh chu keiman nangho dinga kalunggel ngaito kasei ding, chuteng kathuseija kon chihna nalam doh diu ahi.
| תשובו לתוכחתי הנה אביעה לכם רוחי אודיעה דברי אתכם |
24 Ijeh inem itileh keiman nang ho kakou un, nang hon nei donbut deh pouve. Kakhut ban in kahin sang uvin, iman jong nagel deh pouvin ahi.
| יען קראתי ותמאנו נטיתי ידי ואין מקשיב |
25 Kahilna abonchan nadonse pouvin, kagihsal na jouse jong khatcha nadonse pouvin ahi.
| ותפרעו כל-עצתי ותוכחתי לא אביתם |
26 Hijeh chun hahsatna dinmun nalhun teng uleh kanuisat diu, manthah nan nalhun den tengu jong leh kanuisat ding nahiuve.
| גם-אני באידכם אשחק אלעג בבא פחדכם |
27 Huipi hattah banga manthahnan nahin lhun khum diu, chimpei banga hahsatna nahin to diu, chule gim le hesoh hoise tah in nalhun dendiu hijongleh ka khohsah louhel ding nahi tauve.
| בבא כשאוה (כשואה) פחדכם-- ואידכם כסופה יאתה בבא עליכם צרה וצוקה |
28 Hinlah amahon panpi ngaija eihin kou-diu, keiman kadonbut dehlou diu, gil tah'a eihol jing diu, ahin eihol doh jou deh lou diu ahi.
| אז יקראנני ולא אענה ישחרנני ולא ימצאנני |
29 Ajeh chu amahon hetna athet uvin, Yahweh Pakai gin ding jong alheng deh pouvin ahi.
| תחת כי-שנאו דעת ויראת יהוה לא בחרו |
30 Amahon kahilna asang pouvin, kagih salna jouse jong pannabei aso tauvin ahi.
| לא-אבו לעצתי נאצו כל-תוכחתי |
31 Chule amahon anop chabep uva atoh-gau aneh diu, thilpha lou angaito jouseu thao twi banga jol lha diu ahi.
| ויאכלו מפרי דרכם וממעצתיהם ישבעו |
32 Ajeh chu amahon lamdih jot louvin, milham ho chunga thina alhung lo jitan, lungthim beiho kiletsahna chu amaho manthahna asoh jin ahi.
| כי משובת פתים תהרגם ושלות כסילים תאבדם |
33 Koi hileh kasei phatah'a ngaija chun lungmonna anei ding, gin ding neiloua lungmong sel'a cheng jing ding ahi.”
| ושמע לי ישכן-בטח ושאנן מפחד רעה |
