Luke 3
1 Rome gamvaipo Tiberius vaipoh kal kum somlenga lhin kum ahitan, Pontus Pilate chu Judea gamvaipo ahin; Herod Antipas chu Galilee gam vaipo ahin; asopipa Philip chu Iturea le Traconitus gamsungsea vaipo ahin; Lysanias chu Abilene gam vaipo ahi.
现在是提庇留国王已执政的第十五年，本丢·彼拉多担任犹太总督，希律成为加利利的君王，他的兄弟腓力担任土利亚和特拉可尼地区的君王，吕撒尼亚则是亚比利尼的君王。
2 Annas le Caiaphas chu thempu chungnung anahilhone. Hiche phatlai hin Pathen a konin gamthip lah'a um, Zechariah chapa John hengah thu ahung lhungin ahi.
亚那和该亚法担任大祭司。撒迦利亚的儿子约翰在这段时间仍生活在荒野中，由于听到了上帝的讯息，
3 Chuin John chu amun amun'ah Jordan vadung pang langto gel'ah achen, mihon alungheiyu vetsahna a baptize achan nadiuvin thu ahil lhang len chule Pathen henga ngaidam chan nadia akilehei diuvin aseiye.
他跑遍了整个约旦地区，向所有人宣告：他们需要进行洗礼，证明他们已经悔改，他们的罪才能被宽恕。
4 Isaiah chun John chungchang thu anaseiyin hitin ati, “Ama hi gamthip'a khosam aw ahi, Pakai hungna ding alampi semtoh un! Ama dingin lampi sutheng un,
正如以赛亚先知所写：“在荒野中有一个声音在呼喊：‘预备主的道，修直他的路！
5 Phaicham lah kidip ding, chule molboh ho le thinglhang lah kinot cham ding akon ho kisujang ding, chule mun phol lah ho kisunam ding,
所有山谷都将填满，所有山峦丘陵都将成为平地！弯曲之路变得笔直，坑洼之地恢复平坦！
6 Chuteng leh mijousen amuding, huhhingna Pathen'a kon hung kisol chu,” ati.
所有人都将见到上帝的救赎。’”
7 Mihonpi chu John henga baptize chang dinga ahung uchun, aman hitin aseiye, “Nangho gulse son ho! Koiham Pathen lunghan na hunglhung dinga kon jamdoh dinga nagihsal uvah?
面对前来接受施洗的民众，约翰问到：“你们是毒蛇之子，谁允许你们逃离即将到来的审判？
8 Chonset'a kon lung naheiyule Pathen lam a nakile'u chu nahin dan uva konin tahlang'un. Nanghon khat le khat komah, ‘Bitna kanei nauve, ajehchu Abraham son kahiuve’ tin moh sei hih un. Hichu imacha ahipoi, ajehchu kaseipeh nahiuve, Pathen in hiche song hoa kona jong Abraham son le pah asemdoh thei ahi.
你们要拿出行动，证明真心悔改。不要心中暗自产生傲慢的想法：‘我们是亚伯拉罕的后代。’告诉你们，上帝用这些石头就可以创造亚伯拉罕的后裔。
9 Tu jenga jong Pathen thutanna heicha gottupsa, thingphung ajungho tutan dinga phasadem'a um ahitai. Henge, thingphung aga phalou jouse chu phuhlhuh'a uma meilah'a selut hiding ahi.” ati.
砍下树根的斧子已经准备好，所有结不出好果子的树，都会被砍倒丢入火中。”
10 Mihonpi chun adong'un, “Ipi kabol diu hitam?” atiuve.
民众问他：“那么我们该做什么呢？”
11 John in adonbut in, “Sangkhol ni neiyin, khat chu avaicha ho peuvin. An neh ding neiyin agilkel te jong hoppeh in,” ati.
他回答：“如果你有两件衣服，就要分给没有衣服之人。如果你有食物，就要分给没有食物之人。”
12 Lepthol'a natong kaidong ho jong baptize chang din ahung un chule adong'un, “Houhil, ipi kaboldiu hitam?” atiuve.
有税吏前来受洗，问他：“老师，我们该做些什么？”
13 Aman adonbut in, “Gamsung kivaipohna in angeh kalval in kai dong hih'un,” atipeh'e.
他说：“不可收取超过规定的税款。”
14 “Ipi kabol diu hitam” tin sepai phabep khat in jong ahung dongun ahi. John in adonbut in, “Alamlouvin sum kilah hih'un ahiloule adihlouvin mi hehset bol hih'un, chule na losan'a chun lung lhaiyun,” ati.
士兵也问他：“我们呢，我们又该怎么做？”他回答：“不要恐吓，不要敲诈，不要做出不实指控，要对自己的酬劳感到满意。”
15 Mijousen Messiah chu hungvah dinga aginchat cheh u anahin, chule John chu Messiah chu hingap hitam ti ahetnom ten'un ahi.
众人充满期盼地等待着，心里暗自猜测，约翰会不会就是基督。
16 John in athudoh uchu adonbut in hitin aseiye: “Keiman nangho twiya baptize kachansah nahiuvin, hinlah keima sanga lenjo khat ahunge–nasatah a lenjo ahidan chu keima asoh hiding le akengchot khao sutlham dingin jong kalhing joupon ahi. Amachun nangho Lhagao Theng le meiya baptize nachan sah ding'u ahi.
约翰回答了众人的问题。他解释道：“是的，我是用水为你们施洗。但在我之后，还会出现一位能力比我更强大之人，我甚至连给他提鞋的资格都没有，他将用圣灵和火为你们施洗。
17 Ama phol jap-ngimna mangcha a changsi le atah lhehkhen dinga phasadem'a um ahitai. Chuteng aman changchilna phol asuhthenga changtah chengse chu achangsal'a asun'a asi ho vang chu mit theilou meilhum sunga aselut ding ahi,” ati.
他手里拿着谷叉，准备把打谷场的麦子和谷壳分开。然后把麦子放入他的谷仓，再用不灭之火把谷壳烧尽。”
18 John chun kipana thupha miho koma aseiphong na achun chutobang gihsalna kamcheng jong amangchan ahi.
他在向众人传播福音之时，还提出了很多这样的警告。
19 John in jong lhangphong tah in Galilee gam vaihompa, Herod Antipas chu, Herodius, asopipa jinu, akichenpi jeh le athilse bol adang tamtah jeh chun demna aneiyin ahi.
君王希律因为娶了弟媳希罗底，加之曾做过的其他恶行，因此受到了约翰的谴责。
20 Hijeh chun Herod in John chu songkul'ah akhum'in, achonsetna dangtoh hiche hi akibelap tan ahi.
希律将这些所谓罪行累计起来，将约翰关进了监牢。
21 Nikhat mihonpi chu baptize achan laiyun, Yeshua amatah jong baptize achangin ahi. Ama atao leh vanho ahung kihongin,
但在此前，众人已受洗，耶稣也受了洗。耶稣在祷告的时候，天空忽然打开，
22 chule Lhagao Theng, tahsa lim pu'in van vakhu bangin ahung kumsuh in achunga chun achu'e. Van'a kon chun aw khat'in hitin ahinseiye, “Nangma kangailut tah kachapa nahi, chule kipana lentah neihin pohpeh'e,” ati.
他看见圣灵如鸽子般降落在他身上。有声音从天上来，说：“这是我所爱之子，他让我感到喜悦。”
23 Yeshua chu kum somthum alhingtai, aman japi lah'a natoh ahinpat chun. Yeshua chu Joseph chapa tin akihen ahi. Joseph chu Heli chapa ahi.
耶稣在 30 岁左右开始其服事，人们都知道他是约瑟之子，约瑟是希里之子，
24 Heli chu Matthat chapa ahi. Matthat chu Levi chapa ahi. Levi chu Melki chapa ahi. Melki chu Jannai chapa ahi. Jannai chu Joseph chapa ahi.
他的家谱依次往上推，父辈分别为玛塔、利未、麦基、雅拿、约瑟、
25 Joseph chu Mattathias chapa ahi. Mattathias chu Amos chapa ahi. Amos chu Nahum chapa ahi. Nahum chu Esli chapa ahi. Esli chu Naggai chapa ahi.
玛他提亚、亚摩斯、拿鸿、以斯利、拿该、
26 Naggai chu Maath chapa ahi. Maath chu Mattathias chapa ahi. Mattathias chu Semein chapa ahi. Semein chu Josech chapa ahi. Josech chu Joda chapa ahi.
玛押、玛他提亚、西美、约瑟、约大、
27 Joda chu Joanan chapa ahi. Joanan chu Rhesa chapa ahi. Rhesa chu Zerubbabel chapa ahi. Zerubbabel chu Shealtiel chapa ahi. Shealtiel chu Neri chapa ahi.
约哈难、利撒、所罗巴伯、撒拉铁、尼利、
28 Neri chu Melki chapa ahi. Melki chu Addi chapa ahi. Addi chu Cosam chapa ahi. Cosam chu Elmadam chapa ahi. Elmadam chu Er chapa ahi.
麦基、亚底、哥桑、以摩当、珥、
29 Er chu Joshua chapa ahi. Joshua chu Eliezar chapa ahi. Eliezar chu Jorim chapa ahi. Jorim chu Matthat chapa ahi. Matthat chu Levi chapa ahi.
耶书、以利以谢、约令、玛塔、利未、
30 Levi chu Simeon chapa ahi. Simeon chu Judah chapa ahi. Judah chu Joseph chapa ahi. Joseph chu Jonam chapa ahi. Jonam chu Eliakim chapa ahi.
西缅、犹大、约瑟、约南、以利亚敬、
31 Eliakim chu Melea chapa ahi. Melea chu Menna chapa ahi. Menna chu Mattatha chapa ahi. Mattatha chu Nathan chapa ahi. Nathan chu David chapa ahi.
米利亚、买拿、马达他、拿单、大卫、
32 David chu Jesse chapa ahi. Jesse chu Obed chapa ahi. Obed chu Boaz chapa ahi. Boaz chu Salmon chapa ahi. Salmon chu Nahshon chapa ahi.
耶西、俄备得、波阿斯、撒门、拿顺、
33 Nahshon chu Aminnadab chapa ahi. Aminnadab chu Admin chapa ahi. Admin chu Arni chapa ahi. Arni chu Hezron chapa ahi. Hezron chu Perez chapa ahi. Perez chu Judah chapa ahi.
亚米拿达、亚兰、希斯仑、法勒斯、犹大、
34 Judah chu Jacob chapa ahi. Jacob chu Isaac chapa ahi. Isaac chu Abraham chapa ahi. Abraham chu Terah chapa ahi. Terah chu Nahor chapa ahi.
雅各、以撒、亚伯拉罕、他拉、拿鹤、
35 Nahor chu Serug chapa ahi. Serug chu Reu chapa ahi. Reu chu Peleg chapa ahi. Peleg chu Eber chapa ahi. Eber chu Shelah chapa ahi.
西鹿、拉吴、法勒、希伯、沙拉、
36 Shelah chu Cainan chapa ahi. Cainan chu Arphaxad chapa ahi. Arphaxad chu Shem chapa ahi. Shem chu Noah chapa ahi. Noah chu Lamech chapa ahi.
该南、亚法撒、闪、挪亚、拉麦、
37 Lamech chu Methuselah chapa ahi. Methuselah chu Enoch chapa ahi. Enoch chu Jared chapa ahi. Jared chu Mahalalel chapa ahi Mahalalel chu Kenan chapa ahi.
玛土撒拉、以诺、雅列、玛勒列、该南、
38 Kenan chu Enosh chapa ahi. Enosh chu seth chapa ahi. Seth chu Adam chapa ahi. Adam chu Pathen chapa ahi.
以挪士、塞特以及上帝之子亚当。
