Job 41
1 Ngakoija Leviathan namat thei ding ham? Ahiloule aha a khaokol nabu peh thei ding ham?
| תמשך לויתן בחכה ובחבל תשקיע לשנו |
2 Anahhom sunga khao nathil lut theija, ahiloule akhalhang thihhem a nasut vang thei ding ham?
| התשים אגמן באפו ובחוח תקב לחיו |
3 Nakhoto ding ngeh na a, hung taova ahiloule nalainat pi dinga hung tao tuntun nam?
| הירבה אליך תחנונים אם-ידבר אליך רכות |
4 Ahinkho a nasoh a panga nanatong dinga nanop peh ding hinam?
| היכרת ברית עמך תקחנו לעבד עולם |
5 Nangin hiche khu vacha banga nangailut bol thei hiya, ahiloule nachapang neunu kichepna dinga napeh thei ding ham?
| התשחק-בו כצפור ותקשרנו לנערותיך |
6 Kivei mihon athiljoh nau mun ho a joh dinga ahung kichoh diu hinam?
| יכרו עליו חברים יחצוהו בין כנענים |
7 Avun khu tengcha a nasut khah theija, ahiloule aluchang ngathal a nakap khah thei ding ham?
| התמלא בשכות עורו ובצלצל דגים ראשו |
8 Achunga nakhut ngam in lang hile chun kidounan ahin jui ding khu geldoh in natin, avel a nabol patep kit lou hel ding ahitai.
| שים-עליו כפך זכר מלחמה אל-תוסף |
9 Ahipoi hiche mat ding got chu phatchomna bei ahin, sadel hatpa thiltup jong chu kisuhnem peh ding ahi.
| הן-תחלתו נכזבה הגם אל-מראיו יטל |
10 Chuleh a itih a koima chan asuhnoh phah ngamlou ahin, koiham kamasanga ding ngam ding chu.
| לא-אכזר כי יעורנו ומי הוא לפני יתיצב |
11 Kangaichat pet tah a kalepeh kit ding thil eipe chu koi ham? Vannoija thil umjouse hi keija ahi.
| מי הקדימני ואשלם תחת כל-השמים לי-הוא |
12 Leviathan tibah ho hoidan chuleh athahat oupe dan chule agongso hoidan ho kasei nomme.
| לא- (לו-) אחריש בדיו ודבר-גבורות וחין ערכו |
13 Avun khu kon alahdoh peh theija chule athoa um agalvon khu kon amulet pai thei ding ham?
| מי-גלה פני לבושו בכפל רסנו מי יבוא |
14 Akhalhang khu kon akal keh a ahondoh ding ham? Ajeh chu aha khu tijat jat um behseh jeng ahi.
| דלתי פניו מי פתח סביבות שניו אימה |
15 Alip ho chu pho banga agol gol a detchet a mahor kinam banga thakhat'a kinam detchet ahi.
| גאוה אפיקי מגנים סגור חותם צר |
16 Kimatchet a umkhom ahijeh chun akah a hui jangkhat cha jong alut theipoi.
| אחד באחד יגשו ורוח לא-יבא ביניהם |
17 Alip khat chu aban'a alip chunga hub eh detchet a, khat leh khat kikam toa kimulet pai theilou ahi.
| איש-באחיהו ידבקו יתלכדו ולא יתפרדו |
18 Anah akhon tengle avahlap lap jengin, amitchang teni jong jingkah nichangsat pet toh abange.
| עטישתיו תהל אור ועיניו כעפעפי-שחר |
19 Akamsunga konin meisi apahlah lah jin, meikou ahung vahdoh ji'e.
| מפיו לפידים יהלכו כידודי אש יתמלטו |
20 Meichunga twibel kisonga, twihu pot bangin anahhomma konin meikhu ahung kitung doh ji'e.
| מנחיריו יצא עשן-- כדוד נפוח ואגמן |
21 Akamsunga konna meikou alendoh ji jeh chun, ahai husa chun meihol ahal kou jeng jin ahi.
| נפשו גחלים תלהט ולהב מפיו יצא |
22 Leviathan ngongchang thahatna chun chene jouse a kichat tijatna asosah e.
| בצוארו ילין עז ולפניו תדוץ דאבה |
23 Aphe ho chu atah in chuleh adetchet in, akimulet thei poi.
| מפלי בשרו דבקו יצוק עליו בל-ימוט |
24 Alungchang chu song bangin atah in sumhei song bangin atah e.
| לבו יצוק כמו-אבן ויצוק כפלח תחתית |
25 Ahung kithodoh tengle thahat chungnung ho akicha jiuvin, kichat tijatnan amanchah kheh jin ahi.
| משתו יגורו אלים משברים יתחטאו |
26 Chemjam, tengcha, thalchang ahiloule tengcha neoho khat chan asutang joupoi.
| משיגהו חרב בלי תקום חנית מסע ושריה |
27 Thih jong imacha ahisah poi. Hiche thilsem ding hin changpol tobangbep bou ahin, chuleh sum-eng jong thing motsa tobangbep ahi.
| יחשב לתבן ברזל לעץ רקבון נחושה |
28 Thalchang in adeljam joupon, song aboma kisep jong chu hampan ajepkhah abang bep e.
| לא-יבריחנו בן-קשת לקש נהפכו-לו אבני-קלע |
29 Akivoh ho jong chu ham donthah toh abahsah in chule tengcha neu euvel vul hung leng jong chu anuisat bep e.
| כקש נחשבו תותח וישחק לרעש כידון |
30 A oipoh chu haihal hemtah tobang alip in atom in ama chena nung chu loukai nang pan lou akainangna nung abahsah ji'e.
| תחתיו חדודי חרש ירפד חרוץ עלי-טיט |
31 Leviathan chun twi lah'a aum tengle twi chu belphul abahsah ji'e. Twikhanglen tojong thao kiloijol abahsah jin ahi.
| ירתיח כסיר מצולה ים ישים כמרקחה |
32 Twi lah'a ache tengle twi kinong ho chu aval lah lah jin, gah vet ding'in twikhanglen chu akang in akilang ji'e.
| אחריו יאיר נתיב יחשב תהום לשיבה |
33 Leiset chunga ama kibahpi aumpon, ama tobanga kichat neilou thilsem ganhing dang aumpoi.
| אין-על-עפר משלו העשו לבלי-חת |
34 Thilsem ganhing jouse lah a akiletsah pen ahin, amahi ganhing jouse leng ahi.
| את-כל-גבה יראה הוא מלך על-כל-בני-שחץ |
