Job 35
1 Hichun Elihun aseijin:
Moreover Elihu answered,
2 Pathen masanga keima hi chonpha kahi tia sei ding hi dih nakisah ham?
“Do you think this to be your right, or do you say, ‘My righteousness is more than God’s,’
3 Ijeh inem itile, chonphatna a hinkho aman hi ipi phatchomna kaneijem? Keija dinga phachom ipi um'em? tinjong nasei ji'e.
that you ask, ‘What advantage will it be to you? What profit will I have, more than if I had sinned?’
4 Ken nadonbut ing ting chuleh naloi nagolho jousen jong na donbut uhen.
I will answer you, and your companions with you.
5 Van thamjol khu ven lang, chule nachung langa meilhang ho khu ven.
Look to the skies, and see. See the skies, which are higher than you.
6 Chonset bol ta le chun Pathen ichan geijin asuna dem? Avel vel in chonse ta le chun ama lungthim ichan gei asukha dem?
If you have sinned, what effect do you have against him? If your transgressions are multiplied, what do you do to him?
7 Chonphat bol hile chun ama a dinga thilpeh loupi khat ahidem? Ama chu ipi nape tadem?
If you are righteous, what do you give him? Or what does he receive from your hand?
8 Ahipoi nang chonset chun nangma tobang mihem ho chun adoulel ahin, chule nathilpha bol jong chun mihem mama aphatchom pi sah ahi.
Your wickedness may hurt a man as you are, and your righteousness may profit a son of man.
9 Mihem techu bol gentheija aum teng ule apeng jah jeng jiuvin, mithahat thaneina noija chun apeng peng jiuve.
“By reason of the multitude of oppressions they cry out. They cry for help by reason of the arm of the mighty.
10 Jan laileh la a hin saji pa eisempau Pathen chun hoiya umham ti jeng jong nadong kha pouve.
But no one says, ‘Where is God my Maker, who gives songs in the night,
11 Ganchate sanga hoijo a eisem pau leh chunga leng vachate sanga chingjo a eisem pau chu hoiya umham?
who teaches us more than the animals of the earth, and makes us wiser than the birds of the sky?’
12 Chule mihemte chu akiletsah jeh uvin aka teng uleh Pathen in adonbut jipoi.
There they cry, but no one answers, because of the pride of evil men.
13 Ahinlah Pathen in ajah peh pouvin hatchungnung pa chun ngaisah in aneipoi tia seiding chu dihlou ahi.
Surely God will not hear an empty cry, neither will the Almighty regard it.
14 Nangin kamu theipoi tin naseije, ahinlah nanga hat le bou thudih chu hungdoh ding ahi.
How much less when you say you don’t see him. The cause is before him, and you wait for him!
15 Nangin michonse ho chu lunghang in alethuhpoi natin chule migiloute ngaisah in aneipoi tin naseije.
But now, because he has not visited in his anger, neither does he greatly regard arrogance,
16 Ahinlah Job nangin thu homkeu jeng naseiyin, mingol khat bangin thu naseije.
therefore Job opens his mouth with empty talk, and he multiplies words without knowledge.”
