Job 35
1 Hichun Elihun aseijin:
Elihu spake moreover, and said,
2 Pathen masanga keima hi chonpha kahi tia sei ding hi dih nakisah ham?
Thinkest thou this to be right, that thou saidst, My righteousness is more than God’s?
3 Ijeh inem itile, chonphatna a hinkho aman hi ipi phatchomna kaneijem? Keija dinga phachom ipi um'em? tinjong nasei ji'e.
For thou saidst, What advantage will it be unto thee? and, What profit shall I have, if I be cleansed from my sin?
4 Ken nadonbut ing ting chuleh naloi nagolho jousen jong na donbut uhen.
I will answer thee, and thy companions with thee.
5 Van thamjol khu ven lang, chule nachung langa meilhang ho khu ven.
Look unto the heavens, and see; and behold the clouds which are higher than thou.
6 Chonset bol ta le chun Pathen ichan geijin asuna dem? Avel vel in chonse ta le chun ama lungthim ichan gei asukha dem?
If thou sinnest, what doest thou against him? or if thy transgressions be multiplied, what doest thou unto him?
7 Chonphat bol hile chun ama a dinga thilpeh loupi khat ahidem? Ama chu ipi nape tadem?
If thou be righteous, what givest thou him? or what receiveth he of thine hand?
8 Ahipoi nang chonset chun nangma tobang mihem ho chun adoulel ahin, chule nathilpha bol jong chun mihem mama aphatchom pi sah ahi.
Thy wickedness may hurt a man as thou art; and thy righteousness may profit the son of man.
9 Mihem techu bol gentheija aum teng ule apeng jah jeng jiuvin, mithahat thaneina noija chun apeng peng jiuve.
By reason of the multitude of oppressions they make the oppressed to cry: they cry out by reason of the arm of the mighty.
10 Jan laileh la a hin saji pa eisempau Pathen chun hoiya umham ti jeng jong nadong kha pouve.
But none saith, Where is God my maker, who giveth songs in the night;
11 Ganchate sanga hoijo a eisem pau leh chunga leng vachate sanga chingjo a eisem pau chu hoiya umham?
Who teacheth us more than the beasts of the earth, and maketh us wiser than the fowls of heaven?
12 Chule mihemte chu akiletsah jeh uvin aka teng uleh Pathen in adonbut jipoi.
There they cry, but none giveth answer, because of the pride of evil men.
13 Ahinlah Pathen in ajah peh pouvin hatchungnung pa chun ngaisah in aneipoi tia seiding chu dihlou ahi.
Surely God will not hear vanity, neither will the Almighty regard it.
14 Nangin kamu theipoi tin naseije, ahinlah nanga hat le bou thudih chu hungdoh ding ahi.
Although thou sayest thou shalt not see him, yet judgment is before him; therefore trust thou in him.
15 Nangin michonse ho chu lunghang in alethuhpoi natin chule migiloute ngaisah in aneipoi tin naseije.
But now, because it is not so, he hath visited in his anger; yet he knoweth it not in great extremity:
16 Ahinlah Job nangin thu homkeu jeng naseiyin, mingol khat bangin thu naseije.
Therefore doth Job open his mouth in vain; he multiplieth words without knowledge.
