Job 10
1 Kahinkho hi kahechen tai, lhangphong tah in kiphin inge, kahin gentheina jeh a hi kiphin ding ahi.
My soul is weary of my life; I will leave my complaint on myself; I will speak in the bitterness of my soul.
2 Pathen koma ima hilouvin nei themmo sah hih in kati ding ahi. Keidouna mona eihin lhut khum peh ding chu nei seipeh in.
I will say to God, Do not condemn me; show me why you contend with me.
3 Kei nei suhgenthei na chu ipi phatchomna naneijem? Nakhut monga nasemsa keihi ibola nei paidoh ham? Migilou thilgon chunga meheuva naumpet nahi.
Is it good to you that you should oppress, that you should despise the work of your hands, and shine on the counsel of the wicked?
4 Namit teni hi mihemte mit tobang hija, mihem hon amuthei hou bou hi namu thei ham?
Have you eyes of flesh? or see you as man sees?
5 Nahinkho hi mihem hinkho chanbep bou saova ham? Nahinkho hi chomlheh jenga ham?
Are your days as the days of man? are your years as man’s days,
6 Hijeh chun kathemmo naho kintah in neikhol chil peh in lang chule kachonsetna nahol hol jeng ding ham?
That you enquire after my iniquity, and search after my sin?
7 Themmona bei kahi nahet jeng vang'in nakhut teni a konin koiman eihuhdoh jou ponte.
You know that I am not wicked; and there is none that can deliver out of your hand.
8 Nakhut tenia neigonna neisem ahijeng vang'in tun nei sumang hel tai.
Your hands have made me and fashioned me together round about; yet you do destroy me.
9 Leivuija konna neisem ahi, neigeldoh in lang, leivui nei nungso sah loi kit ding ham?
Remember, I beseech you, that you have made me as the clay; and will you bring me into dust again?
10 Nangin kathilgon hoa neipui hoijin, chule naobu a neigong in ahi.
Have you not poured me out as milk, and curdled me like cheese?
11 Katahsa leh kavunin neitomin, kagu le kachang ho neijop mat peh in,
You have clothed me with skin and flesh, and have fenced me with bones and sinews.
12 Nangin hinkho neipen chule nangailutna thonlou neimu sah in; ame hoidamna noija kahinkho neihoitup peh e.
You have granted me life and favor, and your visitation has preserved my spirit.
13 Ahijeng vang'in nachaloh dan adih tah, nathilgon dihtah ho,
And these things have you hid in your heart: I know that this is with you.
14 Nangin neivet lhih jinga chule kachonsetna ahileh kachonsetna chu nei ngaidam pon nate.
If I sin, then you mark me, and you will not acquit me from my iniquity.
15 Kachonset khah a ahileh keija dinga phamo lheh jeng ahin, chule nolna bei hijeng jong leng kalu kadomsang theipoi. Ajeh chu jachatna leh gentheinan eikidip letset e.
If I be wicked, woe to me; and if I be righteous, yet will I not lift up my head. I am full of confusion; therefore see you my affliction;
16 Ijem tin kalu domsang taleng, nangin keipi bahkai sadel bangin neidellin natin, keidouna a kichat tijat naumna nathanei nachuneimu sah bep ding ahi.
For it increases. You hunt me as a fierce lion: and again you show yourself marvelous on me.
17 Kei douna a nanatoh chu avel vellin nahet tohsah jin, nalung hanna khang toujing chun kachunga neisun khumin chule kei dou dingin sepai hon thah thah nahin puilut ji'e.
You renew your witnesses against me, and increase your indignation on me; changes and war are against me.
18 Chuti chu ahileh ipi dinga kanu naobua konna nei lahdoh ham? Kapenna chu ipi dinga nei thiden sah lou ham?
Why then have you brought me forth out of the womb? Oh that I had given up the ghost, and no eye had seen me!
19 Chutile ahung peng khalou hel kabah a naobua konna jangkeija lhahkhuh anache tadinga,
I should have been as though I had not been; I should have been carried from the womb to the grave.
20 Keiman nikho lhomcha bou kanei ahitan hijeh chun kachangin nei dalha tan phat chomcha khat beh nopsahna phat kanei nadingin,
Are not my days few? cease then, and let me alone, that I may take comfort a little,
21 Kile kit lou dinga kadalhah a khojin le muthim lhangkhal kiheh nagam kajot masangin,
Before I go from where I shall not return, even to the land of darkness and the shadow of death;
22 Jan khangkim lai banga khojin nagam muthim leh nohphah nagam, khovah jeng jong jan khang kim lai khojin toh abah nagam chu!
A land of darkness, as darkness itself; and of the shadow of death, without any order, and where the light is as darkness.
