Jeremiah 25
1 Judah lengpa Josiah chapa Jehoiakim lengchan kal kumli lhin kum in, Pakaiyin Jeremiah heng’a, Judah mite jouse dingin thu ahinseiye. Hiche kum chu, Babylon lengpa Nebuchadnezzar lengchan kipat kum ahi.
猶大王約史雅的兒子約雅金執政第四年， 巴比倫王拿步高元年，有關於全猶大人民的話，傳給耶肋米亞；
2 Hichu Jeremiah themgao pan jong Judah mite leh Jerusalem mite jouse heng’a aseitai.
耶肋米亞先知便將這話轉告給全猶大人民，和耶路撒冷所有的居民說：「
3 Judah lengpa Amon chapa Josiah lengchan kal kum som le thum lhin’a pat tuni geiyin, kum somni le thum sungin, Pakaiyin kaheng a thu ahin seijing in ahi. Keiman hiche thuho chu, tanglou hel in nangho heng’a kaseison jing in, ahivangin nanghon ngaikhohna naneideh pouve.
自猶大王阿孟的兒子約史雅執政第十三魁，直到今日，已經二十三年，凡上主傳給我的話，我都急速告訴了你們，你們卻不聽。
4 Pakaiyin avel vel in, alhacha themgao ho naheng uva ahinsol jing in, ahivangin nanghon gelkhohna naneipouvin chule jah’a hetding jong nagel dehpouve.
上主不斷給你們派來他所有的僕人──先知們，你們總是不聽，不願傾耳諦聽。
5 Pakai thusei chu hiche ahi, “Nanghon nalamlhahnau lamdih louva kon in hung kihei kit unlang, chule nathilse bol’u chu hindalhauvin. Chutahle nangho chu, keiman napu napateu kana pehsa gamsung’a kachensah ding nahiuve.
他們說：你們應各自離棄自己的邪道，和自己的邪惡的行為，好能住在上主從永遠到永遠賜給了你們和你們祖先的地域裏；
6 Nanghon nakisemdoh u pathen chom chom ho houna leh chibai bolna-a pandauvin. Keima neiphin lunghang hih un, chutile keiman nangho kabolset loudiu nahiuve,’’ ati.
不要追隨其他的神祇，事奉朝拜，以你們手做的東西來激怒我，你們就不致遭遇災禍。
7 Pakaiyin hitin aseiye, “Nanghon kathusei nangaipouve. Nanghon nakisem’u milimdoi chu nahouvun, keima neiphin lunghang uvin, nachunguva chiding jumna leh hamsetna nakiloilut’u ahitai.
你們沒有聽從我──上主的斷語──竟以你們手做的東西來激怒我，自招禍患。
8 Tun Pakai van Pathen chun hitin aseiye. Nanghon kathusei donlouva nakoitah jeh’un,
為此，萬軍的上主這樣說：由於你們不聽我的話，
9 Keiman sahlam gam’a kon’a Babylon lengpa Nebuchadnezzar leh namtin vaipi kachop khomding. Keiman amaho chu hiche gamsung douding, agamsung mite leh akimvel’a chengho doudinga kahin sollut ding ahi. Chule keiman nangho aitih a dinga kasuh mang ding, chule namtin vetset leh kidah umtah’a kalha ding nahiuve.
看，我必遣人召來北方的一切種族──上主的斷語──和我的僕人巴比倫王拿步高來進攻這地方，和這地方的居民，以及四周所有的民族；我要徹底消滅，任其荒涼，永遠成為笑柄和羞辱的對象。
10 Chule keiman nakipanau ogin leh nalasah’u ogin kasuh bei peh ding, jinei ding numei leh pasal kipa thanopna jong kasuh bei ding ahi. Chuteng nain uva sumhei-song gin thip ding, na thaomei jong vahlou ding ahitai.
此外，我還要息滅他們中歡樂喜慶的歌聲，新郎和新娘的歡笑聲，磨聲和燈光。
11 Hiche gam pumpi hi, pannabei gamkeo sohding, chule kum somsagi sunga chu Israel leh akimvel a gamsung miten, Babylon lengpa ajenle diu ahi.
這地方要全變為淒涼野，這些民族要七十年服從巴比倫王。
12 Chujouteng, asohchannau kum som sagi ahung kichai nungle, keiman Babylon lengpa leh amite chu agitlounau jal’a, achunguva talen kamatsah ding ahi. Agamsung pumpiu chu, pannabei leh gam homkeova kakoipeh ding ahi, tin Pakaiyin aseiye.
但是，一滿了七十年，我必要懲罰巴比倫王和這民族的罪惡──上主的斷語──以及加色丁人的國土，使它永遠成為荒野。
13 Chule keiman amaho chunga tijat umtah kathutepsa jouse leh, Jeremiah aphondohsa achunguva chiding talen ho chu, aguilhung lou umlouva kalha ding ahi.
對這國土，我要執行我論它所說，在這書上所記載先知耶肋米亞論及萬民所預言的一切話，
14 Chule namtin vaipi nasatah hole leng lentah tah hon, Babylon te soh’a avuldiu; Hita chu amahon kamite abolgentheinau bang banga chu, achunguva kalethuh ding ahi, ati.
因為強盛的民族和有力的君王，要使他們成為自己的奴隸；我必依照他的作為和他們雙手所行的事，報復他們。
15 Pakai Israel Pathen chun keima jah’a hitin aseiye. “Hiche kalung hanna khon hi, kakhut’a kon in kilah inlang, keiman nangma kasolna namtin vaipi ho chu donsah in.
上主，以色列的天主這樣對我說：「你從我手中接過這杯忿怒酒去，讓我派你所到的各民族喝。
16 Amahon hichu don uvintin, chuteng keiman amaho douna thu kasei jal’a, amaho lonle louva chule ngoldoh gamding ahiuve,’’ati.
他們必要喝，必要在我給他們派來的刀劍前，蹣跚發狂。」
17 Hijeh chun keiman Pakai lunghanna khon chu kalan, Pakaiyin eisolna namtin vaipi ho chu abonchauvin kadonsahtai.
我便從上主手中接過杯來，給了上主派我所到的各民族喝：使她們荒蕪淒涼，
18 Keima Jerusalem leh Judah gamsunga khopi dang jousea kachen, lengho leh leng chapate jouse jong, hiche khon’a chun adonsoh tauve. Hiche nikho’a pat tunia hitia keohel’a, datmo umleuva, chule gaosap chang dingin,
受人嘲笑詛咒，像今日一樣；
19 Keiman hiche khon chu, Egypt lengpa Pharaoh leh agamsung vaipote, chule asohte leh agamsung mite jouse,
給埃及王法郎和他們的臣僕王侯並全體人民；
20 Chule agamsunguva gamchom mi chengho jouse, kapetan ahi. Keiman UZ gamsunga lengho jong, Philistine gamsunga lengho jong, chuleh Ashlkelon, Gaza. Ekron leh Ashdod khopi ho a umden ho jouse jong, kapetan ahi.
給所有的雜族，胡茲地和培肋舍特地的眾君王；給阿市刻隆、迦薩、厄刻龍和阿市多得的遺民；
21 Chuleh Edom mite, Moab mite, Ammon mite jong,
給厄東、摩阿布和阿孟子民；
22 Chuleh Tyre le Sidon lengho leh twikhanglen gal’a twipi panga chengho jong abonchauvin kapetai.
給提洛、漆冬和海外島嶼的眾君王；
23 Chule keiman Dedan, Tema, Buz chuleh gam ningkoi lah’a chengho kapetai.
給德丹、特瑪、步次和凡剃除鬢髮的人；
24 Chule Arabia lengte, nelphaiya chengho jong,
給阿剌伯和在沙漠居住的雜族的眾君王；
25 Zimrilengte Elam le Media lengte jong, keiman kapetai
給齊默黎、厄藍和瑪待的眾君王；
26 Chule keiman sahlam gamsung jousea, anai le agamla a um lengho, aban banin, chule leiset chunga lenggam jouse jong kapetai. Achainakeiyin, Babylon lengpa, amatah injong Pakai lunghanna khon chu adontai.
給北方彼此相離或遠或近的眾君王，以及地面上所有的王國喝；最後喝的，是舍沙客的君王。
27 Chuin Pakaiyin kajah’a hitin aseiye, “Tun amaho seipeh in, Pakai Hatchungnung Israel Pathen chun aseiye. Kalunghanna khon’a chun don uvin, donkhamset unlang lolha kit uvin. Kiseplhu uvin lang thou kit hih un, ajeh chu keiman nangho douna-a nalah uva chemjam kahin lhalut ding ahi,’’ natiding ahi.
你應對他們說：「萬軍的上主，以色列的天主這樣說：你們要喝，喝醉，嘔吐，倒在我給你們派來的刀劍前，再不起來。
28 Ijemtia amahon hiche khon’a chu donding adauva ahileh; Nangman amaho jah’a chu, Pakai Hatchungnung in hitin aseiye, nanaghon hiche khon’a hi nadon teitei diu ahi.
假使他們不肯從你手中取過杯去喝，你就對他們說：萬軍的上主這樣說：你必須喝。
29 Ajeh chu, keiman kamin’a kikou Jerusalem khopi chu talen kamatsah pan ahitai. Nangho iti talen manlouva kalha ding nahiuvem Nangho talen manlouva naumlou heldiu ahi. Ajeh chu, keiman leiset chung cheng jouse douna-a gal kabolkhum ding ahi, tin Pakaiyin aseiye,’’ natiding ahi.
因為，看，我開始降罰歸我名下的城市，而你們竟想全然免罰嗎﹖你們決不能免罰，因為我要給地上所有的居民招來刀劍──萬軍上主的斷語。
30 Hijeh chun nangman amaho douna thu hichenghi, gaovinlang ajah uva naseipeh ding; “Pakai chu achenna van mun thenga kon’a hung kitum ding, lengpiga chil ho husa bang’a, hung husa hamlet lut ding ahi. Chule ama chu, leiset chunga cheng jouse douna-a hung kisen jah ding ahi.
你應給他們預言這一切話，對他們說：上主從高處作獅吼，從他的聖所發出他的聲音，對自己的牧場厲聲怒號，對地上所有的居民，像榨葡萄的人一樣喊叫。
31 Ama thutanna ogin chu leiset mong geiya kitol le le ding, ajeh chu Pakaiyin namtin vaipi chunga douna thu ahinlhut ding ahi. Aman leiset chunga namtin vaipi chunga thu atanding, chule migiloute jouse chemjam’a alousah ding ahi,’’tin Pakaiyin aseiye.
一陣喧嘩嘈雜，直至地極，因為上主與萬民有了爭訟，與一切有血肉的人，進行審判，將惡人交給刀劍──上主的斷語──
32 Pakai Hatchungnung in hitin aseiye, Ven, namtin vaipi chunga hamsetna khohtah, aban ban’a hunglhung ding. Chimpei hattah leiset mang langkhat apat hung doh ding ahi.
萬軍的上主這樣說：看，各國相繼發生災禍，由地極捲來強烈的風暴。
33 Hiche nikho chuleh, Pakaiyin mi athaho thilong chu leiset mang langkhat’a pat langkhat geiya kijam chap diu; Amaho chu akadiu leh alunghempi diu mi umlou ding, chule chom khom’a avei ding jong mi umlou ding ahi. Athilong u chu tollhanga chu kithethang’a monlha ding ahiuve.
到了那一天，從地極到地極，遍是上主戮的人，沒有人哀悼、收殮、埋葬，有如地面上的糞土。
34 Vo, kelngoi ching phalou ho, nangho kap’uvin lang maovun! Chule nangho kelngoi hon lah’a apipu ho, tollhanga vutlah’a kile le leuvin! Nakithanadiu nikho ahung lhunge, nangma nalhuh ding leibel kehbai tah bang’a namanthah ding ahi.
為人牧者，你們應哭泣哀號! 為羊群領導者，你們應在灰塵中輾轉! 因為們的日期已滿，你們要被宰割，像精選的公羊。
35 Nangman kiselna ding mun nanei louding, chule jamdoh nading lampi namulou ding ahi.
為人牧者，無路可逃；為羊群領導者，無法脫身。
36 Ngaiyun, kelngoi chingho ka-gin khu, chule kelngoi honlah’a apipu ho pen-gin khu! Ajeh chu, Pakaiyin anehdiu hamhing jouse asuhmangpeh ahitai.
聽啊! 為人牧者在哀號，為羊群領導者在哭泣，因為上主摧毀了他們的牧場。
37 Pakai lunghan khohse chun, lungmong tah’a achennau hamhing lah jouse chu, nelphai gamhomkeo asotai.
寧靜的草場，因上主的怒燄，已成一片荒涼。
38 Keipi in akiselna songko adalhah bangin, Aman amite adalhatai. Pakai lunghanna nasatah leh galmirte chemjam chun, gamsung chu nelgam homkeovin akoitai.
獅子離棄了自己的巢穴，因為他們的土地，由於刀劍的無情和上主的盛怒，已成了荒野。
