Jeremiah 10
1 Vo Israel Insung, naheng’a Pakai thusei hi ngaiyuvin!
以色列家啊，要听耶和华对你们所说的话。
2 Pakaiyin hitin aseiye, “Namtin vaipi ho chonna bangin, vanthangjol’a melchihna chom chom ho jeh in, khonung thua nangho lungthoi hih`un. Amaho jeh chun namtin vaipi tija jongleh, nangho vang kicha hih`un.
耶和华如此说： 你们不要效法列国的行为， 也不要为天象惊惶， 因列国为此事惊惶。
3 Ajeh chu, amaho chonna lamlheh jouse chu, thujou leh ngolna thu jeng ahi: Amahon gamlah’a thingphung ho aphuhlhu uvin, hichea chu thingthem bolpan, semthu pathen lim asemdoh ji ahi.
众民的风俗是虚空的； 他们在树林中用斧子砍伐一棵树， 匠人用手工造成偶像。
4 Hichu, sana leh dangka in atomjol un, thingkil in akilun, sehcha’n akhendet un, akitoldoh louna diu asemjiuve.
他们用金银妆饰它， 用钉子和锤子钉稳， 使它不动摇。
5 Amahon asemthu-u pathen limho chu, paotheilou leh chattheilou ahin, loulaiya vachate kichat dinga kisemthu milim ho bep ahiuvin, doplea choile ding bep ahiuve, Hitobang semthu pathen ho chu kicha hih un, amaho chun, nachung a thilse jong chuleh thilpha jong abolthei pouve” ati
它好像棕树，是旋成的， 不能说话，不能行走， 必须有人抬着。 你们不要怕它； 它不能降祸， 也无力降福。
6 Vo Pakai hatchungnung, nangtoh kibang koima aumpoi. Nangma loupitah leh lentah nahin, namin jong thaneitah ahi.
耶和华啊，没有能比你的！ 你本为大，有大能大力的名。
7 Nangma namtin vaipi chunga leng nahin, nang changing bou ahi. Ajeh chu, leiset chung a miching jouse leh lenggam jouse lah’a, nangtoh kibang aumpoi.
万国的王啊，谁不敬畏你？ 敬畏你本是合宜的； 因为在列国的智慧人中， 虽有政权的尊荣， 也不能比你。
8 Semthu doilim houhohi, angol leh atanang jeng ahiuve. Amahon kichatah’a ajen uva ahouvuchu, thing’a kon’a kisem thu ahibouve.
他们尽都是畜类，是愚昧的。 偶像的训诲算什么呢？ 偶像不过是木头。
9 Amahon Tarshish a konin dangka kikhengtohsa chuleh Uphaz a konin sana ahinpodoh uvin; Hichehoa kon chun, khutthem mihon, semthu pathen lim semdoh un, chujouteng, ponkhui themhon hiche ho chu, ponsandup leh pondum in atomjolsel uvin ahi.
有银子打成片，是从他施带来的， 并有从乌法来的金子， 都是匠人和银匠的手工， 又有蓝色紫色料的衣服， 都是巧匠的工作。
10 Ahinlah, Pakai chu amabou Pathen dihtah ahijing e. Ama chu hingjing Pathen ahin, tonsot lengpa ahi. Alunghan in van leh leiset akithinsah in, namtin vaipin alungsat adoujoupoi.
惟耶和华是真 神， 是活 神，是永远的王。 他一发怒，大地震动； 他一恼恨，列国都担当不起。 （
11 Hichehi semthu Pathen lim houho heng a seipehun, “Nanghon nahouvu, van le leiset ‘a kon’a mangthah gamdiu ahi, tipeh’un,’’ ati:
你们要对他们如此说：不是那创造天地的神，必从地上从天下被除灭！）
12 Pakaiyin athahat in leiset asemdoh in, achihnan leiset atungdet e. Chule athil hetkhen themnan vanthamjol hi, pon bangin aphou jahe.
耶和华用能力创造大地， 用智慧建立世界， 用聪明铺张穹苍。
13 Ama thusah in vanthamjol gin akithongin chule go ajujin; Aman leiset chunga konin meibol ho akaithou sahjin ahi. Aman gotwi ajuhlhah sahjin, kolphe avahsahjin, Chule khopi hui jong akholna-a konin aladohjui ahi.
他一发声，空中便有多水激动； 他使云雾从地极上腾； 他造电随雨而闪， 从他府库中带出风来。
14 Mijouse hi hetna beiyin tanang in aum’uve. Khut themtah’a thil semdoh ho jong, asemthu-u milim ho chun ajumsah gam’u ahitai. Ajeh chu, asemdoh hou chu abon’a alem’a kisemdoh chule haina hu neilou jeng ahiuve.
各人都成了畜类，毫无知识； 各银匠都因他雕刻的偶像羞愧。 他所铸的偶像本是虚假的， 其中并无气息，
15 Hiche semthu doilim ho chu, abon’a pannabei leh alem jong ahiuve. Amaho chu, Pakai nikho ahunglhun teng, Kisumang soh hel dingu ahi.
都是虚无的， 是迷惑人的工作； 到追讨的时候必被除灭。
16 Ahivangin, Israel Pathen chu, amaho tobang’a semthu ahipoi. Ama chu imajouse semdohpa Pathen dihtah chu ahin; Israel jeng jong, ama goulo dinga akilhendoh ahin, Ama min chu thaneipen Pakai ahi.
雅各的分不像这些， 因他是造作万有的主。 以色列也是他产业的支派， 万军之耶和华是他的名。
17 Naponvai kichuntup un, khopi dalha dingin kigosan um un, gal miten naumkimsoh’u ahitai.
受围困的人哪，当收拾你的财物， 从国中带出去。
18 Ijeh inem itileh Pakaiyin hitin aseiye. “Photlot changa, hiche gamsunga chengho nabonuva, kasepdoh ding nahiuve. Keiman nachunguva gim gentheina nasatah kabuh lhah ding, chuleh nanghon kalungsatna natokhah teidiu ahi,”ati.
因为耶和华如此说： 这时候，我必将此地的居民， 好像用机弦甩出去， 又必加害在他们身上， 使他们觉悟。
19 Kaki suhkhahna maha anase behseh in, kathoh gimna jong ahahsa valtai. Kanatna jong adamthei louding ahitan, hijongle engbolna kato ahijeh'in, kathoh doh ding ahi, kati.
民说：祸哉！我受损伤； 我的伤痕极其重大。 我却说：这真是我的痛苦， 必须忍受。
20 Ka-in jong akisusen, eikithopia eisoldoh pih ding mi koima aumpoi. Kachate jong eilah peh uvin, keiman avel’a amaho chu kamukit louding ahitai.
我的帐棚毁坏； 我的绳索折断。 我的儿女离我出去，没有了。 无人再支搭我的帐棚，挂起我的幔子。
21 Kamite, kelngoi chinga pangho, alung chavai leh atanang jeng ahiuvin: Ajeh chu, amahon Pakaiya hungkon chihna ahol tapouve. Hitijeh chun, abolna lam jouseuva alosam’un, chuleh achin’u kelngoi hon ho jong avahcheh gamtauvin ahi.
因为牧人都成为畜类， 没有求问耶和华， 所以不得顺利； 他们的羊群也都分散。
22 Ngaiyun, gin umtah gal miho ogin kithong jeju pumin, sahlam’a konin ahung kitolsuh uve. Amahon Judate khopi jouse alonkhumuva asuhmangdiu, khogem nung’a ngei-hon te kokhuh asosah diu ahi.
有风声！看哪，敌人来了！ 有大扰乱从北方出来， 要使犹大城邑变为荒凉， 成为野狗的住处。
23 O Pakai keiman kahet Kahinkhohi keima thua um ahipon, chuleh kakalse nading leh kam'a lamjot nading jong, keima sunga um ahipoi.
耶和华啊，我晓得人的道路不由自己， 行路的人也不能定自己的脚步。
24 Hijeh chun Vo Pakai, keima neisudih tan, Na lunghan hu-in vang neibol hih in, keiman kadoujou louhel ding ahi.
耶和华啊，求你从宽惩治我， 不要在你的怒中惩治我， 恐怕使我归于无有。
25 Nalungsat chu, nangma hephalou namtin vaipi ho chunga bunglhan. Chule nangma minphah nomlou mite chunga bunglhan. Ajeh chu amahon Israel insung abahgamun, anechai hel tauve. Chuleh agamsungu jong ahomkeovin aumsah tauvin ahi.
愿你将忿怒倾在不认识你的列国中， 和不求告你名的各族上； 因为他们吞了雅各，不但吞了，而且灭绝， 把他的住处变为荒场。
