Semtilbu 5
1 Hiche hohi Adam te insung khanggui umdan kijihna lekhabu ahi. Pathen in mihem asem chu ama lim tobang din asem in ahi.
This is the book of the generations of Adam. In the day when God made man, he made him in the image of God;
2 Pathenin numei le pasal ana semdoh in aman amisem doh teni chu phatthei aboh in chuin amani chu mihem asah tai.
Male and female he made them, naming them Man, and giving them his blessing on the day when they were made.
3 Adam chu kum jakhat le kum somthum alhinin ama limle ama mel to kilou cha khat ahing in hichepa chu amin Seth asah tai.
Adam had been living for a hundred and thirty years when he had a son like himself, after his image, and gave him the name of Seth:
4 Seth apen jou chun Adam chu kum jaget tabang ahin be kit in, chu achun Adam in cha numei le pasal anei be na laiye.
And after the birth of Seth, Adam went on living for eight hundred years, and had sons and daughters:
5 Adam chu kum jako le kum somthum ahing nomsel in hiche jou chun ama athi tai.
And all the years of Adam's life were nine hundred and thirty: and he came to his end.
6 Seth chu kum jakhat le kum nga ahi chun ama chu Enosh pa ahung hi tai.
And Seth was a hundred and five years old when he became the father of Enosh:
7 Enosh pen jou chun Seth chu kum jaget le kum sagi ahin be nalai in chu achun aman cha numei le pasal adang ahin be nalaiye.
And he went on living after the birth of Enosh for eight hundred and seven years, and had sons and daughters:
8 Hichun Seth chu kum jako le kumsom le kumni ahing in hiche jou chun aleiset hinkho abeitai.
And all the years of Seth's life were nine hundred and twelve: and he came to his end.
9 Enosh chu kum somko ahi chun ama chu Kenan pa ahung hi tai.
And Enosh was ninety years old when he became the father of Kenan:
10 Kenan pen jou chun, Enosh chu kum jaget le kum som le kum nga ahing na laiyin chujou chun cha numei le cha pasal ahing na laiye.
And after the birth of Kenan, Enosh went on living for eight hundred and fifteen years, and had sons and daughters:
11 Enosh chu kum jako le kum nga ahing in ama athi tai.
And all the years of Enosh were nine hundred and five: and he came to his end.
12 Kenan chu kum som sagi alhing in ama chu Mahalalel pa ahung hitai.
And Kenan was seventy years old when he became the father of Mahalalel:
13 Mahalalel pen jou chun, Kenan chu kum jaget le kum somli ahing na laiyin, chule aman chapa dang le chanu dang jong anei be nalaiye.
And after the birth of Mahalalel, Kenan went on living for eight hundred and forty years, and had sons and daughters:
14 Kenan chu kum jako le kum som gei ahing in chuin ama hinkho abeitai.
And all the years of Kenan's life were nine hundred and ten; and he came to his end.
15 Hichun Mahalalel chu kum somgup le kum nga alhing in ama chu Jared pa ahung hi tai.
And Mahalalel was sixty-five years old when he became the father of Jared:
16 Jared pen jou chun, Mahalalel chu kum jaget le kum som thum jen ahing nalaiyin chule cha pasal le cha numei tamtah ahin be nalaiye.
And after the birth of Jared, Mahalalel went on living for eight hundred and thirty years, and had sons and daughters:
17 Hichun Mahalalel kum jaget le kum somko le kum nga gei ahing in hichun ama leiset hinkho abeitai.
And all the years of Mahalalel's life were eight hundred and ninety-five: and he came to his end.
18 Jared chu kum jakhat le kum somgup le kum ni alhin in ama chu Enoch pa ahung hitai.
And Jared was a hundred and sixty-two years old when he became the father of Enoch:
19 Enoch pen jou chun, Jared chu kum jaget gei ahingin, chuban in chapa le chanu dang jong ahing na laiye.
And Jared went on living after the birth of Enoch for eight hundred years, and had sons and daughters:
20 Jared chu kum jako le kum som gup le kumni ahing in, hichun ama aleiset hinkho abeitai.
And all the years of Jared's life were nine hundred and sixty-two: and he came to his end.
21 Enoch chu kum som gup le kum nga alhin in ama chu Methuselah pa ahung hitai.
And Enoch was sixty-five years old when he became the father of Methuselah:
22 Methuselah pen jou kum jathum sungin Enoch chu Pathen toh kinai tah in aum jing jeng in chule chapa dangle chanu dang tampi jong ahinbe nalaiye.
And after the birth of Methuselah, Enoch went on in God's ways for three hundred years, and had sons and daughters:
23 Hiti chun Enoch chu kum jathum le kum somgup le kum nga ahing in ahi.
And all the years of Enoch's life were three hundred and sixty-five:
24 Pathen toh kingaitah a umjing ahin nikhat chu ama akimu tapon Pathen in akou doh ahi tai.
And Enoch went on in God's ways: and he was not seen again, for God took him.
25 Methuselah chu kum jakhat le kum somget le kum sagi alhin in, ama chu Lamech pa ahung hitai.
And Methuselah was a hundred and eighty-seven years old when he became the father of Lamech:
26 Lamech pen jou chun, Methuselah chu kum jasagi le kum somget le kumni ahing in, hichun aman chapa le chanu dang tamtah anei be nalaiyin ahi.
And after the birth of Lamech, Methuselah went on living for seven hundred and eighty-two years, and had sons and daughters:
27 Methuselah chu kum jako le kumsom gup le kum ko ahing in hichun ama ahinkho abeitai.
And all the years of Methuselah's life were nine hundred and sixty-nine: and he came to his end.
28 Hichun Lamech chu kum jakhat le kum som get le kumni alhinin chapa khat ahing in,
And Lamech was a hundred and eighty-two years old when he had a son:
29 Ama min chu Noah asah in hitin aseiye, “Pathen in agaosapsa gim genthei thoh'a ikhut uva i-tohgim nau hiche leiset'a kona ama hin eitha-ol sah ding'u ahi,”ati.
And he gave him the name of Noah, saying, Truly, he will give us rest from our trouble and the hard work of our hands, because of the earth which was cursed by God.
30 Noah pen jou chun, Lamech chu kum ja nga le kum somko le kum nga ahing in hijou chun cha pasal le numei tamtah ahing na laiyin ahi.
And after the birth of Noah, Lamech went on living for five hundred and ninety-five years, and had sons and daughters:
31 Lamech chu kum jasagi le kum som sagi le kum sagi ahing in, hichun aleiset hinkho abeitai.
And all the years of Lamech's life were seven hundred and seventy-seven: and he came to his end.
32 Noah chu kum ja nga alhin'in, ama chu Shem, Ham, chule Japheth ahing in ahi.
And when Noah was five hundred years old, he became the father of Shem, Ham, and Japheth.
