Semtilbu 5
1 Hiche hohi Adam te insung khanggui umdan kijihna lekhabu ahi. Pathen in mihem asem chu ama lim tobang din asem in ahi.
This is the book of the generations of Adam. In the day that God created man, He made him in His own likeness.
2 Pathenin numei le pasal ana semdoh in aman amisem doh teni chu phatthei aboh in chuin amani chu mihem asah tai.
Male and female He created them, and He blessed them. And in the day they were created, He called them “man.”
3 Adam chu kum jakhat le kum somthum alhinin ama limle ama mel to kilou cha khat ahing in hichepa chu amin Seth asah tai.
When Adam was 130 years old, he had a son in his own likeness, after his own image; and he named him Seth.
4 Seth apen jou chun Adam chu kum jaget tabang ahin be kit in, chu achun Adam in cha numei le pasal anei be na laiye.
And after he had become the father of Seth, Adam lived 800 years and had other sons and daughters.
5 Adam chu kum jako le kum somthum ahing nomsel in hiche jou chun ama athi tai.
So Adam lived a total of 930 years, and then he died.
6 Seth chu kum jakhat le kum nga ahi chun ama chu Enosh pa ahung hi tai.
When Seth was 105 years old, he became the father of Enosh.
7 Enosh pen jou chun Seth chu kum jaget le kum sagi ahin be nalai in chu achun aman cha numei le pasal adang ahin be nalaiye.
And after he had become the father of Enosh, Seth lived 807 years and had other sons and daughters.
8 Hichun Seth chu kum jako le kumsom le kumni ahing in hiche jou chun aleiset hinkho abeitai.
So Seth lived a total of 912 years, and then he died.
9 Enosh chu kum somko ahi chun ama chu Kenan pa ahung hi tai.
When Enosh was 90 years old, he became the father of Kenan.
10 Kenan pen jou chun, Enosh chu kum jaget le kum som le kum nga ahing na laiyin chujou chun cha numei le cha pasal ahing na laiye.
And after he had become the father of Kenan, Enosh lived 815 years and had other sons and daughters.
11 Enosh chu kum jako le kum nga ahing in ama athi tai.
So Enosh lived a total of 905 years, and then he died.
12 Kenan chu kum som sagi alhing in ama chu Mahalalel pa ahung hitai.
When Kenan was 70 years old, he became the father of Mahalalel.
13 Mahalalel pen jou chun, Kenan chu kum jaget le kum somli ahing na laiyin, chule aman chapa dang le chanu dang jong anei be nalaiye.
And after he had become the father of Mahalalel, Kenan lived 840 years and had other sons and daughters.
14 Kenan chu kum jako le kum som gei ahing in chuin ama hinkho abeitai.
So Kenan lived a total of 910 years, and then he died.
15 Hichun Mahalalel chu kum somgup le kum nga alhing in ama chu Jared pa ahung hi tai.
When Mahalalel was 65 years old, he became the father of Jared.
16 Jared pen jou chun, Mahalalel chu kum jaget le kum som thum jen ahing nalaiyin chule cha pasal le cha numei tamtah ahin be nalaiye.
And after he had become the father of Jared, Mahalalel lived 830 years and had other sons and daughters.
17 Hichun Mahalalel kum jaget le kum somko le kum nga gei ahing in hichun ama leiset hinkho abeitai.
So Mahalalel lived a total of 895 years, and then he died.
18 Jared chu kum jakhat le kum somgup le kum ni alhin in ama chu Enoch pa ahung hitai.
When Jared was 162 years old, he became the father of Enoch.
19 Enoch pen jou chun, Jared chu kum jaget gei ahingin, chuban in chapa le chanu dang jong ahing na laiye.
And after he had become the father of Enoch, Jared lived 800 years and had other sons and daughters.
20 Jared chu kum jako le kum som gup le kumni ahing in, hichun ama aleiset hinkho abeitai.
So Jared lived a total of 962 years, and then he died.
21 Enoch chu kum som gup le kum nga alhin in ama chu Methuselah pa ahung hitai.
When Enoch was 65 years old, he became the father of Methuselah.
22 Methuselah pen jou kum jathum sungin Enoch chu Pathen toh kinai tah in aum jing jeng in chule chapa dangle chanu dang tampi jong ahinbe nalaiye.
And after he had become the father of Methuselah, Enoch walked with God 300 years and had other sons and daughters.
23 Hiti chun Enoch chu kum jathum le kum somgup le kum nga ahing in ahi.
So Enoch lived a total of 365 years.
24 Pathen toh kingaitah a umjing ahin nikhat chu ama akimu tapon Pathen in akou doh ahi tai.
Enoch walked with God, and then he was no more, because God had taken him away.
25 Methuselah chu kum jakhat le kum somget le kum sagi alhin in, ama chu Lamech pa ahung hitai.
When Methuselah was 187 years old, he became the father of Lamech.
26 Lamech pen jou chun, Methuselah chu kum jasagi le kum somget le kumni ahing in, hichun aman chapa le chanu dang tamtah anei be nalaiyin ahi.
And after he had become the father of Lamech, Methuselah lived 782 years and had other sons and daughters.
27 Methuselah chu kum jako le kumsom gup le kum ko ahing in hichun ama ahinkho abeitai.
So Methuselah lived a total of 969 years, and then he died.
28 Hichun Lamech chu kum jakhat le kum som get le kumni alhinin chapa khat ahing in,
When Lamech was 182 years old, he had a son.
29 Ama min chu Noah asah in hitin aseiye, “Pathen in agaosapsa gim genthei thoh'a ikhut uva i-tohgim nau hiche leiset'a kona ama hin eitha-ol sah ding'u ahi,”ati.
And he named him Noah, saying, “May this one comfort us in the labor and toil of our hands caused by the ground that the LORD has cursed.”
30 Noah pen jou chun, Lamech chu kum ja nga le kum somko le kum nga ahing in hijou chun cha pasal le numei tamtah ahing na laiyin ahi.
And after he had become the father of Noah, Lamech lived 595 years and had other sons and daughters.
31 Lamech chu kum jasagi le kum som sagi le kum sagi ahing in, hichun aleiset hinkho abeitai.
So Lamech lived a total of 777 years, and then he died.
32 Noah chu kum ja nga alhin'in, ama chu Shem, Ham, chule Japheth ahing in ahi.
After Noah was 500 years old, he became the father of Shem, Ham, and Japheth.
