Semtilbu 49
1 Hichun Jacob in achate jouse akou khom in hitin aseiye, “Keima naivel a hung kikhom un, chule keiman nangho thuguh kasei peh ding nahiuve, khonunga ipi hung lhung ding ham naseipeh uvinge,” ati.
雅各叫了他的兒子們來，說：「你們都來聚集，我好把你們日後必遇的事告訴你們。
2 Hung un chule ngaijun, nangho Jacob chate ho napao Israel thusei ngai jun,
雅各的兒子們，你們要聚集而聽， 要聽你們父親以色列的話。
3 Reuben kachapa atahpen katha hat pen laiya kanei, ka khanghoi lai tah a kahin chule nangma amasa penna jana chang chule nangma amasa pena thahat chang nahi.
呂便哪，你是我的長子， 是我力量強壯的時候生的， 本當大有尊榮，權力超眾。
4 Nangma twi kimang banga phatna najou tapoi, ajeh chu napa lupna jalkhun nasuboh tai.
但你放縱情慾，滾沸如水， 必不得居首位； 因為你上了你父親的床， 污穢了我的榻。
5 Simeon le Levi sopi khat ahilhone, chule aman chah lhon ho chu galsat na ding bou ahi.
西緬和利未是弟兄； 他們的刀劍是殘忍的器具。
6 Keima lhagao vang amaho lah a jaoda mai hen, chule amaho natoh gon jong jahda ding kanome; ahin amaho alunghan teng ule mihem hinkho ahin suhbei dingu ahi, chule amaho deilah a bongchal ho ahin hellhuh diu ahi.
我的靈啊，不要與他們同謀； 我的心哪，不要與他們聯絡； 因為他們趁怒殺害人命， 任意砍斷牛腿大筋。
7 Jacob chate ho lah a kahop khen ding keiman Israel sunga amaho chu kathe cheh ding ahitai, alunghan nau sapset ahitai, ajeh chu tijat umtah, alunghan nao jong phalou tah ahi.
他們的怒氣暴烈可咒； 他們的忿恨殘忍可詛。 我要使他們分居在雅各家裏， 散住在以色列地中。
8 Judah nangma nasopi houvin nathang at ui, nangma namel mate angonga na matchah ding, nasopi ho jouse nangma masanga kun cheh diu ahi.
猶大啊，你弟兄們必讚美你； 你手必掐住仇敵的頸項； 你父親的兒子們必向你下拜。
9 Judah ka chapa hi keipi nou tobang ama chu aneh jou tobang pet ahi, keipi bangin akitaulei, chule keipi nou konba anodoh jou ding gam.
猶大是個小獅子； 我兒啊，你抓了食便上去。 你屈下身去，臥如公獅， 蹲如母獅，誰敢惹你？
10 Hiche tenggol chu Judah a kona potdoh lou ding ahi, chule dan thempu a kona akeng teni kikah ajong pot doh lou ding Shiloh ahung lhun to kahsea anam miten athu angai jing dingu ahi.
圭必不離猶大， 杖必不離他兩腳之間， 直等細羅來到， 萬民都必歸順。
11 Aman a sangan chu lengpi thei phunga ahen in chule sangan nou chu abah hoipen lengpi bah a ahenin, chule apon ho chu lengpi twiya asop in chule ama von ho chu lengpi twiya asop ngime.
猶大把小驢拴在葡萄樹上， 把驢駒拴在美好的葡萄樹上。 他在葡萄酒中洗了衣服， 在葡萄汁中洗了袍褂。
12 Amit teni chu lengpi twi sangin asangjon chule ahatu jouse chu bongnoi twi bang phet phut ding ahi.
他的眼睛必因酒紅潤； 他的牙齒必因奶白亮。
13 Zebulun chu twi-khanglen panga cheng ding ahi, chule ama koma chu kongho kinga ding chule agamgi chu Sidon geiya cheng diu ahi.
西布倫必住在海口， 必成為停船的海口； 他的境界必延到西頓。
14 Issachar vang chu ahile sangan hattah ahi, ama chu hahsat na molni kikah aum ahi.
以薩迦是個強壯的驢， 臥在羊圈之中。
15 Aman ngahmun khat amudoh in, chule agam nop dan jong chu dei chat um ahi; hijeh chun aman thilpo ding in alengkou adon, namphu in soh dingin akipelut tai.
他以安靜為佳，以肥地為美， 便低肩背重，成為服苦的僕人。
16 Dan vang chu amite ding in lungmon ahin, bolpeh ding Israel te phungkhat hin na ahin to ding ahi.
但必判斷他的民， 作以色列支派之一。
17 Dan chu lampi lhanglang a gul tobang ahi, chule lampi a gulse kijam tobang ahin, ama chun sakol keng achuh le achunga toupa akinung le lhah tai.
但必作道上的蛇，路中的虺， 咬傷馬蹄，使騎馬的墜落於後。
18 Keiman nangma katahsane huhhingna kachan thei na din o ka Pakai.
耶和華啊，我向來等候你的救恩。
19 Mipihon Gad chunga lam ajot diu ahin achaina aman amaho chunga lam ahin jot ding ahi.
迦得必被敵軍追逼， 他卻要追逼他們的腳跟。
20 Asher chu an neh neng ding ahiye, chule aman lengho neh thei ding hoitah le twitah a ahon thei ding ahi.
亞設之地必出肥美的糧食， 且出君王的美味。
21 Napthali chu sajuh pi kihen lou tobang ahin, aman thu ngei tah a pao doh ding ahi.
拿弗他利是被釋放的母鹿； 他出嘉美的言語。
22 Joseph hi lengpi thingga phatah tobang ahi, chule twinah phung thingbah ga phatah ahi, abah hon jong bang akhokhel gamtai.
約瑟是多結果子的樹枝， 是泉旁多結果的枝子； 他的枝條探出牆外。
23 Thalpi kapthem hon avetda lheh un, amapa akap un chule abol genthei lheh jeng uve.
弓箭手將他苦害， 向他射箭，逼迫他。
24 Ahin amapa thalpi alhou lheh in suhset bun aum poi. Chule abanthahat na jong aki peh ben, Jacob Pathen thahatna chun aumpi jing'e; chule kelngoi chingpa chu Israel te hongpi a pang ahi.
但他的弓仍舊堅硬； 他的手健壯敏捷。 這是因以色列的牧者，以色列的磐石－ 就是雅各的大能者。
25 Chule na panpi Pathen in na kithopi jeh in hatchung nung pen phatthei naboh mai hen, chujong leh van chunga phattheina tin changmai jin, chule leithol noilanga twi dim bang in phatthei na chang jing in, chule noitwi akon, naobu akon phatthei na jouse chang tan.
你父親的上帝必幫助你； 那全能者必將天上所有的福， 地裏所藏的福，以及生產乳養的福，都賜給你。
26 Napan phatthei na bohna ho chu masanga napute phatthei na ho sang in phatthei joh hi maihen, chule molsang pen ho sang in sangpen main. Hiche phatthei na ho jouse hi Joseph chunga umjing tahen, ajeh chu amahi asopite lah a dinga leng cha ahi.
你父親所祝的福 勝過我祖先所祝的福， 如永世的山嶺，至極的邊界； 這些福必降在約瑟的頭上， 臨到那與弟兄迥別之人的頂上。
27 Benjamin chu Sial tobang ahi, ajeh chu jingkah lam le amelmate chu aval lhum jin nilhah lam teng alotup ho chu ahomkhen jenge.
便雅憫是個撕掠的狼， 早晨要吃他所抓的， 晚上要分他所奪的。」
28 Amaho se hi Israel phungsom le phungni ahiuve, hiche thucheng ho hi apan asei peh'u ahi; amaho jouse chu phatthei aboh in chule ki lhahna thu cheng aneiyin, chule amaho jouse khat khat in ama hina cheh in phatthei aboh cheh in ahi.
這一切是以色列的十二支派；這也是他們的父親對他們所說的話，為他們所祝的福，都是按着各人的福分為他們祝福。
29 Hichun Jacob in hitin ahil e, amaho se chu keima hi thivah ding kahitai, chule kapute kapate ho lah a jaovah ding kahitai, Ephron Hite gam'a kapute kapate kivui na muna chu kei jong neivui un ati.
他又囑咐他們說：「我將要歸到我列祖那裏，你們要將我葬在赫人以弗崙田間的洞裏，與我祖我父在一處，
30 Abraham'in hiche songlhan chu Machpelah loumun Mamre nisolam Canaan gamsunga um ahin, ama lhan mun dinga Hite mipa Ephron henga loumun ana choh doh ahi.
就是在迦南地幔利前、麥比拉田間的洞；那洞和田是亞伯拉罕向赫人以弗崙買來為業，作墳地的。
31 Hiche muna chun Abraham le Sarah akivui lhon in, chule hiche mun chu Isaac le aloinu Rabekah jong aki vuijin chule keiman jong hilai mun a chu Leah kana vui ahi.
他們在那裏葬了亞伯拉罕和他妻子撒拉，又在那裏葬了以撒和他的妻子利百加；我也在那裏葬了利亞。
32 Hiche gam chu phaicham kotong lam chu kapu Abraham'in Hite mipa koma ana choh doh ahi.
那塊田和田間的洞原是向赫人買的。」
33 Hichun Jacob chu achapate athu lhah chai in jalkhun chunga akeng teni asep doh in ama ahaitan tai, chuin ama amite to akivui tha tai.
雅各囑咐眾子已畢，就把腳收在床上，氣絕而死，歸他列祖那裏去了。
