2 Lengte 21
1 Manasseh chu leng ahungchan chun ama kum somle kumni alhingbep in ahi. Amahin kum som nga le nga geijin vai ahom’in ahi. Anu min chu Hephzibah ahi.
默納舍登極時才十二歲，在耶咯撒冷做王五十五年，他的母親名叫赫斐漆巴。
2 Amahin Pakai mitmu’n thilse jing anabollin ahi. Amahin Pathen in Israelte masanga ana nodoh pathen neilou nam mite thet umtah chonna ho chu anajuijin ahi.
他行了上主視為惡的事，仿效上主從以色列子民前所驅逐的異民所行的可恥之事，
3 Apa Hezekiah in ana suhmang pathen neilouho doiphung chu atungdoh kit’in ahi. Aman Baal maicham jong asemdoh kit’in, chule Asherah doikhomjong atungdoh kit’in Israel lengpa Ahab bol tobang bangin in abollin ahi. Vanthamjolla thaneiho jouse anga ana bohkhup’in chuleh hiche hochu ahouvin ahi.
重建了他父親希則克雅所拆毀的高丘，為巴耳建立了祭壇，製造了木偶，像以色列王阿哈布所作的一樣，且崇拜敬奉天上的萬象，
4 Pakaiyin “Jerusalem’ah kamin umden jing ding ahi,” ana tina Pakai houin mun’ah, pathen neilouho maicham ana semdoh in ahi.
雖然上主曾指著聖殿說過：「我要將我的名建立在耶路撒冷。」但他仍在上主的殿內建立了一些祭壇，
5 Aman hiche van thanei ho pathen doiphung hole maicham phungho jouse Pakai houin mun jousea ana thah tundoh kit in ahi.
又在上主殿宇的兩庭院內，為天上萬像建立了祭壇；
6 Manasseh in ama cha tahbeh jeng jong doi pathen ho hounan anakatdoh in, meiya ana gouvin, themka pou ana dongin, ai-lhimpou anabollin, gaochang miho jong atahsan in, mitphel doithem hopou anamang chan ahi. Hitihin aman Pakai mitmu’n thilse jeng ana bollin Pakai chu ana sulung hangin ahi.
使自己的兒子經火獻神，行占卜邪術，立招魂師和術士，不斷行上主視為惡的事，惹上主發怒。
7 Manasseh hin Asherah semthu pathen lim jeng jong ana sem’in, Pakaiyin David leh achapa Solomon anaseipeh na mun laitah houin sunga chun ana tungdoh in ahi. “Israel phungho jouse lah a kona kana lhendoh Jerusalem khopi leh a houin nahi kamin hi atonsot na kijajing ding ahi,” anati ahi.
他又將自己製造的阿舍辣雕像，安放在上主的殿內，雖然上主論及這殿曾對達味的兒子撒羅滿說：「我要在這殿內，和我在以色列各支派所選出的耶路撒冷立我的名，直到永遠；
8 Israelte hin chingthei tah a kathupeh holeh kasohpa Mose kana pehsa kadan sem hohi anit sohkei uva ahileh keiman apu apateu kanapeh gamsunga kona gamdanga sohchanga kasoldoh louhel diu ahi.
只要以色列謹守遵行我所吩咐他們的一切，及我僕人梅瑟所吩咐他們的一切法律，我決不再使以色列人的腳，離開我賜與他們祖先的土地。」
9 Ahinlah hiche mipite hin sei angai pouvin, chuleh Manasseh chun Israelte gamtepgam agalut’un, Pathen in ana suhmang Pathen neilou namdangte sanga thilsejo Manasseh in ana bolsah in ahi.
但是，他們卻不聽從，甚至默納舍誘惑他們行惡，甚於上主由以色列子民前所消滅的那些民族。
10 Hiche jouchun Pakaiyin alhachate themgao ho mangchan thu ana seijin ahi.
為此，上主藉他的僕人先知警告說：「
11 “Judahte lengpa Manasseh in thet um tahtah thil tamtah ana boldoh in ahi. Israelte hiche gam’a achenlut masang uva anacheng Amor mite sangin thilsejo ana boldoh in ahi. Aman Judah mitehi milim semthu doilim houna a ana chonset sah in ahi,” ati.
因為猶太王默納舍行了這些可恥的事，甚於他以前的阿摩黎人所行的，以自己的神像引猶太犯罪。
12 Hijeh chun hichehi Israel Pakai Pathen chun hitin aseije, “Keiman Israelte Judah mipite chunga kahinpoh lutding hamsetna hi ajachan jouse tijatna kihot ling gamdiu ahi,” ati.
所以上主以色列的天主這樣說：看，我要使這樣的災禍降在耶路撒冷和猶太，使聽見的人兩耳都要齊鳴。
13 “Keiman Jerusalem chunga thu katanding hi Samaria chungle Ahab insung mite chunga kanatanbang banga katantoh chet ding ahi. Keiman Jerusalem mipite chu min annehna kong akhup athalla asop banga kasuhmang ding ahi,” ati.
我要用測量撒瑪黎雅的繩索，和測量阿哈布家的鉛錘，來測量耶路撒冷，要擦淨耶路撒冷如同人擦淨盤子一樣，擦淨之後，就翻過來；
14 “Hijouteng chule kamite amoh chengse jeng jong kapaidoh ding chuleh agalmi teuvin achom gam diuva kapehdoh ding ahi,” ati.
我要拋棄作我產業的遺民，將他們交於敵人手中，使他們成為一切敵人的掠物與勝利品。
15 “Ajeh chu amahon kamitmu’n thilse jeng abolluvin, Egypt akona apu apateu kahin puidoh apat tunigei hin eilunghansah jing jeng un ahi,” ati.
因為他們自從他們的祖先出離埃及那一天，直到今日，行了我視為惡的事，使我發怒。」
16 Manasseh in themmo nabei mitamtah athat’in, Jerusalem ning langkhatna konin ning langkhat geijin themmona bei thisan adimset tokah in athat that jing in ahi. Hiche hi aman Judahte achonsetsah chungchonna chonset abolbesah nahlai chu ahin, hitia hi Pakai mitmua thilse bolna a anapuilut jing ahi.
默納舍除了使猶大陷於罪惡，行了上主視為惡的事以外，還流了許多無辜者的血，使耶路撒冷流成河，從這邊流到那邊。
17 Manasseh in avaihom sunga thilsoh adangho jouse chuleh anatoh athibolho jouse, athilse bol ho jouse pum’in, Judah lengte thusimbu kijihna lekhabua aum’in ahi.
默納舍其餘的事蹟，他行的一切，所犯的罪惡，都記載在猶大列王實錄上。
18 Manasseh athiphat’in, Uzza hon leng inpi hon sunga chun anavui tauvin ahi. Hijouchun achapa Amon nin lengmun ahinlo tan ahi.
默納舍與他的列祖同眠，埋葬在王宮花園，即烏匝花園裏；他的兒子阿孟繼位為王。
19 Amon chu leng ahung chan chun ama kum somni le ni alhin in chuleh aman Jerusalem’ah kum ni sung lengvai ana po in ahi. Anu chu Meshullemeth, Jotbah khopi akon Haruz chanu ahi.
阿孟登極時，年二十二歲，在耶路撒冷作王兩年；他的母親名叫默叔肋默，是約特巴人哈魯茲的女兒。
20 Amahin apa bol bol ana bollin, apan milimdoi ho ana hou ho mama chu ana houvin ahi.
他行了上主認為視為惡的事。全像他父親所行的一樣；
21 Amahin apa Manasseh in anabolbang bangin Pakai mitmu’n thilse jing ana bollin ahi.
走了他父親所走的的路，事奉敬拜了他父親所事奉的偶像，
22 Aman apu apte Pathen Pakai ana paidoh in, Pakai lampi chu anajui nompon ahi.
離棄了上主他祖先的天主，未隨上主的道路。
23 Hiti chun Amon noija natong pipui ho chun ama dounan tohgon ana neijun aleng inpi sunga ana that tauvin ahi.
阿孟臣僕共謀造反，在宮內將君王殺了；
24 Ahinlah agamsung mipiten Amon lengpa douna tohgon ananei ho jouse chu ana that gam’un chuleh amahon achapa Josiah chu leng mun analosah tauvin ahi.
但地方的人民起來，殺了所有反叛阿孟王的人，立了他的兒子約史雅繼位為王。
25 Amon vaihom sunga anasoh thildang ho jouse chuleh anatoh thilbol hojouse Judah lengte thusimbu kijihna lekhabua aum’in ahi.
阿孟所作的其它事蹟，都記載在猶大列王實錄上。
26 Amachu Uzza honsung lhan nachun. Anavui taovin ahi. Hijouchun achapa Josiah chu leng ahung chang tai.
他也葬在烏匝花園內自己的墳墓裏；他的兒子約史雅繼位為王。
