1 Thusimbu 16
1 Hichun amahon Pathen thingkong chu David in akoina dia ponbuh hoitah ason namun a chun ahin polut uvin ahi. Chua chun amahon Pathen a kilhai na pumgo thilto jong ana kat uvin ahi.
眾人將上帝的約櫃請進去，安放在大衛所搭的帳幕裏，就在上帝面前獻燔祭和平安祭。
2 David in kilhaina kin aneijou in amite chu Pakai min in phatthei aboh in ahi.
大衛獻完了燔祭和平安祭，就奉耶和華的名給民祝福，
3 Chujouvin aman ami Israel te numei pasal abonchauvin changlhah alhang a kisem ahin, lengpithei ga’a kisem nehthei ana peh ahi.
並且分給以色列人，無論男女，每人一個餅，一塊肉，一個葡萄餅。
4 David in Levi mite chu Pakai thingkong maiya Israel Pathen Pakai phattheina sima, a vahchoi lasah le thangvah ding in mipi jouse lamkai din ana pansah e.
大衛派幾個利未人在耶和華的約櫃前事奉，頌揚，稱謝，讚美耶和華－以色列的上帝：
5 Asaph chu amaho lah a lamkai ahin, amahin lasah na a kimang tumging sumeng kivo ging asai yin ahi. Amaban tah’a chu Zechariah ahin chule ama kithopi ding in Jeiel, Mattithiah, Eliab, Benaiah, Obed-edom le Jeiel ahiuve. Amaho hi semjang le selangdah sai a pang ahiuve.
為首的是亞薩，其次是撒迦利雅、雅薛、示米拉末、耶歇、瑪他提雅、以利押、比拿雅、俄別‧以東、耶利，鼓瑟彈琴；惟有亞薩敲鈸，大發響聲；
6 Chule Pathen thingkong kitepna masang a chun thempu Benaiah le Jahaziel chun tanglouvin sumkon ana mut lhon in ahi.
祭司比拿雅和雅哈悉常在上帝的約櫃前吹號。
7 David in hiche nikho chun Asaph le ami Levite chutoh Pakai a kipa na thangvah na lasah na ana peu vin ahi.
那日，大衛初次藉亞薩和他的弟兄以詩歌稱頌耶和華，說：
8 Pakai chu thangvah na peuvin chule aloupina seiphong uvin vannoi leiset pumpin athibol jouse hecheh hen,
你們要稱謝耶和華，求告他的名， 在萬民中傳揚他的作為！
9 Thangvah toh thon ama vahchoi un chule namtin jouse chung a athilbol kidang ho hillhang uvin,
要向他唱詩、歌頌， 談論他一切奇妙的作為。
10 Amintheng chu hapah in kipapi un, eiho Pakai mite ehiuve,
要以他的聖名誇耀； 尋求耶和華的人，心中應當歡喜。
11 Tantih neilouvin Pakai thahatna chu holjing unlang hou uvin,
要尋求耶和華與他的能力， 時常尋求他的面。
12 Thil kidang tampi le datmo umtah aboldoh hole athu tan naho geldoh jing un,
他僕人以色列的後裔， 他所揀選雅各的子孫哪， 你們要記念他奇妙的作為和他的奇事， 並他口中的判語。
13 Nangho alhacha Israel chate ho chule Jacob son chilhah anam deilhen mite ho,
14 Amahi eiho Pakai Pathen ahi, Ama thupeh dihtah hi vannoi jousen amu ding ahi.
他是耶和華－我們的上帝， 全地都有他的判斷。
15 Aman aitih khang chan in jong akitepna agel doh jing in ahi,
你們要記念他的約，直到永遠； 他所吩咐的話，直到千代，
16 Hiche hi aman Abraham toh kitepna asem chu ahin chule Isaac heng a kitepna ana neichu ahi,
就是與亞伯拉罕所立的約， 向以撒所起的誓。
17 Aman hichu Jacob heng a Israel mite toh aitih khang gei a tonsot'a dia kitep na thulhuh le suhdetna ana nei ahi.
他又將這約向雅各定為律例， 向以色列定為永遠的約，
18 “Nangma chan ding goulo nading Canaan gam chu kapeh ding nahi,” ati.
說：我必將迦南地賜給你， 作你產業的分。
19 Aman hiche aseilai chun nangmaho Canaan gam'a hon lhomcha a khopem bang a nana umlai u ahi, ati.
當時你們人丁有限，數目稀少， 並且在那地為寄居的；
20 Hiti chun amaho chu namkhat apat namkhat in anavah uvin chule lenggam khat apat gamdang a ana vah leu ve,
他們從這邦游到那邦， 從這國行到那國。
21 Chujongle aman amaho chu koima suhgentheina le bolgimna ana neisah pon, amaho jeh in leng dang ho joh thugah na ananei jon ahi,
耶和華不容甚麼人欺負他們， 為他們的緣故責備君王，
22 Kami lhenchomte natohkhah thei loudiu chule kathemgao ho jong nasuh genthei loudiu ahi,
說：不可難為我受膏的人， 也不可惡待我的先知！
23 Leiset pumpin Pakai chu vahchoi hen chule aniseh in ami huh hingna thupha chu seiphong leuvin,
全地都要向耶和華歌唱！ 天天傳揚他的救恩，
24 Namtin vaipi lah a athilbol loupi ho phongjal un, chule athilbol kidang ho mitin vaipi hetsah un,
在列邦中述說他的榮耀， 在萬民中述說他的奇事。
25 Pakai chu thunei pen ahin amin loupi vahchoi dia lomtah ahi. Chule Pathen dang jouse sang a gin le jadia lom ahi,
因耶和華為大，當受極大的讚美； 他在萬神之上，當受敬畏。
26 Namtin vaipi dang ho hou hi semthu milim doi Pathen ahi, eiho Pakai vang hi vanlaijol sempa ahi,
外邦的神都屬虛無， 惟獨耶和華創造諸天。
27 Jana le lalna jouse le thahatna chule kipana Pakai ama kom a um ahi,
有尊榮和威嚴在他面前， 有能力和喜樂在他聖所。
28 Vannoi namtin vaipin Pakai thahat nale aloupi je chu hecheh hen,
民中的萬族啊， 你們要將榮耀能力歸給耶和華，都歸給耶和華！
29 Pakai chu loupina jouse chang dia lom ahi, amuntheng dung jousea Pakai chu thilpeh toh thon houvun,
要將耶和華的名所當得的榮耀歸給他， 拿供物來奉到他面前； 當以聖潔的妝飾敬拜耶和華。
30 Leiset mite jouse Pakai masang a tijan kithing jeng hen, leiset jong linglouhel in dettah in ding jing hen,
全地要在他面前顫抖， 世界也堅定不得動搖。
31 Vanna le leiya kipa thanop nan lodim soh hen chule Pakai vaihomna namtin vaipi jousea seiphong leuvin,
願天歡喜，願地快樂； 願人在列邦中說： 耶和華作王了！
32 Twikhanglen le asung a cheng jousen jong avah choina sam u hen chule loulai dungle mimle chang ho jong kipah thanom in hung pohjal jeng uhen,
願海和其中所充滿的澎湃； 願田和其中所有的都歡樂。
33 Gammang thingphung jouse jong kipah lasah in kilingdoh soh hen, Pakai chu leiset na thutan’a ahung teng,
那時，林中的樹木都要在耶和華面前歡呼， 因為他來要審判全地。
34 Pakai chu aphatna jallin thangvah na peuvin, ama a um tahsan umtah mingailutna chun tonsot'in athoh jing e,
應當稱謝耶和華； 因他本為善，他的慈愛永遠長存！
35 “O Pathen eihuh hing paovin namtin vaipi lah a kon in neipui khom uvin lang neihuh doh uvin, chuteng nangma mintheng chu kakipa piuva kavah choi diu ahi.
要說：拯救我們的上帝啊，求你救我們， 聚集我們，使我們脫離外邦， 我們好稱讚你的聖名，以讚美你為誇勝。
36 Pakai Israel Pathen chu vahchoiyun amachu tonsot tonsot gei a hingjing ahi chule amite jousen Pakai chu vahchoi in sam uhen,” Amen.
耶和華－以色列的上帝， 從亙古直到永遠，是應當稱頌的！ 眾民都說：「阿們！」並且讚美耶和華。
37 Hitichun David in Pakai kitepna thingkong a aniseh a angaichat najouse a natong le ding in Asaph le ama mi Levi mite chu ana pansah in ahi.
大衛派亞薩和他的弟兄在約櫃前常常事奉耶和華，一日盡一日的職分；
38 Hiche holah a chun Jeduthun chapa Obed-edom, Hosah le Levi mite misom gup le get chu kotkhah ngah in ana pang uve.
又派俄別‧以東和他的弟兄六十八人，與耶杜頓的兒子俄別‧以東，並何薩作守門的；
39 Chule David in Zadok thempu le Levi mite chu Gibeon gamsung a Pakai Pathen houbuh a kimang cha din ana koi in ahi.
且派祭司撒督和他弟兄眾祭司在基遍的邱壇、耶和華的帳幕前燔祭壇上，每日早晚，照着耶和華律法書上所吩咐以色列人的，常給耶和華獻燔祭。
40 Pakai in Israel te chung a dan thupeh juidia ana nei bang in amahon Pakai a jingkah nilhah in kilhaina thilpeh maicham jong ana nei uve,
41 Pakai akitah nale mingailut na tonsot na athoh hat na jallin ama thang vah na pe ding in David in Heman le Jeduthun ana lhengdoh un chule midang ana minphah chan jong ana pang uvin ahi.
與他們一同被派的有希幔、耶杜頓，和其餘被選名字錄在冊上的，稱謝耶和華，因他的慈愛永遠長存。
42 Hitichun amahon sumkon mut ginle khutbeh ginle tumging theijat tampi ho mang chan Pathen anavah choi uve, chule Jeduthun chapa chu kotkhah ngah in ana pansah uve.
希幔、耶杜頓同着他們吹號、敲鈸，大發響聲，並用別的樂器隨着歌頌上帝。耶杜頓的子孫作守門的。
43 Chujouvin mipi jouse chu ama inlam cheh a ana kileu vin David jong ama inlam a ainsung mite phattheiboh ding in ana che tan ahi.
於是眾民各歸各家；大衛也回去為家眷祝福。
