Saam 119
1 A cehnaak lam coet amak kapkhqi ingkaw, Bawipa a cawngpyinaak amyihna ak cetkhqi taw a zoseen hy.
| אשרי תמימי-דרך-- ההלכים בתורת יהוה |
2 Ak awipeek khoem nawh kawlung boeih ing amah ak suikhqi taw a zoseen hy.
| אשרי נצרי עדתיו בכל-לב ידרשוהו |
3 Cekkhqi ing am sai thawlh unawh; anih a lam awh ce cet uhy.
| אף לא-פעלו עולה בדרכיו הלכו |
4 Hqut boeih aham ak awm am cukkiknaak awi ce nang ing cekkhqi ham taak pe hyk ti.
| אתה צויתה פקדיך-- לשמר מאד |
5 Aw nang ak awipeek khqi ce ka hqutnaak thai aham ka lamkhqi ve cak seh!
| אחלי יכנו דרכי-- לשמר חקיך |
6 Nang ak awipeek khqi boeih ce kak poek awh chahqai na am awm ti kawng.
| אז לא-אבוש-- בהביטי אל-כל-מצותיך |
7 Nang a koe ak dyng cawngpyinaak awikhqi ka cawng amyihna kawlung dyngnaak ing namah ce nim kyihcah vang.
| אודך בישר לבב-- בלמדי משפטי צדקך |
8 Nak awipeek khqi ce hqut bit kawng; koeh ni qoeng hyt cang.
| את-חקיך אשמר אל-תעזבני עד-מאד |
9 Ikawmyihna taithym ing a lam ce a ciimcaih sak thainaak kaw? Nak awi amyihna khaw a saknaak amyihna a ciimcaih sak thai kaw?
| במה יזכה-נער את-ארחו-- לשמר כדברך |
10 Kak kawlung boeih ing nang ce ni sui nyng, nak awipeek awhkawng koeh ning pleng sak.
| בכל-לבי דרשתיך אל-תשגני ממצותיך |
11 Nang oelh nawh am ka thawlhnaak aham kam thin kak kawk khuiawh nak awi ve thuh hawh nyng.
| בלבי צפנתי אמרתך-- למען לא אחטא-לך |
12 Aw Bawipa, nang a venawh thangleeknaak awm seh; nak awipeekkhqi ce ni cawngpyi lah.
| ברוך אתה יהוה-- למדני חקיך |
13 Nam khak khui awhkawng ak cawn cawngpyinaak boeih ce ka hui ing kqawn nyng.
| בשפתי ספרתי-- כל משפטי-פיך |
14 Bawipa awh ak zeel soeih thlang amyihna nam cuk kiknaak awipeek ka hqut awh zeel nyng.
| בדרך עדותיך ששתי-- כעל כל-הון |
15 Nak awipeek khqi ce poek typ typ nyng na lamkhqi ce poek nyng.
| בפקודיך אשיחה ואביטה ארחתיך |
16 Nak awipeek khqi awh zeel nyng saw; nak awi ce ak poek kaana am awm nyng.
| בחקתיך אשתעשע לא אשכח דברך |
17 Na tyihzawih a venawh ak leek sai law cang, cawhtaw hqing kawng nyng; nak awi ce ngai kawng nyng.
| גמל על-עבדך אחיה ואשמרה דברך |
18 Na cawngpyinaak awi awhkaw kawpoek kyi ik-oeih khqi am ka huh thainaak aham koeh thuh law.
| גל-עיני ואביטה-- נפלאות מתורתך |
19 Khawmdek awh khin na ni ka awm; nak awipeek ce kai aham koeh thuh law.
| גר אנכי בארץ אל-תסתר ממני מצותיך |
20 Nang ak awipeek ang ngai aih awh ka hqingnaak ve ityk awh awm am rem thai hy.
| גרסה נפשי לתאבה-- אל-משפטיך בכל-עת |
21 Oek qu nawh seet ak hu khqi, nak awipeek ak pleng taak thlangkhqi ce nang ing toel hyk ti.
| גערת זדים ארורים-- השגים ממצותיך |
22 Nak awipeek khqi ce ka hqut a dawngawh, kqawn seetnaak ingkaw huh sitnaak khqi ve khoe law lah.
| גל מעלי חרפה ובוז כי עדתיך נצרתי |
23 Ukkungkhqi ing ngawicun unawh nik kqawn seet u seiawm, na tyihzawih ingtaw nak awipeek khqi ve ni ak poek hly tit tit hy.
| גם ישבו שרים בי נדברו-- עבדך ישיח בחקיך |
24 Nam cuk kiknaak awipeek khqi ve ka zeelnaak na awm hy; cekkhqi ing kawpoek leeknaak ni pe uhy.
| גם-עדתיך שעשעי-- אנשי עצתי |
25 Dekvai awh helh hyt na awm nyng; nak awi amyihna ka hqingnaak ve khoem law lah.
| דבקה לעפר נפשי חיני כדברך |
26 Ka lamkhqi ce kak kqawn tlaih awh nang ing nim hlat hyk ti; namah ak awipeek khqi ce ni cawngpyi lah.
| דרכי ספרתי ותענני למדני חקיך |
27 Nang ing nani cawngpyi awipeek khqi ce ning zaksim sak lah; cawhtaw nak kawpoek kyi ik-oeih khqi ce poek typ typ kawng nyng.
| דרך-פקודיך הבינני ואשיחה בנפלאותיך |
28 Ka hqingnaak ve kawseet doena ak tha hoet hy, nak awi amyihna kak tha awm law sak tlaih lah.
| דלפה נפשי מתוגה קימני כדברך |
29 Qaainaak lam awh am ka cehnaak aham ni hoep lah; na cawngpyinaak awi ing nim qeen cang.
| דרך-שקר הסר ממני ותורתך חנני |
30 Awitak lam ce tyk hawh nyng; Na cawngpyinaak awi awh kak kawlung ling hawh nyng.
| דרך-אמונה בחרתי משפטיך שויתי |
31 Aw Bawipa, nam cuk kiknaak awipeek ce tu qap hawh nyng, chah koeh ni phyih sak.
| דבקתי בעדותיך יהוה אל-תבישני |
32 Nang ing kak kawlung na loet sak hawh a dawngawh, nak awipeek naak lam awh dawng nyng.
| דרך-מצותיך ארוץ כי תרחיב לבי |
33 Aw Bawipa, nak awitlyhnaak ce ka hqutnaak thai aham ni cawngpyi lah; cawhtaw a dyt dyna hqut kawng nyng.
| הורני יהוה דרך חקיך ואצרנה עקב |
34 Zaksim thainaak ni pe lah, cawhtaw na cawngpyinaak awi ce khoem kawng nyng saw kak kawlung boeih ing hqut kawng nyng.
| הבינני ואצרה תורתך ואשמרנה בכל-לב |
35 Nak awipeeknaak lam awh ni hqui ni sawi lah; ce a dawngawh ni zeelnaak ka huh.
| הדריכני בנתיב מצותיך כי-בו חפצתי |
36 Ak lawn ngaihnaak ben am nawh nam cuk kiknaak benna kak kawlung ve hawi law lah.
| הט-לבי אל-עדותיך ואל אל-בצע |
37 Aphu amak awm ik-oeih benna ka mik qawi ve koeh dai sak nawh; nak awi amyihna ka hqingnaak ve khoem law lah.
| העבר עיני מראות שוא בדרכך חיני |
38 Kqih na na awm thainaak aham, na tyihzawih a venawh ve nak awipeek ve soep sak lah.
| הקם לעבדך אמרתך-- אשר ליראתך |
39 Kak kqih soeih ming leeknaak ve lo law valh lah, kawtih nang a cawngpyinaak awi taw nep hy.
| העבר חרפתי אשר יגרתי כי משפטיך טובים |
40 Nak awipeek khqi ce ngai mah nyng! Na dyngnaak awh ka hqingnaak ve khoem law lah.
| הנה תאבתי לפקדיך בצדקתך חיני |
41 Aw Bawipa, amak dyt thai na lungnaak ingkaw nak awi taaknaak amyihna na hulnaak ce ka venna law seh;
| ויבאני חסדך יהוה תשועתך כאמרתך |
42 nak awi ce ka ypnaak a dawngawh, kai anik kqawnsekung ce hlat kawng nyng.
| ואענה חרפי דבר כי-בטחתי בדברך |
43 Kam khak khui awhkawng nak awitak ce koeh lo law voel, kawtih nang a cawngpyinaak awi awh ni kang ngaih-unaak a awm.
| ואל-תצל מפי דבר-אמת עד-מאד כי למשפטך יחלתי |
44 Na cawngpyinaak awi ce ngai loet kawng nyng, kumqui ingkaw kumqui dyna.
| ואשמרה תורתך תמיד-- לעולם ועד |
45 Ngaihding na cet a cawn vang nyng, kawtih nak awipeek ce hu hawh nyng.
| ואתהלכה ברחבה כי פקדיך דרשתי |
46 Sangpahrangkhqi haiawh nak awipeekkhqi ce kqawn kawng nyng saw, chahqai na am awm ti kawng,
| ואדברה בעדתיך נגד מלכים ולא אבוש |
47 nak awipeekkhqi ce ka lungnaak a dawngawh zeelnaak ta nyng.
| ואשתעשע במצותיך אשר אהבתי |
48 Ka lungnaak awi peek benna ka kut ve hak phyl nyng saw nak awitlyhnaak awipeekkhqi ce poek typ typ nyng.
| ואשא-כפי--אל-מצותיך אשר אהבתי ואשיחה בחקיך |
49 Na tyihzawih a venawh awi na peek ce sim loet lah, nang ing ni ngaih-unaak ce nani peek.
| זכר-דבר לעבדך-- על אשר יחלתני |
50 Ka khuikha awh kang ngaihqepnaak taw ve ni: Nak awikamnaak ing ka hqingnaak khoem law hy.
| זאת נחמתי בעניי כי אמרתך חיתני |
51 Uephnaak taak kaana ak oek qukhqi ing ni qaih na uhy, cehlai na cawngpyinaak awi ce am pleng taak nyng.
| זדים הליצני עד-מאד מתורתך לא נטיתי |
52 Aw Bawipa, syn awhkaw na cawngpyinaak awi khqi ce sim loet nyng saw, cekkhqi awh ngaihqepnaak hu nyng.
| זכרתי משפטיך מעולם יהוה ואתנחם |
53 Thlakche khqi nang a cawngpyinaak awi ak qoeng khqi awh ngaih seetnaak ing nim tu khak hy.
| זלעפה אחזתני מרשעים-- עזבי תורתך |
54 Ka awm ihnaak boeih awh nang ak awitlyhnaak awipeekkhqi ve ka laa ak leek soeih na awm hy.
| זמרות היו-לי חקיך-- בבית מגורי |
55 Aw Bawipa, khawmthan awh nang ming ce poek nyng, na cawngpyinaak awi khqi ce khoem kawng nyng.
| זכרתי בלילה שמך יהוה ואשמרה תורתך |
56 Nak awipeek khqi hquut ve: Ka sai khawi na awm hawh hy.
| זאת היתה-לי כי פקדיך נצרתי |
57 Aw Bawipa, nang taw ka taham na awm hyk ti; nak awikhqi ce hqut aham awi ta hawh nyng.
| חלקי יהוה אמרתי-- לשמר דבריך |
58 Kak kawlung boeih ing na haai ce sui hawh nyng; nak awitaak amyihna nim qeen lah.
| חליתי פניך בכל-לב חנני כאמרתך |
59 Ka cehnaak lamkhqi ve poek nyng saw nak awipeeknaak benna khaw khan law hawh nyng.
| חשבתי דרכי ואשיבה רגלי אל-עדתיך |
60 Nak awipeek khqi ce yih kaana ang tawnna hqut hlah vang.
| חשתי ולא התמהמהתי-- לשמר מצותיך |
61 Thlakchekhqi ing qui ing ni pin u seiawm, nang a cawngpyinaak awi ce am hilh ti kawng.
| חבלי רשעים עודני תורתך לא שכחתי |
62 Na cawngpyinaak awihdyngkhqi awh thanlung awh na venawh zeelnaak awi kqawn aham tho nyng.
| חצות-לילה--אקום להודות לך על משפטי צדקך |
63 Kai taw nang ak kqihkhqi boeih ingkaw nang ak awipeek ak hqutkhqi boeih a pyi na awm nyng.
| חבר אני לכל-אשר יראוך ולשמרי פקודיך |
64 Aw Bawipa, khawmdek ve na lungnaak ing bengen hy; nak awitlyh awipeekkhqi ce ni cawngpyi lah.
| חסדך יהוה מלאה הארץ חקיך למדני |
65 Aw Bawipa, nak awi amyihna na tyihzawih a venawh ik-oeih leek sai lah.
| טוב עשית עם-עבדך-- יהוה כדברך |
66 Cyihnaak ingkaw awideng thainaak ce ni pe lah, kawtih nak awipeekkhqi ce ni kak cangnaak.
| טוב טעם ודעת למדני כי במצותיך האמנתי |
67 Ka khuikha hlan awh lam pleng hlai nyng, tuh taw nak awi ngai hawh nyng.
| טרם אענה אני שגג ועתה אמרתך שמרתי |
68 Nang taw leek hyk ti, ik-oeih na sai awm leek hy; nak awitlyhnaak awipeekkhqi ce ni cawngpyi lah.
| טוב-אתה ומטיב למדני חקיך |
69 Ak oek qukhqi ing qaai kqawn ing ni zan hlai uhy, kak kawlung boeih ing nak awipeekkhqi ce hqut nyng.
| טפלו עלי שקר זדים אני בכל-לב אצר פקודיך |
70 Cekkhqi ak kawlung taw qil soeih hy, cehlai kai taw nang a cawngpyinaak awi awh ni ka zeel hy.
| טפש כחלב לבם אני תורתך שעשעתי |
71 Ka khuikha ve kai aham leek hy, cawh ni nang ak awitlyhnaak awipeekkhqi ce ka cawng hly thai.
| טוב-לי כי-עניתי-- למען אלמד חקיך |
72 Sui ngun thong sang anglakawh nam kha awhkaw cawngpyinaak awi ce ni kai aham a phu a tlawh khqoet hy.
| טוב-לי תורת-פיך-- מאלפי זהב וכסף |
73 Na kut qawi ing ni sai nawh ani syn ni; nak awipeekkhqi ce ka cawng thainaak aham zaksimnaak ni pe lah.
| ידיך עשוני ויכוננוני הבינני ואלמדה מצותיך |
74 Nang anik kqihkhqi ing kai ami huh awh zeel u seh, kai ing nang ak awi awh ni ngaih-unaak ka taak.
| יראיך יראוני וישמחו כי לדברך יחלתי |
75 Aw Bawipa, nang a cawngpyinaak awikhqi taw dyng nawh, na ypawmnaak ing kai ni khuikha sak hy tice sim nyng.
| ידעתי יהוה כי-צדק משפטיך ואמונה עניתני |
76 Na tyihzawih a venawh awi na taak amyihna, amak dyt thai na lungnaak ve kang ngaihqepnaak na awm lah seh.
| יהי-נא חסדך לנחמני-- כאמרתך לעבדך |
77 Ka hqingnaak aham nam qeennaak ce ka venna law lah seh, na cawngpyinaak awi taw ka zeelnaak ni.
| יבאוני רחמיך ואחיה כי-תורתך שעשעי |
78 Akawng a awm kaana kak khan awh ik-oeih che ak sai ak oek qukhqi ce chah phyi u seh; cehlai kai ingtaw nak awipeekkhqi ce poek typ typ vang nyng.
| יבשו זדים כי-שקר עותוני אני אשיח בפקודיך |
79 Nang nik kqih nawh nang ak awipeek ak zasimkhqi taw kai benna mang u seh.
| ישובו לי יראיך וידעו (וידעי) עדתיך |
80 Chah am ka phyihnaak aham, nak awitlyhnaak awipeek benna kak kawlung ce coet a kap kaana awm seh.
| יהי-לבי תמים בחקיך-- למען לא אבוש |
81 Ka hqingnaak ing na hulnaak ang ngai aih awh zai hqoeng hy; cehlai nak awi awh ngaih-unaak ce ta nyng.
| כלתה לתשועתך נפשי לדברך יחלתי |
82 Ka mik qawi ing nak awikamnaak ce dan hlai hy, am huhy; “Ityk awh ngaih nani qep sak kaw?” ti nyng.
| כלו עיני לאמרתך-- לאמר מתי תנחמני |
83 Maikhu anglakawhkaw mehvyn um amyihna awm nyng seiawm, nak awitlyhnaak awipeekkhqi ce am hilh nyng.
| כי-הייתי כנאד בקיטור-- חקיך לא שכחתי |
84 Na tyihzawih ing ve iqyt nu ani qeh kaw? Kai anik thekhanaak thlangkhqi ce ityk awh na toel kaw?
| כמה ימי-עבדך מתי תעשה ברדפי משפט |
85 Nang a cawngpyinaak awi ing ak kalh na, ak oek qukhqi ing kai aham lawk-kqawng co law uhy.
| כרו-לי זדים שיחות-- אשר לא כתורתך |
86 Nak awipeekkhqi boeih ve a ypawm hy; ni hul lah, kawtih thlangkhqi ing akawng a awm kaana ni the ni kha na uhy.
| כל-מצותיך אמונה שקר רדפוני עזרני |
87 Khawmdek awhkawng ni khoe hlo uhy, cehlai nak awipeekkhqi ce am qoeng nyng.
| כמעט כלוני בארץ ואני לא-עזבתי פקדיך |
88 Na lungnaak ing ka hqingnaak ve khoem law lah, cawh ni kam kha awhkaw cuk kiknaak awipeekkhqi ce kang ngai hly.
| כחסדך חיני ואשמרה עדות פיך |
89 Aw Bawipa, nak awi taw kum qui dy cak hy; khawk khan awh ak cak na dyi hy.
| לעולם יהוה-- דברך נצב בשמים |
90 Na yp awmnaak ce cadil naa dyna cak hy; nang ing khawmdek ve caksak nawh, awm poe hy.
| לדר ודר אמונתך כוננת ארץ ותעמד |
91 Tuh dy na cawngpyinaak awi ve cak hy, soepkep boeih ing na bi ve bi uhy.
| למשפטיך עמדו היום כי הכל עבדיך |
92 Na cawngpyinaak awi ce ka zeelnaak na ama na awm mantaw, khuikha doena ana thi hawh kawng.
| לולי תורתך שעשעי-- אז אבדתי בעניי |
93 Nak awipeekkhqi ce ityk awh awm am hilh ti kawng, cekkhqi ing ni ka hqingnaak ve na khoem law.
| לעולם לא-אשכח פקודיך כי בם חייתני |
94 Ni hul lah nang a koe na ni ka awm; nak awipeekkhqi ce sui nyng hu hawh nyng.
| לך-אני הושיעני כי פקודיך דרשתי |
95 Thlakchekhqi ing kai plawci sak aham ni qeh uhy, cehlai nang am cuk kiknaak awipeekkhqi ce ni kak poek hly.
| לי קוו רשעים לאבדני עדתיך אתבונן |
96 Ik-oeih boeih a soepnaak a dawng ce hu hawh nyng; cehlai nang ak awipeekkhqi taw a dytnaak am awm hy.
| לכל-תכלה ראיתי קץ רחבה מצותך מאד |
97 Aw, na cawngpyinaak awi ce lungna mah nyng! Khawnghi zung poek typ typ khing nyng.
| מה-אהבתי תורתך כל-היום היא שיחתי |
98 Ka qaal khqing lak awh nang ak awipeekkhqi ing ni cyih sak khqoet hy; kawtih cekkhqi ce ka venawh awm poe uhy.
| מאיבי תחכמני מצותך כי לעולם היא-לי |
99 Nam cuk kiknaak awipeekkhqi ce kak poek typ typ a dawngawh, ka cawngpyikungkhqi boeih anglakawh poek thainaak tak khqoet nyng.
| מכל-מלמדי השכלתי כי עדותיך שיחה לי |
100 Nak awipeekkhqi ce ka hquut a dawngawh, a hqamcakhqi anglakawh poek thainaak tak khqoet nyng.
| מזקנים אתבונן כי פקודיך נצרתי |
101 Nak awi ka hquut thainaak aham lap che saqui awh khaw am poek nyng.
| מכל-ארח רע כלאתי רגלי-- למען אשמר דברך |
102 Namah qoe ing nani cawngpyi hawh a dawngawh, na cawngpyinaak awi awhkawng am pleng qunyng.
| ממשפטיך לא-סרתי כי-אתה הורתני |
103 Nak awikhqi ce kam tan awh awi soeih nawh, kam kha awh khawi anglakawh awi soeih mah hy!
| מה-נמלצו לחכי אמרתך-- מדבש לפי |
104 Nak awipeekkhqi awhkawng cyihnaak hu nyng; ce a dawngawh amak thym lam boeih ce sawh na nyng.
| מפקודיך אתבונן על כן שנאתי כל-ארח שקר |
105 Nak awi taw ka khaw aham maihchoei na awm nawh ka lam aham vangnaak na awm hy.
| נר-לרגלי דברך ואור לנתיבתי |
106 Nang a koe ak dyng cawngpyinaakkhqi ce ka hquut thainaak aham, awi sa nyng saw caksak hawh nyng.
| נשבעתי ואקימה-- לשמר משפטי צדקך |
107 Khuikha soeih nyng; Aw Bawipa, nak awi amyihna ka hqingnaak ve khoem law lah.
| נעניתי עד-מאד יהוה חיני כדברך |
108 Aw Bawipa, kam kha ing ngaihnaak ing a nim kyihcah ve, do law nawh na cawngpyinaak awikhqi ce ni cawngpyi lah.
| נדבות פי רצה-נא יהוה ומשפטיך למדני |
109 Ka hqingnaak ve ka kut awh tu qap hlai nyng, na cawngpyinaak awi ce am hilh ti kawng nyng.
| נפשי בכפי תמיד ותורתך לא שכחתי |
110 Thlakchekhqi ing thang dun law hlai uhy, nak awipeeknaak awhkawng am pleng nyng.
| נתנו רשעים פח לי ומפקודיך לא תעיתי |
111 Nam cuk kiknaak awipeekkhqi ve ka kumqui qo na awm nawh; kak kawlung zeelnaak na awm hy.
| נחלתי עדותיך לעולם כי-ששון לבי המה |
112 A dyt dyna nak awitlyh awipeekkhqi hquut aham kak kawlung qawn hawh nyng.
| נטיתי לבי לעשות חקיך-- לעולם עקב |
113 Kawlung pakkhih na ak ta thlang ce sawh na nyng, cehlai nani cawngsak awi ce lungna nyng.
| סעפים שנאתי ותורתך אהבתי |
114 Nang taw kang thuknaak ingkaw ka phuhqa na awm hyk ti; nak awi awh ngaih-unaak ta nyng.
| סתרי ומגני אתה לדברך יחלתי |
115 Nangmih ik-oeih che ak saikhqi, ka ven awhkawng cet lah uh, ka Khawsak awipeekkhqi ngai na lah vang!
| סורו-ממני מרעים ואצרה מצות אלהי |
116 Nak awikamnaak amyihna caksak lah, cawhtaw hqing kawng nyng; kang ngaih-unaak akawng awhkawng chah koeh ni phyih sak.
| סמכני כאמרתך ואחיה ואל-תבישני משברי |
117 Nim tu khak lah, cawhtaw hulna awm kawng; nak awitlyhnaak awipeekkhqi ce poek quiqah kawng nyng.
| סעדני ואושעה ואשעה בחקיך תמיד |
118 Nak awitlyhnaak awipeek awhkawng ak pleng khqi boeih ce nang ing qoeng hyk ti, a mingmih a qaai kqawnnaak ce a hqawng a h qap mai ni.
| סלית כל-שוגים מחקיך כי-שקר תרמיתם |
119 Khawmdek awh thlak chekhqi boeih ce nang ing thi-eek tui amyihna na hui ban awh; nam cuk kiknaak awipeekkhqi ce lungna nyng.
| סגים--השבת כל-רשעי-ארץ לכן אהבתי עדתיך |
120 Nang anik kqih aih awh ka sa ve tyn hy; na cawngpyinaak awi kqih doena dyi hqoeng nyng.
| סמר מפחדך בשרי וממשפטיך יראתי |
121 Ak thym ingkaw ak dyng ce sai hawh nyng; kai ani husit thlangkhqi kut awh koeh ni hal hyt.
| עשיתי משפט וצדק בל-תניחני לעשקי |
122 Na tyihzawih leeknaak aham ak khoeng na sai law cang lah; ak oek qukhqi ing koeh ni husit khqi seh.
| ערב עבדך לטוב אל-יעשקני זדים |
123 Nang a hulnaak ingkaw ak dyng awikamnaak ce sui vang nyng, ka mik awm hyp hqoeng hawh hy.
| עיני כלו לישועתך ולאמרת צדקך |
124 Na lungnaak ing na tyihzawih ve ngai cang nawh, nak awitlyhnaak awipeekkhqi ce cawngpyi cang.
| עשה עם-עבדך כחסדך וחקיך למדני |
125 Na tyihzawih na ni ka awm; nam cuk kiknaak awipeek kang zaksimnaak thai aham phekbo thainaak kawlung ni pe lah.
| עבדך-אני הבינני ואדעה עדתיך |
126 Aw Bawipa, tuh ve sai tym hawh ni; na cawngpyinaak awi hqe huili na awm hawh hy.
| עת לעשות ליהוה-- הפרו תורתך |
127 Sui anglakawh, sui tuici anglakawh nang ak awipeekkhqi ce ka lungnaak a dawngawh;
| על-כן אהבתי מצותיך-- מזהב ומפז |
128 nak awipeekkhqi ce thym hy ka ti a dawngawh, amak thym lam boeih ce sawh na nyng.
| על-כן כל-פקודי כל ישרתי כל-ארח שקר שנאתי |
129 Nam cuk kiknaak awikhqi ve kawpoek kyi na awm hy; ce a dawngawh hquut nyng.
| פלאות עדותיך על-כן נצרתם נפשי |
130 Ak dai qu nak awi ing vangnaak ce ni pehy; thlang mailaikhqi venawh zaksimnaak ce pehy.
| פתח דבריך יאיר מבין פתיים |
131 Nak awipeekkhqi ce kang ngai a dawngawh, kam kha ang nyng saw kang hqi hawp hqoeng nyng.
| פי-פערתי ואשאפה כי למצותיך יאבתי |
132 Nang ming ak lungnaak thlangkhqi venawh na sai khawi amyihna, kai benna hawi nawh nim qeen cang lah.
| פנה-אלי וחנני-- כמשפט לאהבי שמך |
133 Nak awi amyihna ka khaw khamkhqi ve hawi law lah; thawlhnaak ing koeh ni uk seh.
| פעמי הכן באמרתך ואל-תשלט-בי כל-און |
134 Nak awipeekkhqi ka hquut thainaak aham, thlangkhqi a huhsitnaak ak khui awhkawng ni hul lah.
| פדני מעשק אדם ואשמרה פקודיך |
135 Na tyihzawih khan awh na haai vang sak nawh nak awitlyhnaak awipeekkhqi ce ni cawngpyi lah.
| פניך האר בעבדך ולמדני את-חקיך |
136 Na cawngsak naak awikhqi a mami hquut a dawngawh, ka mik qawi awhkawng ka mikphli tuikhqi ve lawngca tui amyihna lawng hy.
| פלגי-מים ירדו עיני-- על לא-שמרו תורתך |
137 Aw Bawipa, nang taw dyng tiksaw, na cawngpyinaak awikhqi awm thym hy.
| צדיק אתה יהוה וישר משפטיך |
138 Cuk kiknaak awipeek na taakhqi ve dyng nawh; a ypawm soeih hy.
| צוית צדק עדתיך ואמונה מאד |
139 Ka qaalkhqi ing nak awi ce ami hilh a dawngawh ka ypawmnaak ing ni hawn sak zip hawh hy.
| צמתתני קנאתי כי-שכחו דבריך צרי |
140 Nak awikamnaak khqi ce ak nep cana noek a dak na awm hawh nawh, ce ce na tyihzawih ing ve lungna hy.
| צרופה אמרתך מאד ועבדך אהבה |
141 Ak nem na awm nyng thlang a huhsit na awm nyng seiawm, nak awipeekkhqi ce am hilh qoe nyng.
| צעיר אנכי ונבזה פקדיך לא שכחתי |
142 Na dyngnaak taw kumqui dyna awm nawh nak caksaknaak awikhqi ce thym hy.
| צדקתך צדק לעולם ותורתך אמת |
143 Kyinaak ingkaw khuikhanaak ing ni sing bai seiawm, nak awipeekkhqi ce ka zeelnaak na awm hy.
| צר-ומצוק מצאוני מצותיך שעשעי |
144 Nam cuk kiknaak awipeekkhqi ce kumqui dy thym hy; ka hqingnaak aham zaksimnaak ce ni pe lah.
| צדק עדותיך לעולם הבינני ואחיה |
145 Aw Bawipa, kak kawlung boeih ing nik khy nyng, nang ing nim hlat lah, cawhtaw nawl peeknaak awitlyhkhqi boeih ce hquut kawng nyng.
| קראתי בכל-לב ענני יהוה חקיך אצרה |
146 Nang ni ka nik khy; ni hul lah cawhtaw nam cuk kiknaak awipeekkhqi ce hquut kawng.
| קראתיך הושיעני ואשמרה עדתיך |
147 Khaw a dai hlan awh tho nyng saw bawmnaak thoeh doena kqang nyng; nak awi awh ngaih-unaak ce ta nyng.
| קדמתי בנשף ואשועה לדבריך (לדברך) יחלתי |
148 Na awitaak ce kak poeknaak typ typ aham, thanlung a poeng hlan dy ka mik dai phat hy.
| קדמו עיני אשמרות-- לשיח באמרתך |
149 Na lungnaak amyihna kak khynaak awi ce ngai law lah; Aw Bawipa na cawngpyinaak awi amyihna ka hqingnaak ve khoem law lah.
| קולי שמעה כחסדך יהוה כמשפטך חיני |
150 Ak che ik-oeih ingkaw kai anik tengkhqi zoe lawk khqoet uhy, cehlai nang a cawngpyinaak awi ingtaw hla quhy.
| קרבו רדפי זמה מתורתך רחקו |
151 Cehlai, Aw Bawipa, nang taw zoe hyk ti, nak awipeekkhqi boeih awm thym hy.
| קרוב אתה יהוה וכל-מצותיך אמת |
152 Ce mihkhqi ce kumqui dyna nang ing caksak hawh hyk ti, tice nam cuk kiknaak awipeek awhkawng sim hawh nyng.
| קדם ידעתי מעדתיך כי לעולם יסדתם |
153 Kak khuikhanaak ve toek law nawhtaw ni hul lah, kawtih na cawngpyinaak awi ce am hilh nyng.
| ראה-עניי וחלצני כי-תורתך לא שכחתי |
154 Kai akawng a dawngawh ni hul nawhtaw ni thaawng lah; na awikamnaak amyihna ka hqingnaak ve khoem law lah.
| ריבה ריבי וגאלני לאמרתך חיני |
155 Hulnaak ve thlakchekhqi hamna taw hla hy, kawtih cekkhqi ing nang a awitlyhnaak awipeek ce am sui uhy.
| רחוק מרשעים ישועה כי חקיך לא דרשו |
156 Aw Bawipa, na lungnaak taw bau soeih hy; na cawngpyinaak awi amyihna ka hqingnaak ve khoem law lah.
| רחמיך רבים יהוה כמשפטיך חיני |
157 Kai anik thekhanaak qaalkhqi ve kqeng soeih uhy, cehlai nang am cuk kiknaak awipeek awhkawng am pleng nyng.
| רבים רדפי וצרי מעדותיך לא נטיתי |
158 Cangnaak amak ta thlangkhqi ce tyih doena toek nyng, kawtih cekkhqi ing nak awi ce am hquut uhy.
| ראיתי בגדים ואתקוטטה-- אשר אמרתך לא שמרו |
159 Nak awipeekkhqi izah dy ka lungnaak tive toek lah; Aw Bawipa, na lungnaak amyihna ka hqingnaak ve khoem law lah.
| ראה כי-פקודיך אהבתי יהוה כחסדך חיני |
160 Nang ak awipeekkhqi boeih ve thym hy; nang a koe ak dyng cawngpyinaak awikhqi taw kumqui dy cak hy.
| ראש-דברך אמת ולעולם כל-משפט צדקך |
161 Akawng a awm kaana ukkungkhqi ing ni thekha na uhy, cehlai kak kawlung taw nang ak awi awh thyn hy.
| שרים רדפוני חנם ומדבריך (ומדברך) פחד לבי |
162 Kawnthem ak hu moek thlang amyihna nak awikamnaak awh zeel nyng.
| שש אנכי על-אמרתך-- כמוצא שלל רב |
163 Amak thym ce sawh na nyng saw tyih nyng, cehlai na cawngpyinaak awi taw lungna nyng.
| שקר שנאתי ואתעבה תורתך אהבתי |
164 Ak thym nang a cawngpyinaak awikhqi awh hypoet awh voei khqih nang nim kyihcah nyng.
| שבע ביום הללתיך-- על משפטי צדקך |
165 Nang a cawngpyinaak awi ak lungnaak thlangkhqi ingtaw ngaihqepnaak bau soeih ta uhy; ikaw ingawm a mingmih ce am bah sak khqi thai hy.
| שלום רב לאהבי תורתך ואין-למו מכשול |
166 Aw Bawipa nang a hulnaak ce lamtoen nyng saw, nang ak awipeekkhqi ce hquut nyng.
| שברתי לישועתך יהוה ומצותיך עשיתי |
167 Nang ak awipeekkhqi ce ka lungnaak a dawngawh hquut nyng.
| שמרה נפשי עדתיך ואהבם מאד |
168 Nang ak awipeekkhqi ingkaw cuk kiknaak awipeekkhqi ce hquut nyng, kawtih ka lam boeih ce nang ing sim hyk ti.
| שמרתי פקודיך ועדתיך כי כל-דרכי נגדך |
169 Aw Bawipa, kang kqangnaak awi ve na hai pha law seh; nak awi amyihna zaksimnaak ce ni pe lah.
| תקרב רנתי לפניך יהוה כדברך הבינני |
170 Qeennaak ka thoeh law ve na hai pha law seh; na awikamnaak amyihna nang ing ni hul lah.
| תבוא תחנתי לפניך כאמרתך הצילני |
171 Ka hui ve kyihcahnaak ing bengen seh, kawtih namah ing namah a awitlyhnaak awipeekkhqi ce ni cawngpyi hyk ti.
| תבענה שפתי תהלה כי תלמדני חקיך |
172 Kam lai ing nak awi ce laa na sa seh, kawtih nak awipeekkhqi taw dyng hy.
| תען לשוני אמרתך כי כל-מצותיך צדק |
173 Na kut ce kai bawmnaak aham a oepchoeh na awm lah seh, kawtih nang ak awipeek ce ni kak tyh hawh.
| תהי-ידך לעזרני כי פקודיך בחרתי |
174 Aw Bawipa, nang a hulnaak ce ngai soeih nyng, nang a cawngpyinaak awi taw ka zeelnaak na awm hy.
| תאבתי לישועתך יהוה ותורתך שעשעי |
175 Ka nim kyihcah thainaak aham, ni hqing sak lah, na cawngpyinaak awi ing ning dyihpyi lah seh.
| תחי-נפשי ותהללך ומשפטך יעזרני |
176 Tuu ak qeng amyihna lam hang hqoeng hawh nyng. Na tyihzawih ve sui lah, kawtih nak awipeekkhqi ce am hilh nyng.
| תעיתי-- כשה אבד בקש עבדך כי מצותיך לא שכחתי |
