Tingtoeng 69
1 David kah Tuilipai te aka mawt ham Tui loh ka hinglu te ham pha dongah Pathen aw kai n'khang lah.
| למנצח על שושנים לדוד הושיעני אלהים כי באו מים עד נפש׃ |
2 Sihnok laedil la ka buek tih tungtainah om kolla tui dung la ka pha voek dongah tuili loh kai n'yo coeng.
| טבעתי ביון מצולה ואין מעמד באתי במעמקי מים ושבלת שטפתני׃ |
3 Ka pang te khaw ka kohnue coeng. Ka olrhong khaw koh coeng. Ka Pathen te ka lamtawn ah ka mik kha coeng.
| יגעתי בקראי נחר גרוני כלו עיני מיחל לאלהי׃ |
4 Lunglilungl a la ka lunguet rhoek tah ka lu dongkah sam lakah yet. A honghi mai neh kai aka biit ka thunkha rhoek loh yet uh. Ka huen pawt te ka sah.
| רבו משערות ראשי שנאי חנם עצמו מצמיתי איבי שקר אשר לא גזלתי אז אשיב׃ |
5 Ka anglat te Pathen namah loh na ming tih ka dumlai he nang taeng lamloh a thuh uh moenih.
| אלהים אתה ידעת לאולתי ואשמותי ממך לא נכחדו׃ |
6 Ka Boeipa caempuei Yahovah, nang aka lamtawn rhoek te kai kong ah yahpok uh boel saeh. Israel Pathen nang aka tlap rhoek te kai kong ah a hmaithae uh boel saeh.
| אל יבשו בי קויך אדני יהוה צבאות אל יכלמו בי מבקשיך אלהי ישראל׃ |
7 Nang ham te kokhahnah ka phueih tih ka maelhmai he mingthae loh a dah.
| כי עליך נשאתי חרפה כסתה כלמה פני׃ |
8 Ka pacaboeina rhoek taengah ka hlanglak tih ka manu ca rhoek taengah ka kholong.
| מוזר הייתי לאחי ונכרי לבני אמי׃ |
9 Na im thatlainah dongah kai n'yoop tih nang aka veet rhoek kah kokhahnah khaw kai soah tla.
| כי קנאת ביתך אכלתני וחרפות חורפיך נפלו עלי׃ |
10 Te dongah ka hinglu kah yaehnah neh ka rhap dae kai taengah kokhahnah la pawk.
| ואבכה בצום נפשי ותהי לחרפות לי׃ |
11 Ka tlamhni pueinak ka bai vaengah amih ham thuidoeknah la ka om.
| ואתנה לבושי שק ואהי להם למשל׃ |
12 Vong ka kah aka ngol rhoek loh kai taengah lolmang a taeng uh tih yu o rhoek kah rhotoeng la ka om khoeng.
| ישיחו בי ישבי שער ונגינות שותי שכר׃ |
13 Tedae Pathen kah kolonah tue vaengah, kai loh BOEIPA nang taengah ka thangthuinah te, na sitlohnah cangpai dongah namah kah khangnah oltak neh kai nan doo.
| ואני תפלתי לך יהוה עת רצון אלהים ברב חסדך ענני באמת ישעך׃ |
14 Tangnong khui lamkah kai n'huul lamtah m'buek sak boeh. Ka lunguet neh tui dung lamkah n'huul lah.
| הצילני מטיט ואל אטבעה אנצלה משנאי וממעמקי מים׃ |
15 Tuili tui loh kai n'yo boel saeh lamtah a laedil la kai n'yoop boel saeh. Tangrhom loh kai a ka n'khuep thil boel saeh.
| אל תשטפני שבלת מים ואל תבלעני מצולה ואל תאטר עלי באר פיה׃ |
16 Na sitlohnah a then dongah kai n'doo lah BOEIPA. Na haidamnah cungkuem neh kai taengla ha mael lah.
| ענני יהוה כי טוב חסדך כרב רחמיך פנה אלי׃ |
17 Te dongah na maelhmai te na sal taeng lamkah thuh boel mai. Ka taengah n'daengdaeh dongah a loe la kai n'doo dae.
| ואל תסתר פניך מעבדך כי צר לי מהר ענני׃ |
18 Ka hinglu taengla ha yoei lamtah n'tlan dae. Ka thunkha rhoek kongah kai n'lat dae.
| קרבה אל נפשי גאלה למען איבי פדני׃ |
19 Namah loh kai kah kokhahnah, yahpohnah, ka mingthae neh na hmaikah kai aka daengdaeh boeih khaw na ming.
| אתה ידעת חרפתי ובשתי וכלמתי נגדך כל צוררי׃ |
20 Kokhahnah dongah ka lungbuei rhek tih ka mangoeng sut. Te dongah aka suem ham ka lamtawn dae om pawt tih, aka hloep ham khaw ka hmu pawh.
| חרפה שברה לבי ואנושה ואקוה לנוד ואין ולמנחמים ולא מצאתי׃ |
21 Ka buh dongah anrhat han hlum uh tih ka tuihalh vaengkah ham a thuui n'tul uh.
| ויתנו בברותי ראש ולצמאי ישקוני חמץ׃ |
22 Amih kah caboei te amih mikhmuh ah pael la, rhoepnah te hlaeh la om pah saeh.
| יהי שלחנם לפניהם לפח ולשלומים למוקש׃ |
23 Amih kah mik te a tueng khui lamkah hmuep saeh lamtah a cinghen khaw khun yoeyah saeh.
| תחשכנה עיניהם מראות ומתניהם תמיד המעד׃ |
24 Amih te na kosi lun thil lamtah na thintoek thinsa loh amih te doom saeh.
| שפך עליהם זעמך וחרון אפך ישיגם׃ |
25 Amih kah lumim te kho pong la om saeh lamtah a dap ah khosa hlang om boel saeh.
| תהי טירתם נשמה באהליהם אל יהי ישב׃ |
26 Na ngawn te a hloem uh tih na rhok kah nganboh te a tae uh.
| כי אתה אשר הכית רדפו ואל מכאוב חלליך יספרו׃ |
27 Thaesainah te amamih kathaesainah neh a koei dongah nang kah duengnah te bawn uh boel saeh.
| תנה עון על עונם ואל יבאו בצדקתך׃ |
28 Hingnah cabu khui lamkah phae lamtah hlang dueng rhoek neh hmaih daek boeh.
| ימחו מספר חיים ועם צדיקים אל יכתבו׃ |
29 Tedae kai mangdaeng thakkhoeih he, Pathen namah kah khangnah neh n'hoeptlang lah.
| ואני עני וכואב ישועתך אלהים תשגבני׃ |
30 Lumla a neh Pathen ming te ka thangthen vetih amah te uemonah neh ka pomsang puei ni.
| אהללה שם אלהים בשיר ואגדלנו בתודה׃ |
31 Te daengah ni BOEIPA ham vaito vaitotal ki cawn neh khomae aka rhak lakah a uemo eh.
| ותיטב ליהוה משור פר מקרן מפריס׃ |
32 Kodo rhoek loh a hmuh vetih a kohoe uh ni. Pathen aka tlap rhoek, nangmih thinko ah hing van saeh.
| ראו ענוים ישמחו דרשי אלהים ויחי לבבכם׃ |
33 BOEIPA loh khodaeng rhoek te a yaak tih a thongtla rhoek khaw a hnoel moenih.
| כי שמע אל אביונים יהוה ואת אסיריו לא בזה׃ |
34 Vaan rhoek neh diklai loh, tuitunli rhoek neh a khuiah aka yuel boeih loh BOEIPA amah te thangthen uh saeh.
| יהללוהו שמים וארץ ימים וכל רמש בם׃ |
35 Pathen loh Zion a khang ni. Judah khopuei rhoek te a sak vaengah kho a sak vetih pahoi a pang uh ni.
| כי אלהים יושיע ציון ויבנה ערי יהודה וישבו שם וירשוה׃ |
36 A sal rhoek kah a tiingan long khaw a pang uh vetih a ming aka lungnah rhoek loh a khuiah kho a sakuh.
| וזרע עבדיו ינחלוה ואהבי שמו ישכנו בה׃ |
