Tingtoeng 44
1 Aka mawt ham Korah ca rhoek kah Hlohlai Pathen aw, hlamat kum kah amamih tue ah na saii khoboe te, a pa rhoek loh kaimih ham a tae uh tih, kaimih hna neh ka yaak uh coeng.
| למנצח לבני קרח משכיל אלהים באזנינו שמענו אבותינו ספרו לנו פעל פעלת בימיהם בימי קדם׃ |
2 Na kut neh namtom na haek tih a pa rhoek te na thoh. Namtu te talh sak ham a pa rhoek na hlun.
| אתה ידך גוים הורשת ותטעם תרע לאמים ותשלחם׃ |
3 A cunghang loh khohmuen pang sak uh pawt tih a bantha loh amih a khang moenih. Tedae amih te na moeithen dongah na bantang kut kah na bantha, na maelhmai kah khosae nen ni na khang.
| כי לא בחרבם ירשו ארץ וזרועם לא הושיעה למו כי ימינך וזרועך ואור פניך כי רציתם׃ |
4 Ka manghai Pathen nang loh Jakob kah khangnah ham uen lah.
| אתה הוא מלכי אלהים צוה ישועות יעקב׃ |
5 Nang rhang neh ka rhal rhoek te ka thoeh uh. Kaimih taengkah aka tlai rhoek na ming neh ka suntlae uh.
| בך צרינו ננגח בשמך נבוס קמינו׃ |
6 Ka liva dongah ka pangtung pawt tih ka cunghang loh kai n'khang moenih.
| כי לא בקשתי אבטח וחרבי לא תושיעני׃ |
7 Tedae ka rhal kut lamkah kaimih nan khang tih kaimih kah ka lunguet rhoek te na yah sak.
| כי הושעתנו מצרינו ומשנאינו הבישות׃ |
8 Hnin takuem Pathen rhang neh ka thangthen uh tih na ming te kumhal duela ka uem uh ni. (Selah)
| באלהים הללנו כל היום ושמך לעולם נודה סלה׃ |
9 Tedae nan hlahpham tih kaimih kah hmaithae na saii dae ka caempuei taengla na pawk tloe moenih.
| אף זנחת ותכלימנו ולא תצא בצבאותינו׃ |
10 Rhal taeng lamkah kaimih he hnuk la let nan khuen vaengah ka lunguet rhoek loh amamih vik te tukvat uh thae.
| תשיבנו אחור מני צר ומשנאינו שסו למו׃ |
11 Boiv a bangla kaimih he maeh la nan mop tih namtom taengah kaimih he nan thaek nan yak.
| תתננו כצאן מאכל ובגוים זריתנו׃ |
12 A rhoeh pawt dongah na pilnam na yoih dae amih phu nen khaw na rhoeng hae pawh.
| תמכר עמך בלא הון ולא רבית במחיריהם׃ |
13 Imben rhoek ham kokhahnah, tamdaengnah neh kaepvai kah soehsalnah la kaimih nan khueh.
| תשימנו חרפה לשכנינו לעג וקלס לסביבותינו׃ |
14 Namtom rhoek taengah thuidoeknah neh namtu pawt kah lu thuknah ham ni kaimih he nan khueh.
| תשימנו משל בגוים מנוד ראש בל אמים׃ |
15 Kamah kah mingthae loh hnin takuem kamah hmuh ah om tih,
| כל היום כלמתי נגדי ובשת פני כסתני׃ |
16 aka veet kah ol neh thunkha nah phu aka lo kah mikhmuh ah a hliphen dongah ka maelhmai he yahpohnah loh a thing khoep.
| מקול מחרף ומגדף מפני אויב ומתנקם׃ |
17 He boeih loh kaimih taengah ha pai dae nang kan hnilh uh pawt tih na paipi dongah rhi ka lat uh moenih.
| כל זאת באתנו ולא שכחנוך ולא שקרנו בבריתך׃ |
18 Ka lungbuei he a hnuk la balkhong pawh. Kaimih khokan long khaw na caehlong te phaelh pawh.
| לא נסוג אחור לבנו ותט אשרינו מני ארחך׃ |
19 Tedae pongui kho ah kaimih nan phen tih dueknah hlipkhup neh nan khuk thil.
| כי דכיתנו במקום תנים ותכס עלינו בצלמות׃ |
20 Ka Pathen ming ka hnilh uh tih rhalawt pathen taengah kut ka phuel uh atah,
| אם שכחנו שם אלהינו ונפרש כפינו לאל זר׃ |
21 Lungbuei kah a huephael aka ming Pathen loh hekah he khe mahpawt a?
| הלא אלהים יחקר זאת כי הוא ידע תעלמות לב׃ |
22 Nang ham dongah maeh aka ngawn kah boiva la poek uh tih hnin takuem ah kaimih n'ngawn uh.
| כי עליך הרגנו כל היום נחשבנו כצאן טבחה׃ |
23 Haenghang laeh ba dongah lae na ih. Ka Boeipa, thoo laeh a yoeyah la nan hlahpham tarha mahpawh.
| עורה למה תישן אדני הקיצה אל תזנח לנצח׃ |
24 Ba dongah lae na hmai na thuh tih kaimih pum kah phacipphabaem neh hnaemtaeknah na hnilh?
| למה פניך תסתיר תשכח ענינו ולחצנו׃ |
25 Kaimih hinglu loh laipi dongla ngam tih kaimih bung loh diklai la khoem uh coeng.
| כי שחה לעפר נפשנו דבקה לארץ בטננו׃ |
26 Kaimih kah bomkung aw thoo lamtah na sitlohnah dongah kaimih n'lat dae.
| קומה עזרתה לנו ופדנו למען חסדך׃ |
